Published:10 Feb 2020 11 AMUpdated:10 Feb 2020 11 AM

வரலாறு படைத்த `Parasite'; முதல்முறையாக வென்ற `Joker' நடிகர்! - ஆஸ்கர் விருது முழுப்பட்டியல் #Oscars

Parasite - Bong Joon-Ho ( AP )

பாங்க் ஜூன் ஹோ இயக்கிய தென்கொரியத் திரைப்படமான `Parasite' சிறந்த திரைப்படம், இயக்குநர் உள்ளிட்ட 4 பிரிவுகளில் ஆஸ்கர் விருது வென்று சாதனை படைத்துள்ளது.

அமெரிக்காவின் லாஸ் ஏஞ்சல்ஸ் நகரில் 92-வது ஆஸ்கர் விருதுகள் வழங்கும் விழா நடைபெற்றது. இதில், டாம் பிலிப்ஸ் இயக்கிய ஜோக்கர், சாம் மெண்டிஸ் இயக்கிய 1917, டிகாப்ரியோ மற்றும் பிராட் பிட் இணைந்து நடித்த ஒன்ஸ் அப்பான் எ டைம் இன் ஹாலிவுட், ஃபோர்ட் வெர்சஸ் ஃபெராரி உள்ளிட்ட படங்கள் விருதுக்கான பரிந்துரைப் பட்டியலில் இடம்பிடித்திருந்தன.

குறிப்பாக சாம் மெண்டிஸ் இயக்கிய 1917 படம், சிறந்த இயக்குநர், சிறந்த படம் உள்ளிட்ட பல்வேறு விருதுகளைக் குவிக்கும் என்று சினிமா விமர்சகர்கள் கணித்திருந்தனர். ஆனால், அவர்களின் கணிப்பைப் பொய்யாக்கி பாங்க் ஜூன் ஹோ இயக்கிய தென்கொரியத் திரைப்படமான பாராசைட் சிறந்த படம், இயக்குநர், திரைக்கதை, சிறந்த வெளிநாட்டுத் திரைப்படம் என 4 விருதுகளைக் குவித்திருக்கிறது.

அதேபோல், ஜோக்கர் திரைப்படத்துக்காக வாக்கீன் பீனிக்ஸ் சிறந்த நடிகருக்கான ஆஸ்கர் விருதை வென்றிருக்கிறார். அவர், 4-வது முறையாக ஆஸ்கர் விருதுக்குப் பரிந்துரை செய்யப்பட்டிருந்தார்.

ஆஸ்கர் விருது வென்றவர்கள் - முழுப் பட்டியல்

சிறந்த படம் - பாராசைட் (Parasite)

சிறந்த இயக்குநர் - பாங்க் ஜூன் ஹோ (Parasite)

சிறந்த நடிகை - ரெனி ஜெல்வெகர் (Judy)

சிறந்த நடிகர் - வாக்கீன் பீனிக்ஸ் (Joker)