Published:Updated:

Beyond the Fairytale: நயன் - விக்கி திருமணத்தின் first look டீசரை வெளியிட்ட நெட்பிளிக்ஸ்!

நயன்தாரா, விக்னேஷ் சிவன்

நயன்தாரா, விக்னேஷ் சிவனின் திருமணத்தின் ஃபர்ஸ்ட் லுக் டீசரை நெட்பிளிக்ஸ் நிறுவனம் இன்று வெளியிட்டிருக்கிறது.

Beyond the Fairytale: நயன் - விக்கி திருமணத்தின் first look டீசரை வெளியிட்ட நெட்பிளிக்ஸ்!

நயன்தாரா, விக்னேஷ் சிவனின் திருமணத்தின் ஃபர்ஸ்ட் லுக் டீசரை நெட்பிளிக்ஸ் நிறுவனம் இன்று வெளியிட்டிருக்கிறது.

Published:Updated:
நயன்தாரா, விக்னேஷ் சிவன்
நயன்தாரா, விக்னேஷ் சிவனுடைய திருமணத்தின் போட்டோக்களையும் மற்றும் வீடியோக்களையும் மக்கள் எதிர்பார்த்த நிலையில் 'நயன்தாரா: பியாண்ட் தி ஃபேரிடேல்' என்ற (Beyond the Fairytale) என்ற தலைப்பில் அவர்களது திருமணத்தின் first look டீசரை நெட்பிளிக்ஸ் வெளியிட்டிருக்கிறது.

ஏழு ஆண்டு காதலுக்குப் பின்னர், நயன்தாராவும் விக்னேஷ் சிவனும் கடந்த ஜூன் மதம் மாமல்லபுரத்தில் உள்ள ஒரு தனியார் நட்சத்திர ஹோட்டலில் மிகப் பிரமாண்டமாகத் திருமணம் செய்து கொண்டனர். குறிப்பிட்ட சிலர் மட்டுமே இந்தத் திருமண நிகழ்ச்சிக்கு அழைக்கப்பட்டிருந்தனர். நயன்தாரா, விக்னேஷ் சிவன் திருமணத்தில் போட்டோ மட்டும் வீடியோக்கள் எந்தக் காரணத்தைக் கொண்டும் வெளியே கசிந்து விடாத அளவுக்கு, பாதுகாப்பு பலப்படுத்தப்பட்டிருந்தது. திருமணம் நடந்த அன்று திருமண புகைப்படத்தை மட்டும் விக்னேஷ் சிவன் வெளியிட்டிருந்தார். இதன் பிறகு எந்த ஒரு புகைப்படமும் வெளிவராத நிலையில் இவர்களது திருமண போட்டோ வீடியோ ஓ.டி.டி தளமான நெட்பிளிக்ஸ் தளத்திற்கு அளிக்கப்பட்டு விட்டதாகவும் அதில் மட்டுமே வீடியோ வெளியாகும் என்றும் பரவலாகப் பேசப்பட்டது.

இதற்காக 25 கோடி ரூபாய் ஒப்பந்தம் போடப்பட்டது என்றும் கூறிவந்தனர். சமீபத்தில் ஷாருக்கான், மணிரத்னம், ரஜினிகாந்த் விஜய் சேதுபதி, சூர்யா, ஜோதிகா உள்ளிட்டோருடன் மணமக்கள் எடுத்த புகைப்படங்கள் ஒவ்வொன்றாக வெளிவரத் தொடங்கின.

இந்நிலையில் நயன்தாரா திருமண வீடியோவை நெட்பிளிக்ஸ் வெளியிட மறுத்துவிட்டதாகத் தகவல்கள் வெளியானது. இதன் தொடர்ச்சியாகத்தான் விக்னேஷ் சிவன் தரப்பில் புகைப்படங்கள் ஒவ்வொன்றாக வெளிவருவதாகவும் கூறப்பட்டது. ஆனால் தற்போது தி ரவுடி பிக்சர்ஸ் தயாரிப்பில், இயக்குநர் கௌதம் வாசுதேவ் மேனன் இயக்கத்தில் உருவான நயன்தாரா, விக்னேஷ் சிவனின் திருமணத்தின் first look டீசரை 'நயன்தாரா: பியாண்ட் தி ஃபேரிடேல்' (Beyond the Fairytale) என்ற தலைப்பில் நெட்பிளிக்ஸ் நிறுவனம் சமூக வலைத்தளங்களில் இன்று வெளியிட்டுள்ளது.