Published:Updated:

பிட்ஸ் பிரேக்

பிட்ஸ் பிரேக்
பிரீமியம் ஸ்டோரி
News
பிட்ஸ் பிரேக்

பிட்ஸ் பிரேக்

`மாயா' சூப்பர் ஹிட் அடித்ததில் மீண்டும் ஒரு பேய் படத்தில் நடிக்கிறார் நயன்தாரா. தாஸ் துரைசாமி இயக்கும் இந்தப் படத்தில், நயன்தாராவுக்கு இணையாக கார் ஒன்று படம் முழுக்க வருகிறதாம். நயன்தாராவின் அப்பாவாக தம்பி ராமையா நடித்திருக்கும் இந்தப் படம், ஃபேன்டசி த்ரில்லர் கலந்த படமாம்!

பிட்ஸ் பிரேக்

`Standing on an apple box', ஐஸ்வர்யா தனுஷ் தனது அப்பா ரஜினிகாந்தின் பிறந்தநாளான டிசம்பர் 12-ம் தேதி வெளியிட இருக்கும் புத்தகம். `என் அப்பா பற்றி நிறையப் பேர் எழுதியிருக் கிறார்கள். ஆனால், ஒரு மகளின் பார்வையில் எழுதப்படும் முதல் நூல் இது. குழந்தைப் பருவத்தில் இருந்தே அப்பா நிறைய அறிவுரைகள், தத்துவங்கள் என்னிடம் சொல்வார். அவற்றை இந்தப் புத்தகத்தில் தொகுத்திருக்கிறேன். என் கணவர் தனுஷ், எங்களுக்குள் இருந்த காதல், திருமணம், இரண்டு குழந்தைகள் என, திருமண வாழ்க்கை பற்றியும் இதில் எழுதிக்கொண்டிருக் கிறேன்'' என மகிழ்கிறார் ஐஸ்வர்யா தனுஷ்.

பிட்ஸ் பிரேக்

`குங்ஃபூ யோகா' படப்பிடிப்புக்காக இந்தியா வந்திருக்கிறார் ஜாக்கி சான். ஜெய்ப்பூரில் உள்ள ஆம்பர் கோட்டையில் நடைபெறும் ஷூட்டிங்கைப் பார்ப்பதற்காகவே வெளிநாட்டில் இருந்தெல்லாம் டூரிஸ்ட்டுகள் குவிகிறார்களாம்.சீனாவில் உள்ள டெரகோட்டா வாரியர்ஸ் மியூஸியத்தின் பேராசிரியர் ஜாக்கி சான், அவரது டீமுடன் இந்தியாவின் மகத சாம்ராஜ்யத்தைப் பற்றி ஆராய்ச்சி செய்கிறார். அவர்கள் கண்டுபிடிக்கும் புதிய விஷயங்கள், அதில் இருந்து முளைக்கும் வில்லன்களை ஜாக்கி சான் அண்ட் கோ எப்படிச் சமாளிக்கிறது என்பதுதான் கதை. பாலிவுட் ஸ்டைலில் டான்ஸ் ஆடியிருக்கிறார் ஜாக்கி!

பிட்ஸ் பிரேக்

`நான் ஒரு ஹாலிவுட் மாடல். ஆனால், ஹாலிவுட் படங்களில் நடித்தது இல்லை. இப்போது இந்தியாவின் ஹாலிவுட் படமான `2.0’வில் நடிக்கிறேன் என்பது பெருமையாக இருக்கிறது' எனப் பூரிக்கிறார் ஏமி ஜாக்சன். ` அதில் நான் பெண் ரோபோவாக நடிக்கவில்லை. மிகவும் வித்தியாசமான, நீங்கள் கற்பனை செய்யமுடியாத ரோலில் நடிக்கிறேன்' என ஹின்ட் கொடுக்கும் ஏமி,  ஸ்டன்ட் காட்சிகளில் எகிறிப் பறந்து நடித்திருக்கிறார்.

பிட்ஸ் பிரேக்

கோலிவுட் பார்ட்டிகளுக்குப் பிரபலமானவர் த்ரிஷா. சாதாரண பார்ட்டிகளுக்கே டிரெஸ்கோட் இருக்கும் நிலையில் த்ரிஷாவின் பார்ட்டிக்கு இருக்காதா? பிகினி டிரெஸ்தான் பார்ட்டிக்கு வருபவர்களுக்கு த்ரிஷா கொடுத்த டிரெஸ்கோட். 30 வயதைக் கொண்டாடும்விதமாக தன் பள்ளி, கல்லூரித் தோழிகள் அனைவரையும் பிகினி உடையில் வரவழைத்துக் கொண்டாடியிருக்கிறார் த்ரிஷா. `சென்னையில் இப்போது அடிக்கிற வெயிலுக்கு பிகினிதான் சரியா இருக்கும்' என்கிறார் த்ரிஷா.

பிட்ஸ் பிரேக்
பிட்ஸ் பிரேக்

தோனியைத் தொடர்ந்து சானியா மிர்ஸாவின் வாழ்க்கை வரலாறும் திரைப்படம் ஆகிறது. சானியாவின் நெருங்கிய நண்பரான ஃபாரா கான் இயக்கும் இந்தப் படத்தில், சானியாவாக நடிக்க இருப்பது பரிணீதி சோப்ரா.

`என் வாழ்க்கை வரலாறை நானேதான் எழுதிக்கொண்டிருக்கிறேன். எழுதி முடித்து எடிட்டிங்குக்கு அனுப்பும்போது எல்லாம் புதிதாக என் வாழ்க்கையில் ஏதாவது நடக்கிறது. அதை மீண்டும் எழுதி புத்தகத்தில் சேர்த்து இருக்கிறேன். விரைவில் பயோகிராஃபி புத்தகம் வரும். அதன் பிறகு திரைப்படம் வெளியாகும். பரிணீதி சோப்ரா என்னைப்போலவே இருக்கிறார். அவர் நடிக்க வேண்டும் என்பது என்னுடைய சாய்ஸ்தான்' என்கிறார் சானியா சந்தோஷமாக!