Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

லால்- ப்ரியதர்ஷன் கூட்டணி மெஸ்மரிசம் செய்ததா? #ஒப்பம்- படம் எப்படி?

 

1953ல் பிரிட்டிஷ் இயக்குநர் கென் ஹூயூக்ஸ் இயக்கத்தில் வெளியான படம் 'த டார்க் ஸ்டேர்வே’. அந்தப் படத்தின் தழுவலாக கோவிந்த் விஜயன் ஒரு கதை எழுத அதை மலையாளத்தில் 'ஒப்பம்'மாக இயக்கியிருக்கிறார் ப்ரியதர்ஷன். 

பார்வையற்றவர் வேடத்தில் மோகன் லால், மூன்று வருடத்திற்குப் (கீதாஞ்சலி) பிறகு மோகன் லால் - ப்ரியதர்ஷன் கூட்டணி இணைந்திருப்பது என படத்துக்கு நிறைய எதிர்பார்ப்புகள். மோகன்லான் -பிரியதர்ஷன் கூட்டணியில் இது 29வது படம் என்கிறார்கள்,.

பார்வை சவால் கொண்ட ஜெயராமன் (மோகன் லால்) அபார்ட்மெண்ட் ஒன்றில் லிஃப்ட் ஆப்ரேட்டராக வேலை செய்கிறார். அங்கு வசிக்கும் ஜஸ்டிஸ் கிருஷ்ணமூர்த்தியின் (நெடுமுடி வேணு) நெருங்கிய நண்பர். மோகன்லாலின் தங்கை கல்யாண வேலைகள் ஒருபுறம், நெடுமுடி வேணுவுடன் ஒருவரைத் தேடி பயணம் ஒருபுறம், என நகர்ந்து கொண்டிருக்கிறது கதை. திடீரென ஒரு நாள் நெடுமுடி வேணு தன் வீட்டில் கொல்லப்பட்டு கிடக்கிறார். வேணுவை சந்திக்க செல்லும் லால் அந்த கொலையாளனைப் பிடிக்க முயற்சிக்கிறார். ஆனால், கொலைகாரன் தப்பித்துவிடுகிறார். அதை யாரோ வெளியாள் செய்திருக்கிறார் என்பது மோகன்லாலுக்கு மட்டும் தான் தெரியும். ஆனால் அவரால் அடையாளம் சொல்ல முடியாது. போலீஸ், லால் தான் கொலை செய்துவிட்டு அதை மறைக்க நாடகமாடுகிறார் என சந்தேகப்படுகிறது. கொலைசெய்தது யார்? எதற்காக கொலை? லால் கொலையாளியைக் கண்டுபிடித்தாரா போன்ற மர்மங்களை மிக மெதுவாக அவிழ்க்கிறது இந்த 'ஒப்பம்'. 

த்ரில்லர் + லைட் ஹூமர் காம்போ என்றால் ப்ரியதர்ஷனுக்கு நூடுல்ஸ் போல, மிக எளிதாக செய்துவிடுகிறார். அது படத்தில் நன்றாக வேலை செய்தும் இருக்கிறது. ஆனால், சுவாரஸ்யமாக இல்லை என்பதுதான் சிக்கல்.

மோகன் லால் நடிப்பு பக்கா, பார்வையற்றவராக வாழ்ந்திருப்பது, தவமிருப்பது என ஓவராக செய்யாமல் கதாப்பாத்திரத்துக்கு தேவையான நடிப்பை மட்டும் கொடுத்திருப்பது அசத்தல். எல்லோரின் பெயரை மாற்றி அழைத்து காமெடி செய்யும் மாமுகோயா தொடங்கி பேபி மீனாட்சி வரை அத்தனை கதாப்பாத்திரங்களும் நேர்த்தியான நடிப்பு.

ஒரு த்ரில்லர் படம் என்பதாலேயே படத்தில் நிறைய பிரச்சனைகள். படம் தொடங்கி நெடுமுடிவேணு தன் ஃப்ளாஷ்பேக்கை சொல்லும் அந்த 15 நிமிடங்கள் வரை ஏதோ ஃபேமிலி ட்ராமா போல என நினைக்க வைக்கிறது கதை. விறுவிறுப்பே இல்லாமல் ஒரு த்ரில்லரா என ஆடியன்ஸ் மொபைலை எடுத்து ஏதோ சுறுசுறுப்பான கேம் ஆடத் தொடங்கி மறுபடி த்ரில்லர் சீன் வந்ததும் ஸ்க்ரீனைப் பார்க்கும் அளவுக்கு சோதிக்கிறது திரைக்கதை. 

ரான் ஈத்தன் யோகனின் பின்னணி இசை த்ரில்லருக்கு ஏற்ற மூட் செய் செய்து கொடுக்கிறது. என்.கே.ஏகாம்பரத்தின் ஒளிப்பதிவும் திகிலூட்டுகிறது. க்ளைமாக்ஸ் நெருங்கும் போது வந்தபரபரப்பு தான் இந்தப் படத்துக்கு முழுக்க தேவைப்பட்டது. ஆனால், அது முடிவில் மட்டுமே இருப்பதுதான் பிரச்னை.

ஒப்பம் -மோகன்லால்

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

MUST READ

Advertisement

எடிட்டர் சாய்ஸ்

[X] Close