Published:Updated:

துருவங்கள் பதினாறு - சினிமா விமர்சனம்

துருவங்கள் பதினாறு - சினிமா விமர்சனம்
பிரீமியம் ஸ்டோரி
துருவங்கள் பதினாறு - சினிமா விமர்சனம்

துருவங்கள் பதினாறு - சினிமா விமர்சனம்

துருவங்கள் பதினாறு - சினிமா விமர்சனம்

துருவங்கள் பதினாறு - சினிமா விமர்சனம்

Published:Updated:
துருவங்கள் பதினாறு - சினிமா விமர்சனம்
பிரீமியம் ஸ்டோரி
துருவங்கள் பதினாறு - சினிமா விமர்சனம்
துருவங்கள் பதினாறு - சினிமா விமர்சனம்

ரு கொலை, அதைத் துப்பறியும் காவல் துறை. இவற்றின் பின்னணியில் சுழலும் சிலருடைய வாழ்வும் உணர்வுகளும்தான் `துருவங்கள் பதினாறு'.

கோவையில், நள்ளிரவில் ஒரு கொலை நடக்கிறது. தற்கொலையாகப் பதியப்படும் இந்தக் கொலையை யார் செய்திருப்பார் என்பதைக் கண்டுபிடிக்கும் போலீஸ் அதிகாரி ரகுமான். அதே இரவில் பொறுப்பற்ற மூன்று இளைஞர்கள் வந்த கார் மோதி, ஒருவர் இறந்துவிடுகிறார். அந்த மூன்று பேரும் குற்றத்தை மறைப்பதற்காக, சடலத்தை அதே காரில் எடுத்துச் செல்கிறார்கள். ஆனால், அடுத்த நாள் காலையில் காரில் இருந்த சடலம் மாயமாகிறது. கார் விபத்தில் இறந்தவர் என்ன ஆனார்? கொலையாளி யார்? இதை எல்லாம் ரகுமான் கண்டுபிடித்தாரா போன்ற கேள்விகளுக்கான பதிலை, பல ட்விஸ்ட்டுகளுடன் அவிழ்க்கிறது திரைக்கதை.

துருவங்கள் பதினாறு - சினிமா விமர்சனம்

ஒட்டுமொத்த விகடனுக்கும் ஒரே ஷார்ட்கட்!


`சின்னச்சின்ன தவறுகள்தானே என நாம் உதாசீனப்படுத்துபவை எல்லாம் வாழ்க்கையை எப்படி ஆழமாகப் பாதிக்கின்றன’ என்பதுதான் படத்தின் ஒன் லைன். அதை அடிப்படையாகக் கொண்டு படத்தின் சின்னச்சின்ன விஷயங்களையும் துல்லியமாக டீட்டெய்ல் செய்திருக்கிறார் இயக்குநர் கார்த்திக் நரேன். குறும்பட இயக்குநர்களில் இருந்து தமிழ் திரைப்படத் துறைக்குக் கிடைத்திருக்கும் புதிய நம்பிக்கை. படத்தின் ரிச்னஸ், நடிகர்கள் தேர்வு, அவர்களைக் கையாண்ட விதம் என முதல் படத்திலேயே முத்திரை பதித்திருக்கிறார். கார்த்திக் நரேனுக்கு ஒரு பூங்கொத்து!

முதுமையின் நடுக்கம், காவல் துறை அதிகாரியின் கம்பீரம், மிடுக்கு என இயல்பாக நடித்திருக்கிறார் ரகுமான். ‘`சார்னு சொல்ல மாட்டீங்களா?” என்று பணத் திமிர் பிடித்த இளைஞர்களிடம் கேட்பது, அதே இளைஞன் காவல்நிலையத்தில் இருக்கும்போது, அந்த இளைஞனின் மாடுலேஷனோடு, `‘சார்’' என்று அழைப்பது என காட்சிக்குக் காட்சி ரகுமான் மிரட்டல்!

போலீஸ் ஸ்டேஷனுக்குள் ரகுமான் நுழையும் காட்சி, மழையில் நடக்கும் கொலையை ஒவ்வொரு கோணத்திலும் பதிவுசெய்த விதம் என நேர்த்தியான ஒளிப்பதிவைத் தந்திருக்கிறார் சுஜித் சாரங். படத்தின் ட்விஸ்ட்டைப் பதற்றத்துடனும் விறுவிறுப்புடனும் கடத்துவதற்காக ஜித் சாரங்கின் கத்தரி நிறையவே மெனக்கெட்டிருக்கிறது. பாடல் காட்சிகள் இல்லாதது படத்தின் ப்ளஸ். ஜேக்ஸ் பிஜாயின் பின்னணி இசை, பரபரப்பைக் கூட்டுகிறது.

நாள் முழுவதும் ரகுமான் தன் செல்போனை உபயோகிக்காமல், அதை சரி செய்யாமல் அடுத்தவர் போனில் பேசிக்கொண்டே சுற்றுவது நெருடுகிறது. மூத்த அதிகாரி ஒருவருக்கு முக்கியமான கால்களே வராதா?

துப்பறியும் கதையைப் புதுமையாக விறுவிறுப்போடு நேர்த்தியாகச் சொன்னவிதத்தில் `துருவங்கள் பதினாறு' நிச்சயம் வரவேற்கத்தக்க முயற்சி.

- விகடன் விமர்சனக் குழு

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism