Published:Updated:

“மகன் மிரட்டிட்டான்!”

   “மகன் மிரட்டிட்டான்!”
பிரீமியம் ஸ்டோரி
“மகன் மிரட்டிட்டான்!”

நா.சிபிச்சக்கரவர்த்தி, படங்கள்: எம்.உசேன்

“மகன் மிரட்டிட்டான்!”

நா.சிபிச்சக்கரவர்த்தி, படங்கள்: எம்.உசேன்

Published:Updated:
   “மகன் மிரட்டிட்டான்!”
பிரீமியம் ஸ்டோரி
“மகன் மிரட்டிட்டான்!”
   “மகன் மிரட்டிட்டான்!”

‘பென்சில்’ படத்தில் நெகட்டிவ் கேரக்டரில் மிரட்டியிருக்கும் ஷாரிக்... ரியாஸ் - உமா தம்பதியின் மகன். ‘‘என்ன ப்ரோ, படம் பிடிச்சிருக்கா... எப்படி நடிச்சிருக்கேன்?’’ - தலையை அசைத்துக் கேட்கும்போதே சின்னதாக ஒரு வில்லத்தனம் தெறிக்கிறது. `பென்சில்' படம் மூலம் பையன் கவனிக்கப்பட்டிருப்பதில், உமா ரியாஸுக்கு அவ்வளவு உற்சாகம்!

“ஸ்கூல் படிக்கும்போதே எனக்கு சினிமாட்டோகிராஃபி மேல ஆர்வம். கேமரா லென்ஸ் வழியா உலகத்தைப் பார்க்கிறது எனக்கு புதிய அனுபவத்தைத் தந்தது. அதனாலேயே மல்ட்டி மீடியா படிக்கிறேன். போட்டோஸ் எடுக்கிறது, உலக சினிமா முதல் உள்ளூர் சினிமா வரை அத்தனை படங்களையும் பார்ப்பது என,  எப்போதுமே விஷுவல்ஸோடதான் இருப்பேன். அம்மா-அப்பாகிட்ட அப்பப்போ சினிமாவைப் பற்றி பேசுவேனே தவிர, `நான் நடிக்கணும்'னு எல்லாம் சொன்னது கிடையாது. அப்பதான் ‘பென்சில்’ படத்துல நடிக்கக் கூப்பிட்டாங்க” என இன்ட்ரோ கொடுத்துவிட்டு அம்மாவைப் பார்த்து சிரிக்கிறார் ஷாரிக்.

“ `பென்சில்’ பட இயக்குநர் மணி நாகராஜ், ஷாரிக்கை வெளியே எங்கேயோ பார்த்திருக்கிறார். ஷாரிக்தான் அவர் கதைக்கான வில்லன் என முடிவெடுத்துவிட்டு வந்து என்னிடம் கதை சொன்னார். `ஆரம்பத்துலயே பையன் அப்படி ஒரு கேரக்டர்ல நடிக்கணுமா?'னு எனக்கு ஒரு சின்ன தயக்கம். எனக்கும் அவங்க அப்பா ரியாஸுக்கும் பையனை ஹீரோவா பார்க்கணும்னுதான் ஆசை. ஆனால் இயக்குநர், ` ‘பென்சில்’ நெகட்டிவ் ரோலாக இருந்தாலும், பெர்ஃபாம் பண்ணக்கூடிய கேரக்டர்’னு ரொம்ப நம்பிக்கையோட சொன்னார். ஷாரிக்கும் கதை கேட்டுட்டு நடிக்க ஆசைப்பட்டான். ஓ.கே சொல்லிட்டோம். `முதல் படமாச்சே, பையன் சுமாராத்தான் நடிப்பான்'னு நினைச்சோம். ஆனா,  மகன் மிரட்டிட்டான்” எனத் தட்டிக் கொடுக்கிறார் உமா ரியாஸ்.

   “மகன் மிரட்டிட்டான்!”

ஒட்டுமொத்த விகடனுக்கும் ஒரே ஷார்ட்கட்!

“ `முதல் படமே வில்லனாக நடிக்கிறோம்'னு எதுவும் ஃபீல் இருந்ததா?”

“எந்த கேரக்டர்ல நடிச்சாலும் பெர்ஃபார்ம் பண்ணக்கூடிய கேரக்டரா இருக்கணும். `பென்சில்’ பட வில்லன் கேரக்டர் எனக்கு ரொம்பப் பிடிச்சது. இந்த கேரக்டர், படத்துல அதிகம் கவனிக்கப்படும்னு துணிஞ்சு இறங்கிட்டேன்.”

“அப்பா-அம்மா இரண்டு பேருமே நல்ல நடிகர்கள். எதுவும் டிப்ஸ் கொடுத்தாங்களா?’’

“உண்மையைச் சொல்லிடுறேன். பரீட்சைக்குப் போறதுக்கு முன்னாடி `கொஸ்டீன் பேப்பரைப் பார்த்து எழுதுப்பா'னு சொல்ற மாதிரி அம்மாவும் அப்பாவும் நிறையச் சொன்னாங்க. எனக்கு ஒண்ணுமே புரியலை. ஏதோ சொல்றாங்களேனு தலையை மட்டும் ஆட்டிக்கிட்டேன்” என நிறுத்தினார் ஷாரிக். ஆச்சர்யத்துடன் மகன் தோலில் தட்டியபடி, “அடப்பாவி... இப்படி பப்ளிக்கா சொல்ற. அப்ப நாங்க சொன்னதை எதையும் கேட்டுக்கலையா?” என மகனை உமா செல்லமாகக் கிள்ள, “யார் இந்தப் பையன் நல்லா நடிச்சிருக்கானே’னு நாலு பேரு பாராட்டுற மாதிரி நடிக்கணும். அதுதான் எனக்கு வேணும்” என ஷாரிக் மெச்சூர்டாகப் பேச, மகனை கட்டி அணைக்கிறார் உமா!