Published:Updated:

சிறந்த இயக்குநர், சிறந்த படம் - நான்கு ஆஸ்கர் விருதுகள் அள்ளிய தி ஷேப் ஆஃப் வாட்டர் #Oscars

கார்த்தி
சிறந்த இயக்குநர், சிறந்த படம் - நான்கு ஆஸ்கர் விருதுகள் அள்ளிய தி ஷேப் ஆஃப் வாட்டர்  #Oscars
சிறந்த இயக்குநர், சிறந்த படம் - நான்கு ஆஸ்கர் விருதுகள் அள்ளிய தி ஷேப் ஆஃப் வாட்டர் #Oscars

ஆஸ்கர் விருதுகளுக்கான தனது புள்ளிப்பட்டியலை ப்ரொடக்‌ஷன் டிசைனுடன் ஆரம்பித்தது தி ஷேப் ஆஃப் வாட்டர். இந்த ஆண்டின் ஆஸ்கர் விருதுகளில் 13 விருதுகளுக்கு நாமினேட் செய்யப்பட்டிருந்தது தி ஷேப் ஆஃப் வாட்டர். அவற்றுள் சிறந்த இயக்குநர், சிறந்த நடிகை, சிறந்த திரைக்கதை ஆகிய மூன்றுக்கும் தி ஷேப் ஆஃப் வாட்டர்தான் ஃபர்ஸ்ட் சாய்ஸ். சிறந்த திரைக்கதையை கெட் அவுட் தட்டிச் செல்ல, இயக்குநருக்கான விருதை வென்றிருக்கிறார் கியார்மோ டெல் டோரோ (Guillermo del Toro). சிறந்த படமும் தி ஷேப் ஆஃப் வாட்டருக்குத்தான். 

சிறந்த இயக்குநர், சிறந்த படம் - நான்கு ஆஸ்கர் விருதுகள் அள்ளிய தி ஷேப் ஆஃப் வாட்டர்  #Oscars

Jeffrey A Melvin, Paul D. Austerberry, and Shane Vieau ஜெஃப்ரி ஏ.மெல்வின், பால் ஆஸ்டர்பெர்ரி. ஷேன் வியாவ் மூவரும் சிறந்த ப்ரொடக்‌ஷன் டிசைன் விருதைப் பெற்றனர். 

சிறந்த இயக்குநர், சிறந்த படம் - நான்கு ஆஸ்கர் விருதுகள் அள்ளிய தி ஷேப் ஆஃப் வாட்டர்  #Oscars

கடவுளின் குழந்தையான எலிசாவிற்கு (Sally Hawkins) குரல் இல்லை. பேச்சு வராது. அவளுக்கு அது தேவையும் இல்லை. காரணம், அவள் சைகை மொழியிலேயே கவிதை எழுதும் திறன் படைத்தவள். அவளின் கழுத்தில் இருக்கும் மூன்று கீறல் வடுக்கள், அவளின் குழந்தைப் பருவச் சோகங்களை நமக்கு நொடியில் விளக்கிவிடும். அவள் வீடு ஒரு பழைய திரையரங்கின் மேலே இருக்கிறது. அதே கட்டடத்தின் அருகில் இருக்கும் கைல்ஸ் (Richard Jenkins) என்ற கிழவர் ஓர் ஓவியர். அவளுக்குத் தந்தை போன்றவர். நல்ல நண்பர். எலிசாவுடன் வேலை பார்க்கும் செல்டா (Octavia Spencer) என்ற கறுப்பினப் பெண்மணிதான் அவளின் குரல். எலிசாவிற்கும் செல்டாவிற்கும் தொலைவில் பால்டிமோர் பகுதியில் இருக்கும் ஒரு ரகசிய அரசாங்க ஆய்வுக்கூடத்தில்தான் சுத்தம் செய்யும் ஜேனிட்டர் வேலை. அதுவும் இரவுப் பணி. 

அது 1962-ம் ஆண்டு. பனிப்போர் (Cold War) நடந்துகொண்டிருக்கும் காலகட்டம். அதாவது அமெரிக்காவும், ரஷ்யாவும் நேருக்கு நேர் மோதிக் கொண்ட தருணம். பால்டிமோரில் இருக்கும் இந்த ஆய்வுக்கூடம்போல முக்கியமான இடங்களிலிருந்து ஒரு சிறிய தகவல் ரஷ்யாவிற்குக் கசிந்தாலும் அது பேராபத்தை ஏற்படுத்தும் என்பதில் சந்தேகம் வேண்டாம். அடுக்கடுக்கான பாதுகாப்புகள் கொண்ட அந்தக் கூடத்தில், மலரவே கூடாத இடத்தில், மலரவே கூடாத விதத்தில் மலர்கிறது எலிசாவின் காதல். அதுதானே காதல்! 

சிறந்த இசைக்கான ஆஸ்கர் விருதினை பெற்றார் Alexandre Desplat அலெக்ஸாண்ட்ரீ டெஸ்ப்ளாட்.

சிறந்த இயக்குநர், சிறந்த படம் - நான்கு ஆஸ்கர் விருதுகள் அள்ளிய தி ஷேப் ஆஃப் வாட்டர்  #Oscars

இயக்குநர் Guillermo del Toro ஒரு மாயாவி. மதிப்பளிக்க வேண்டிய உணர்வுகளை, செய்ய வேண்டிய காரியங்களை, கற்பிக்கப்பட வேண்டிய நீதியை, மனிதர்கள் அல்லாத உயிர்களைக் கொண்டு நமக்குப் புரியவைத்து விடுவார். அவரின் பெரும்பாலான படங்களில் மெல்லிய அளவிலேனும் ஒரு ஃபேன்டஸி இழை நீண்டுகொண்டே இருக்கும். அதில் வரும் ஃபேன்டஸி கதபாத்திரத்திற்காக நம்மை ஏங்க வைப்பார். அதற்கு ஒரு துன்பம் ஏற்பட்டால் நமக்கும் பதைபதைப்பு தொற்றிக்கொள்ளும். இந்த 'தி ஷேப் ஆஃப் வாட்டர்' படம், அவரின் முந்தைய படங்களான 'தி டெவில்'ஸ் பேக்போன் (The Devil's Backbone) மற்றும் பேன்'ஸ் லேபிரிந்த் (Pan's Labyrinth) படங்களோடு நெருங்கிய தொடர்பு கொண்டதாய் இருக்கிறது. மூன்றுமே போர் நிகழும் காலகட்டத்தில் நடக்கிறது என்பதைத் தாண்டி, இவை அனைத்தும் குழந்தைகளுக்குக் கூறப்படும் மாயாஜாலக் கதைகள் (Fairy Tales) போன்றவை. ஆனால், இந்த மூன்றிலும் அவர் பாடம் எடுப்பது குழந்தைகளுக்கு அல்ல, வளர்ந்தும் முதிர்ச்சி அடையாத மனிதர்களுக்கு! 

உங்களுக்கு நிகழும் எல்லா விஷயங்களுக்கும் ஏதோவொரு தேவை, காரணம் இருக்கும் என என்றாவது யூகித்து இருக்கிறீர்களா? எலிசாவின் கழுத்தில் இருக்கும் கீறல் வடுக்களுக்கான தேவையை இறுதிக்காட்சியில் உணர்த்தி, அன்பு முத்தமிட்ட கியார்மோதான் இந்த ஆண்டின் சிறந்த இயக்குநர்

கார்த்தி