Published:Updated:

Uorfi Javed: "என் தந்தையே என்னை ஆபாச நடிகை என்றார்!"- ஆடை சர்ச்சையில் சிக்கிய உர்ஃபி ஜாவேத் வருத்தம்

உர்ஃபி ஜாவேத்

கவர்ச்சியான உடைகளை அணிந்து பலரது விமர்சனங்களுக்கும், டிரோல்களுக்கும் ஆளாகி வரும் உர்ஃபி ஜாவேத் தனது வாழ்க்கையில் நடந்த சில விஷயங்கள் குறித்துப் பகிர்ந்துள்ளார்.

Published:Updated:

Uorfi Javed: "என் தந்தையே என்னை ஆபாச நடிகை என்றார்!"- ஆடை சர்ச்சையில் சிக்கிய உர்ஃபி ஜாவேத் வருத்தம்

கவர்ச்சியான உடைகளை அணிந்து பலரது விமர்சனங்களுக்கும், டிரோல்களுக்கும் ஆளாகி வரும் உர்ஃபி ஜாவேத் தனது வாழ்க்கையில் நடந்த சில விஷயங்கள் குறித்துப் பகிர்ந்துள்ளார்.

உர்ஃபி ஜாவேத்

இந்தி சீரியல்களில் நடித்து வந்த உர்ஃபி ஜாவேத் கடந்த 2021-ம் ஆண்டு ஓ.டி.டி தளத்தில் ஒளிபரப்பான பிக் பாஸ் 1-ல் கலந்துகொண்டு பிரபலமானவர். பிக் பாஸிலிருந்து ஒரே வாரத்தில் வெளியேற்றப்பட்ட நிலையில், தொடர்ந்து கவர்ச்சியான உடைகளை அணிந்து புகைப்படங்களை சமூக வலைதளங்களில் பகிர்ந்து வருகிறார்.

இப்படிக் கவர்ச்சியான உடைகளை அணிவதால் பலரது விமர்சனங்களுக்கும், டிரோல்களுக்கும் ஆளாகி வருகிறார். இந்நிலையில் தனது வாழ்க்கையில் நடந்த சில விஷயங்கள் குறித்து உர்ஃபி ஜாவேத் நேர்காணல் ஒன்றில் பகிர்ந்துள்ளார்.

உர்ஃபி ஜாவேத்
உர்ஃபி ஜாவேத்

இது தொடர்பாகப் பேசிய அவர், “எனக்கு 15 வயது இருக்கும்போது யாரோ எனக்குத் தெரியாமலேயே எனது புகைப்படத்தை ஆபாச தளத்தில் பதிவேற்றி விட்டார்கள். இந்தத் தகவல் என்னுடைய உறவினர்கள் மூலம் என் தந்தையின் காதுக்குச் சென்றது. என்னைப் புரிந்துகொள்ளாத எனது தந்தை, என்னை அடித்து சித்ரவதை செய்து உடல் அளவிலும், மனதளவிலும் மிகவும் துன்புறுத்தினார்.

ஆபாச தளத்தில் என் புகைப்படம் வந்த பிறகு எனது தந்தையே என்னை ஆபாச நடிகை என்றுதான் அழைத்து வந்தார். எல்லாவற்றையும் பொறுத்துக்கொண்டு இரண்டு ஆண்டுகள் சமாளித்தேன். ஒரு கட்டத்தில் என்னால் கொடுமைகளைத் தாங்க முடியவில்லை. அதனால் 17 வயதில் நான் வீட்டை விட்டு வெளியேறி மும்பைக்கு வந்துவிட்டேன். கொஞ்சக் காலம் கால்சென்டரில் பணிபுரிந்தேன். பிறகு சீரியல்களில் நடிக்க வாய்ப்பு தேடி அலைந்தேன். அதன் பின் சில சீரியல்களில் நடித்தேன். அந்தச் சமயத்தில் எனக்கு பிக் பாஸ் வாய்ப்பு கிடைத்தது.

உர்ஃபி ஜாவேத்
உர்ஃபி ஜாவேத்

இதன்மூலம் என் வாழ்க்கை மாறிவிடும் என்று நினைத்தேன். ஆனால் அதிலிருந்து ஒரே வாரத்தில் எலிமினேட் செய்யப்பட்டேன். இருந்தாலும், தற்போது எனக்குக் கிடைத்திருக்கும் இந்தப் புகழுக்குக் காரணம் அந்த ஒரு வார பிக் பாஸ் வாய்ப்புதான்" என்று கூறியிருக்கிறார்.

அவர் அணியும் ஆடைகளுக்காக அடிக்கடி ட்ரோல் செய்யப்படுவது குறித்த கேள்விக்குப் பதிலளித்த அவர், "இணையத்தில் முகம் தெரியாதவர்களின் கருத்துகளைப் பற்றிக் கவலைப்படவில்லை. எனது விருப்பத்துடன்தான் நான் இதைச் செய்து வருகிறேன்” என்று தெரிவித்திருக்கிறார்.