Published:Updated:

ரஜினி ரிட்டர்ன்ஸ்

மகிழ்ந்த மலேசியா நெகிழ்ந்த ரஜினி ‘கபாலி’ குறிப்புகள்எம்.குணா

ரஜினி ரிட்டர்ன்ஸ்

மகிழ்ந்த மலேசியா நெகிழ்ந்த ரஜினி ‘கபாலி’ குறிப்புகள்எம்.குணா

Published:Updated:

மிழ்நாடு தாண்டி இந்தியா கடந்து மலேசியா வரை பரபரத்துக் கிடக்கிறது, 'கபாலி’ ஜுரம். அந்த 'கபாலி’ ஹீட் அப்டேட் சில... 

வெண் தாடியோடு  வீராவேசத்துடன் டான் ஆக வரும் ரஜினி, ஃப்ளாஷ்பேக்கில் கருந்தாடியோடு கம்பீரமாக வரும் ரஜினி... என ரசிகர்களுக்கு டபுள் விருந்து தருவானாம் 'கபாலி’. கருந்தாடி ரஜினிக்கு ராதிகா ஆப்தே ஜோடி. ரஜினியின் மகளாக நடிக்கும் தன்ஷிகா, பார்க்க ஆள் அடையாளமே தெரியாத அளவுக்கு படம் முழுக்க துப்பாக்கியும் கையுமாகத் திரிபவர், பாப் கட்டிங்கில் ஃபாரின் லுக்குக்கு மாறியிருக்கிறாராம்.

இந்தியா முழுக்க சிவன் கோயில்களைச் சுற்றிவரும் தேவிஸ்ரீதேவி சதீஷை, இந்தப் படப்பிடிப்பு சமயத்தில் தயாரிப்பாளர் தாணு, ரஜினிக்கு அறிமுகம் செய்துவைக்க... 'இவர் நம்ம ஆளாச்சே’ என அரவணைத்துக்கொண்டாராம் ரஜினி. தான் பாபா குகைக்குச் சென்றுவந்தபோது                    எடுத்த வீடியோவை ரஜினியிடம் சதீஷ் காட்ட, 'குகைக்குள்ளே போயிட்டு வரும்போது எப்படி இருந்துச்சு?’ என ரஜினி கேட்க 'அம்மாவின் கர்ப்பத்துக்குள்ளே இருக்கிற மாதிரி இருந்துச்சு சார்’ என சதீஷ் சொல்ல, 'சூப்பர்... சூப்பர்... நானும் அதைத்தான் ஃபீல் பண்ணேன்’ எனச் சிலிர்த்தாராம் ரஜினி.

ஒட்டுமொத்த விகடனுக்கும் ஒரே ஷார்ட்கட்!

ரஜினி ரிட்டர்ன்ஸ்

ரஜினி, மலேசியா புறப்படுவதற்கு முன்னரே, 'கபாலி’ யூனிட் அங்கு சென்றுவிட்டது. அங்கே 'கபாலி’ ஸ்பெஷல் கான்ஃப்ரென்ஸ் கூட்டம் நடந்துள்ளது. அதில் மலேசியாவின் உயர் போலீஸ் அதிகாரிகள் கலந்துகொண்டனர். 'ரஜினி சார்... இந்தியாவின் லெஜண்ட். அவரைப் பாதுகாக்கவேண்டியது எங்கள் கடமை. அவர் தங்கும் இடம் உள்பட அவர் செல்லும் இடங்களில் எல்லாம், சிறப்புப் பாதுகாப்பு வசதி செய்ய உள்ளோம்’ எனச் சொல்லி முழு படப்பிடிப்பு விவரங்களையும் கேட்டு வாங்கிக்கொண்டார்களாம்.

மலேசியாவில் விமானம் நிற்கும் இடத்துக்கும் இமிகிரேஷன் ஆபீஸுக்கும் இடையே 1 கி.மீ தொலைவு இருக்கும்.  ஆனால், ரஜினி யாரையும் சட்டை செய்யவில்லை. ஓட்டமும் நடையுமாக அந்தத் தொலைவைக் கடகடவெனக் கடக்க ஆரம்பித்துவிட்டார். போஸீஸ் உள்பட பலரும் ரஜினியின் நடை வேகத்துக்கு ஈடுகொடுக்க முடியாமல், அவர் பின்னால் ஓடிவந்தனர். அவரின் வேகம் கண்டு அங்கு உள்ள அதிகாரிகள் ஆச்சர்யமாகப் பார்த்தனர்.

ரஜினி ரிட்டர்ன்ஸ்

மலாக்கா கவர்னர், ரஜினியைத் தனது மாளிகைக்கு அழைத்தார். ரஜினிக்கு என ஸ்பெஷலாகச் சமைப்பதற்கு காரைக்குடியில் இருந்து சமையல்காரரை வரவழைத்து இருந்தார். வாழை இலையில் நீர்தெளித்து, தமிழ்நாடு ஸ்டையில் ரஜினிக்கு விருந்தோம்பல் கொடுத்தார். அப்போது 'ரஜினி சார்... நீங்கள் நடிச்ச 'முத்து’ படத்தை, பத்துத் தடவைக்கும்மேல பார்த்திருக்கேன்’ என கவர்னர் குஷியாகச் சொல்ல... 'அப்படியா?!’ என ரஜினி ஆச்சர்யப்பட்டார்.

ரஜினி ரிட்டர்ன்ஸ்

'மலாக்காவில் எங்கே, எப்போது, எந்த இடத்தில் வேண்டுமானலும் ஷூட்டிங்கை நடத்திக்கொள்ளலாம்’ என அதன் கவர்னர் 'கபாலி’க்கு ஸ்பெஷல் பர்மிஷன் கொடுத்துள்ளார். மலாக்கா ஜெயிலில் ஷூட்டிங் நடந்தபோது, படப்பிடிப்பு வசதிக்காக அங்கு இருந்த 300 பெண் கைதிகளை வேறு சிறைக்கு இடம் மாற்றியுள்ளனர். இந்த ஏற்பாடுகள் அனைத்தையும் கவர்னரே முன்நின்று செய்தாராம்.

ரஜினி ரிட்டர்ன்ஸ்

ரஜினியுடன் நடித்துவரும் ராதிகா ஆப்தே, தன்ஷிகா, ரித்விகா, தினேஷ், கலையரசன் உள்ளிட்ட கபாலி டீம் அனைவருமே தீபாவளிக்கு சென்னை வரவில்லை. அடுத்த மாதம் வரை மலேசியாவில் தங்கி படப்பிடிப்பில் கலந்துகொள்கிறார்கள். ரஜினியும் மலேசியா விலேயே 'கபாலி’ யூனிட்டுடன்  தீபாவளியைக் கொண்டாடுகிறார்.

ரஜினி ரிட்டர்ன்ஸ்

'கபாலி’க்காக தற்போது வரை மலேசியாவில் இருக்கும் ரஜினி, நவம்பர் 26-ம் தேதி அமெரிக்கா செல்கிறார். அங்கு நான்கு நாட்கள்  தங்கி ஷங்கர், அர்னால்டு உடன் 'எந்திரன்-2’ படத்துக்கான ஆரம்பகட்ட வேலைகளைச் செய்துவிட்டு, மீண்டும் மலேசியாவுக்கே திரும்புகிறாராம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism