Published:Updated:

என் வீட்டுக்கு யாரும் வராதீங்க... தற்சார்பு வாழ்க்கையால் ஈர்க்கும் யூடியூபர் ஜெனல்

தற்சாற்பு வாழ்க்கையைப் பின்பற்றி வாழும் சிலர் வேனை (Van) தங்கள் இருப்பிடமாக மாற்றிக்கொண்டதை சமூக வலைதளத்தில் பார்த்த ஜெனல் அதையை பின்பற்றத் தீர்மானித்தார்.

பிரீமியம் ஸ்டோரி

‘வாங்குற சம்பளத்துல பாதி வீட்டு வாடகைக்கே போயிடுது’ என்று அங்கலாய்ப்போர் சங்கத்தில் நம்மில் பெரும்பாலானவர்கள் உறுப்பினர்கள். சொந்த வீடு வாங்கி இ.எம்.ஐ கட்டிக்கொண்டிருப்பவர்களுக்கும் இதே சிக்கல் இருக்கும். இந்தப் பிரச்னைக்குத் தீர்வு கண்டறிந்து அதை யூடியூப் சேனல் மூலம் உலகுக்கு அறிவித்து ஹிட் அடித்திருக்கிறார் ஜெனல் எலியானா.

என் வீட்டுக்கு யாரும் வராதீங்க... தற்சார்பு வாழ்க்கையால் ஈர்க்கும் யூடியூபர் ஜெனல்
என் வீட்டுக்கு யாரும் வராதீங்க... தற்சார்பு வாழ்க்கையால் ஈர்க்கும் யூடியூபர் ஜெனல்

அமெரிக்காவின் கலிஃபோர்னியாவைச் சேர்ந்த ஜெனல், பார்ட் டைமில் கல்லூரிப் படிப்பை படித்துக் கொண்டே விளையாட்டுப் பொருள்கள் உற்பத்தி நிறுவனத்தில் வேலை பார்த்துக்கொண்டிருந்தார். அப்பார்ட்மென்டில் தோழியுடன் தங்கியிருந்தார். பகல் முழுவதும் படிப்பு, வேலை என்று பிஸியாக இருந்த ஜெனல், தூங்குவதற்கு மட்டுமே அப்பார்ட்மென்டுக்குச் செல்வதை உணர்ந்தார். அதற்கு வீணாக மாதம் 900 அமெரிக்க டாலர் வாடகை கொடுப்பதாகத் தோன்றியது.

தற்சாற்பு வாழ்க்கையைப் பின்பற்றி வாழும் சிலர், வேனை (Van) தங்கள் இருப்பிடமாக மாற்றிக்கொண்டதை சமூக வலைதளத்தில் பார்த்த ஜெனல் அதையே பின்பற்றத் தீர்மானித்தார். 2,500 அமெரிக்க டாலர் சேமித்து தனது 19-வது வயதில், ஒரு வேனை விலைக்கு வாங்கினார். படுக்கை, வாஷ் பேசின், பொருள்களை சேமிக்கும் இடம் என வேனையே வீடாக மாற்றினார். ஜெனல் வேன் வாழ்க்கைக்குச் சென்ற இரண்டு ஆண்டுகளில் தனது அலுவலக வேலையோடு, கலிஃபோர்னியாவின் சில இடங்களை ஆவணப் படுத்துவதை மட்டுமே செய்து வந்தார்.

என் வீட்டுக்கு யாரும் வராதீங்க... தற்சார்பு வாழ்க்கையால் ஈர்க்கும் யூடியூபர் ஜெனல்
என் வீட்டுக்கு யாரும் வராதீங்க... தற்சார்பு வாழ்க்கையால் ஈர்க்கும் யூடியூபர் ஜெனல்

இறுதியாகத் தன் பெயரிலேயே (Jennelle Eliana) யூடியூப் சேனல் தொடங்கும் முடிவை எடுத்தார். “கார்ப்பரேட் வேலையை விட்டுவிட்டுப் பலர் வேன் வாழ்க்கையைத் தேர்ந்தெடுத்திருக்கின்றனர். டிராவல் செய்வதுதான் அவர்களின் பிரதான நோக்கம் என்பதால் செலவு செய்து தொலைதூரங்களுக்குப் பயணித்து அதை வீடியோவாக்குகின்றனர். நானோ வாடகை செலுத்த முடியாமல் வேன் வாழ்க்கையைத் தேர்ந்தெடுத்தேன்’’

- பளீரென சிரிப்பவர் வெள்ளை - மஞ்சள் நிறத்திலான சிறிய வகை மலைப்பாம்பை செல்லப்பிராணியாக வைத்திருக்கிறார். தன் செல்லத்துக்கு உஷ்ணம் ஆகாது என்பதால் அது வசிப்பதற்கு ஒரு குட்டி ஃபிரிட்ஜையும் வேனில் வைத்துள்ளார்.

என் வீட்டுக்கு யாரும் வராதீங்க... தற்சார்பு வாழ்க்கையால் ஈர்க்கும் யூடியூபர் ஜெனல்
என் வீட்டுக்கு யாரும் வராதீங்க... தற்சார்பு வாழ்க்கையால் ஈர்க்கும் யூடியூபர் ஜெனல்

ஐ போனிலேயே ஷூட் செய்து, எடிட் செய்து வீடியோவை வெளியிடுகிறார். வீடியோவைப் பதிவேற்றம் செய்ய வை-ஃபை வசதிகூட வேனில் கிடையாது. ‘வேன் வாழ்க்கையைத் தேர்ந்தெடுத்தது ஏன்?’, ‘தினமும் எங்கு குளிப்பேன்?’, ‘வேன் வாழ்க்கையில் என்னென்ன செலவுகள் ஏற்படும்?’, ‘என்னுடைய வீட்டுக்குச் சுவர்கள் இல்லை’ என்பன போன்ற லைஃப்ஸ்டைல் வீடியோக்களைத்தான் வெளியிடுகிறார்.

சேனல் தொடங்கிய மூன்று வாரங்களிலேயே 1.3 மில்லியன் சப்ஸ்கிரைபர்களை அள்ளி யிருக்கிறார். மூன்று வீடியோக்கள் மட்டுமே வெளியிட்டிருந்த நிலையில் குறிப்பிட்ட அந்த மாதம் அமெரிக்காவில் அதிகம் சப்ஸ்கிரைப் செய்யப்பட்ட யூடியூப் சேனல் என்ற இடத்தையும் பிடித்தது.

யூடியூபில் நிலையான வருமானம் வரத்தொடங்கிய பிறகு, வேலையை விட்டுவிட்டார் ஜெனல். சிக்கனமான வாழ்க்கையை வாழும் ஜெனல், அணியும் ஆடைகள்கூட மறுவிற்பனை செய்யப்பட்டவைதான். “மாசு குறைந்தால் தான் உலகப் பந்து எல்லோருக்கும் ஏற்ற இடமாக மாறும்” எனும் ஜெனல் தன்னுடைய ரசிகர்களுக்கு ஒரே ஒரு கோரிக்கையை மட்டும் வைக்கிறார்.

‘என் வீட்டுக்கு யாரும் வர வேண்டாம்!’

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு