Published:Updated:

வீடு எங்கும் டெடிபியர்!

பா.ஜான்ஸன், படங்கள்: கே.ராஜசேகரன்

பிரீமியம் ஸ்டோரி

''சின்ன வயசுல இருந்தே நாங்க ஃபேமிலி ஃப்ரெண்ட்ஸ். இவங்க வீட்டுக்கு நாங்க போறது... எங்க வீட்டுக்கு இவங்க வர்றதுனு ரொம்ப க்ளோஸ். அப்புறமா நான் நடிக்க ஆரம்பிச்சுட்டேன், இவங்க டி.வி-யில் ஆங்கரிங் பண்ண ஆரம்பிச்சுட்டாங்க. நாங்க மீட் பண்ணிக்கிறதே இல்லாமப்போச்சு. 'சித்து 2’ பட புரொமோஷனுக்காக 'மானாட மயிலாட’ ஷோவுக்குப் போனேன். அதுக்குப் பிறகு ரகு மாஸ்டருக்காக ஒரு ஷோ. அதில் என்னை ஆடச் சொல்லிக் கேட்டு கீர்த்தி போன் பண்ணினாங்க. நானும் ஓ.கே சொல்லிட்டேன். ஆனால், எனக்கு ஜோடியா ஆடவேண்டியவங்க வர முடியாத சூழல். 'கீர்த்தி... நீ என் ஃப்ரெண்ட்தானே, நீயே வந்து ஆடு’னு சொன்னேன். உடனே ஓ.கே சொல்லிட்டாங்க. அப்போதான், 'இவங்களை நமக்கு நல்லாத் தெரியும். ரொம்ப நல்ல ஃப்ரெண்ட். இவங்க நம்ம வாழ்க்கைத்துணையா வந்தா நல்லாயிருக்குமே’னு தோணுச்சு. உடனே அவங்ககிட்ட கேட்டுட்டேன்'' என சாந்தனு ஜில் நினைவுகளை மீட்ட... ''இரு... இரு... அதுக்குப் பிறகு நடந்ததை நான் சொல்றேன்'' எனப் புன்னகையுடன் தொடர்ந்தார் கீர்த்தி. 

''இவர் டக்குனு அப்படிக் கேட்டதும் எனக்கு என்ன சொல்றதுனு தெரியலை. 'நீங்க அம்மா அப்பாகிட்ட பேசுங்க’னு சொல்லிட்டேன். ஏன்னா, எனக்கும் இவரை ரொம்பப் பிடிக்கும்'' எனக் கலகலக்கிறார் கீர்த்தி.

சாந்தனு - கீர்த்தி ஜோடிக்கு, இது தலை தீபாவளி.

வீடு எங்கும் டெடிபியர்!

'' 'நான் லவ் பண்றேன்’னு முதல்ல அம்மாகிட்ட சொல்லிட்டேன். உடனே அம்மா, ஒரு பழைய விஷயத்தைக் கொண்டுவந்து இதோடு கோத்துவிட்டாங்க. நான் ப்ளஸ் ஒன் படிச்சுட்டிருந்த சமயம். ஃப்ரெண்ட்ஸ்கூட ஜாலியா ஹேங்-அவுட் போயிருந்தோம். கீர்த்தியும் வந்திருந்தாங்க. 'சரி ஃப்ரெண்ட்ஸ்தானே’னு ஜாலியா தோள்ல கை போட்டுக்கிட்டுச் சுத்தினோம். அதை ஒருத்தர் பார்த்து, அந்த விஷயம் அம்மா காதுக்கு வந்து, அம்மா மூலமா அப்பாகிட்ட போய், அப்பா என்கிட்ட கேட்டார். 'அது ஃப்ரெண்ட்ஷிப்தான்’னு சொல்ல ஆரம்பிச்சா... அவர் என்னைப் பேசவிடாம, 'சரி... சரி... இதெல்லாம் இந்த வயசுல சகஜம்தான். ஆனா, உன் படிப்பை முடி. ஒரு வேலைக்குப் போ’னு அறிவுரை சொல்ல ஆரம்பிச்சுட்டார். அம்மா இதைச் சொல்லிக்காட்டி 'எனக்கு அப்பவே தெரியும்டா’னு சிரிச்சாங்க'' எனச்  சிரிக்கிறார் சாந்தனு.

''நீங்க பகிர்ந்துகிட்ட ஸ்பெஷல் கிஃப்ட்ஸ் என்னென்ன?''

''டெடிபியர் வாங்கிக் குடுக்கிறது, இல்லைனா வேற ஏதாவது பொம்மை வாங்கிக் குடுக்கிறதுனு வீடு முழுக்க சாந்தனு வாங்கிக் குடுத்த பொம்மைகள்தான். எங்க அம்மா, 'புகுந்த வீட்டுக்குப் போகும்போது இதை எல்லாம் எடுத்துட்டுப் போயிடு. இங்க வைக்க இடம் இல்லை’னு சொல்லிட்டாங்க'' எனக் கலாய்க்க, ''இதை மட்டும் சொல்வியே... அந்த வைர மோதிரம்...'' என இடைமறிக்க, ''சொல்றேன்... சொல்றேன்...'' எனக் கண்ணடித்த கீர்த்தி, ''என் பிறந்த நாளுக்கும் 'சங்கீத்’ அன்னிக்கும் என் போட்டோஸ் எல்லாத்தையும் சேர்த்து இவரே மியூஸிக் பண்ணி, பாட்டு எல்லாம் பாடி, வீடியோ ஒண்ணு ப்ளே பண்ணினார். கூடவே வைர மோதிரம் ஒண்ணும் பிரெசன்ட் பண்ணினார். நான் எதிர்பார்க்கவே இல்லை. செம சர்ப்ரைஸ்'' எனப் பூரிக்கிறார்.

வீடு எங்கும் டெடிபியர்!

''உண்மையாவே இவ்ளோ நல்ல பொண்ணு கிடைச்சதுக்கு கடவுளுக்கு நன்றி'' என சாந்தனு, மனைவி புகழ்பாட...  

''எனக்கு இவர்கிட்ட ஒரு விஷயம் மட்டும் மாத்திக்கச் சொல்லணும். எனக்காகக் கொஞ்சம் நேரம் ஒதுக்கணும். அவர் பிஸிதான். இருந்தாலும் பொண்டாட்டிக்கு டைம் ஒதுக்கணும்ல'' எனச் சொல்ல... ''நிச்சயம் செய்றேன் தாயி'' எனக் காதலுடன் கைகூப்புகிறார் சாந்தனு.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு