அந்த வகையில் டெல்லியில் செப்டம்பர் 26ம் தேதி முதல் அக்டோபர் 5ம் தேதி வரை 'தசரா பண்டிகை' செங்கோட்டை மைதானத்தில் கொண்டாப்பட்டு வருகிறது. இந்நிலையில் பண்டிகையின் நிறைவு நாளான இன்று இராவணன், கும்பகர்ணன் போன்றவர்களின் உருவ பொம்மையை வில் அல்லது தீப்பந்தம் மூலம் கொளுத்துவது வழக்கம்.

'பாகுபலி' படத்தில் நடித்து இந்தியா முழுவதும் பிரபலமான தென்னிந்திய நடிகரான பிரபாஸ் இன்று நடைபெறும் இந்த நிகழ்வில் கலந்துகொண்டு இராவணன் உருவ பொம்மை எரித்து விழாவைச் சிறப்பிக்க உள்ளதாக விழாவை நடத்தும் லவ் குஷ் (Lav Kush) ராம்லீலா கமிட்டியினர் தெரிவித்திருந்தனர். அதன்படி நடிகர் பிரபாஸ் இன்று மாலை இராவணன் உருவ பொம்மை எரித்து விழாவை சிறப்பிக்க இருக்கிறார். இந்த கோலாகலமான நிகழ்வில் குடியரசுத் தலைவர் திரௌபதி முர்மு மற்றும் டெல்லி முதல்வர் அரவிந்த் கெஜ்ரிவால் ஆகியோர் பங்கேற்கின்றனர்.