Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

மிஸ்டர் விஷால்... தப்பித் தவறியும் இதெல்லாம் செஞ்சுடாதீங்க!

விஷாலுக்கும் தயாரிப்பாளர் சங்கத்திற்கும் நடக்கும் கத்திச்சண்டைதான் இந்த வார பரபரப்பு. பஜ்ஜி போண்டா பஞ்சாயத்து பண்ணுகிறார்கள் என அவர் எகிற, பார்த்து பேசணும் தம்பி என இவர்கள் பாய, ரணகள கொதிகலனாகிக் கிடக்கிறது ஏரியா. 'ஹைய்யா அடுத்த ஆக்‌ஷன் பிளாக் சிக்கிடுச்சு' என இன்ச் கேப்பில் மொய்க்கின்றன கேமராக் கண்கள். நடிகர் சங்கத்தை கேட்ச் செய்தது போல தயாரிப்பாளர் சங்கத்தையும் லபக்கென பிடிக்க விஷாலுக்கு சில கலகல ஐடியாஸ். 
(ஆனா, இதெல்லாம் தப்பித் தவறி கூட பாலோ பண்ணிடாதீங்க விஷால். அம்புட்டுதான்!)

* ’இனி தமிழ் படங்களில், முக்கியமாக தன் படங்களில் ஆக்‌ஷன் காட்சிகள் அதிகம் இருக்காது. அதனால் தயாரிப்பு செலவு கம்மியாகும்’ எனச் சொல்லி தயாரிப்பாளர் தேர்தலில் வாக்குகள் கேட்கலாம். (விஷால் படத்துல ஆக்‌ஷன் சீன் மட்டும்தானே இருக்கும் என கேட்பவர்கள் அவர் திருட்டு விசிடி கடைக்காரர்களை வெளுக்கும் வீடியோ பார்க்கவும்). அதி முக்கியமாக, சுமோ, சின்ன யானை, புல்டோசர் போன்ற இயந்திரங்களை பேப்பர் ராக்கெட் போல பறக்கவிட மாட்டேன் என அவர் சத்தியம் செய்யலாம். லட்சக்கணக்கில் பணம் மிச்சம் என்பதால் ஓட்டுக்கள் விழ வாய்ப்பு அதிகம்.  

* இந்தக் காலத்து ஹீரோக்களுக்கு பொறுப்பே இல்லை என குற்றச்சாட்டுகள் நாலாபுறமும் சொய்ங்கென வருவதால் இவர் தலைமையில் ஆர்யா, சிம்பு, ஜெய் போன்ற பேச்சுலர் ஹீரோக்களுக்கு திருமணம் செய்து வைக்கலாம். புது கமிட்மென்ட் காரணமாக சிம்பு கரெக்டாக ஷூட்டிங்கிற்கு வருவார். (எல்லாம் ஒரு நம்பிக்கைதான்). தயாரிப்பு செலவுகள் கம்மியாகும். கமிட்மென்ட் நல்லது பாஸ்.

* விஷாலுக்கும் போலீஸ் வேஷத்திற்கும் ஏனோ ராசியே இல்லை. எனவே இனி போலீஸ் கதையில் நடிப்பதில்லை என அதிரடியாக முடிவெடுத்து அறிவிக்கலாம். இதே போல் ஒவ்வொரு ஹீரோவுக்கும் இருக்கும் சென்டிமென்ட்டை கண்டுபிடித்து அவர்கள் அந்த ஜானர்களில் நடிக்க தடை விதிக்கலாம்.

* விஷால் இதுவரை நடித்தது இருபத்தி சொச்ச படங்கள் என்றாலும் குறைந்தது 40 ஹீரோயின்களோடாவது டூயட் பாடியிருக்கிறார். அதிகபட்சமாக ஆம்பள படத்தில் எட்டு. (அத்தை - மருமகனுக்கு இடையிலான புனித பாசத்தை கொச்சைப் படுத்தாதீர்கள் என கச்சை கட்டுபவர்களின் மனசாட்சிக்கு கபீம்குபாம்தான்). இந்த மாதிரி மல்ட்டி ஹீரோயின்கள் சப்ஜெக்ட் நடிப்பதில்லை என முடிவெடுத்தால் தயாரிப்பாளர்களுக்கு இன்ப ஹனி வந்து பாயுது காதினிலே!

* இவ்வளவு வாக்குறுதிகள் கொடுத்தும் மசியாதவர்களுக்கு சண்டக்கோழி ஸ்டைல்தான். ஊர்ப்பக்கம் அழைத்துப் போய், மழையில் புட்பால் ஆடவிட்டு, மறுநாள் காய்ச்சலுக்கு நாட்டுக்கோழி சூப் வைத்துக்கொடுத்தால் 'முரட்டுத்தொடை' ராஜ்கிரணே இம்ப்ரஸ் ஆகும்போது தயாரிப்பாளர்கள் ஆகமாட்டார்களா என்ன? பாசத்துக்கு முன்னால எல்லாரும் பனிதான் பாஸ்!

* பாசத்திற்கும் பணியாத ஆட்கள் என்றால் வேறு வழியே இல்லை. கடைசி பிரம்மாஸ்திரத்தை எய்துவிட வேண்டியதுதான். கண்களில் க்ளிப் மாட்டிவிட்டு, கை கால்களை கட்டி உட்கார வைத்து, அவன் இவனில் அவர் செய்யும் நவரச நாட்டியத்தை ஆடிக்காட்ட வேண்டும். அதான் ஜி... நம்ம சூர்யா சிலிர்த்து போய் சில்லறை எல்லாம் விட்டெறிவாரே, அந்த பெர்ஃபாமன்ஸ்தான். சிங்கத்துக்கே கண்ணுல இருந்து வாட்டர் ஓவர்ஃப்ளோ ஆகுறப்போ தயாரிப்பாளர்களுக்கு வராமயா இருக்கும்? ஜெய் மகிழ்மதிதான்.

சரி இதெல்லாம் செய்து தயாரிப்பாளர் சங்கத்தையும் கேட்ச் பண்ணியாச்சு. அடுத்தகட்ட ஆப்ரேஷன்? அதுக்கும் திட்டம் இருக்குல்ல..!

* மீடியாவின் அதீத பப்ளிசிட்டி, சின்ன சின்ன ஆக்‌ஷன் சீக்வன்ஸ் என இவருக்கும் அரவிந்த் கெஜ்ரிவாலுக்கும் எக்கச்சக்க ஒற்றுமைகள். எனவே அடுத்ததாய் டெல்லி சட்டமன்ற தேர்தலில் போட்டியிடலாம். இரண்டு பேருமே ட்விட்டரில் ஆக்டிவ் என்பதால்...இருக்கு நெட்டிசன்ஸ்க்கு என்டர்டெயின்மென்ட் இருக்கு!

* சடகோபன் ரமேஷின் சினிமா சேவையை பாராட்டாதது, ஹேமங் பதானியை சி.எஸ்.கேவில் விளையாட வாய்ப்பு தராதது உள்ளிட்டவற்றைக் கண்டித்து தமிழ்நாடு கிரிக்கெட் சங்க தேர்தலில் போட்டி போடலாம். ஐ.பி.எல்லுக்கு போட்டியாக சி.சி.எல் நடத்திய அனுபவம் இருப்பதால் ஹெவி போட்டியாய் இருக்கும்.

* இதுதான் மிக முக்கியமான தேர்தல். பணி நிமித்தமாய் அடிக்கடி மதுரையில் இருந்து பஸ் ஏறி சென்னைக்கு வரும் ரெகுலர் கஸ்டமர்தான். ஆனாலும் மற்றவர்களை போல தன்னிடமும் சீசன் டைமில் அநியாய விலைக்கு டிக்கெட் விற்பதால் ஆம்னி பஸ் சங்க தேர்தலில் நிற்கலாம்! 

-நித்திஷ்

Advertisement
Advertisement
Advertisement
Advertisement

MUST READ

Advertisement

எடிட்டர் சாய்ஸ்

[X] Close