Published:Updated:

கோடிட்ட இடங்களை நிரப்புக - சினிமா விமர்சனம்

ஒட்டுமொத்த விகடனுக்கும் ஒரே ஷார்ட்கட்

Use App
கோடிட்ட இடங்களை நிரப்புக - சினிமா விமர்சனம்
கோடிட்ட இடங்களை நிரப்புக - சினிமா விமர்சனம்

கோடிட்ட இடங்களை நிரப்புக - சினிமா விமர்சனம்

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

பிரீமியம் ஸ்டோரி

ந்த டெம்ப்ளேட்டிலும் அடங்கக் கூடாது என நினைக்கும் இராதாகிருஷ்ணன் பார்த்திபனின் இன்னொரு முயற்சி `கோடிட்ட இடங்களை நிரப்புக'.

கோடிட்ட இடங்களை நிரப்புக - சினிமா விமர்சனம்

தனது குடும்பத்தின் எதிர்காலத்துக்காகப் போராடி சம்பாதிக்கும் கால் டாக்ஸி டிரைவர் பார்த்திபன். அவர் வண்டியில் வரும் சாந்தனுவைப் பேசியே கரெக்ட் செய்து, தெரிந்த ஒரு கெஸ்ட் ஹவுஸில் தங்கவைக்கிறார். 50 வயது பார்த்திபன் தங்கியிருக்கும் வீட்டில், 20 வயது பார்வதி நாயரைக் கண்டு உருகுகிறார் சாந்தனு. அந்த 20, 50-ன் மனைவி. கிளம்பிய ஆசையை அடக்கவா முடியும்? அவ்வப்போது எல்லை தாண்ட முயற்சிக்கிறார். அந்தத் தீவிரவாதத்துக்கு, சாந்தனு தரும் விலை என்ன என்பது க்ளைமாக்ஸ்.

``ஒன்லைனர் காமெடி ஸ்கூல்ல, நான் ஹெட் மாஸ்டர்டா” எனக் கொக்கரிக்கிறார் பார்த்திபன். ஷூவை லேஸுல கழட்ட முடியலை, தேங்க்ஸ்கூட டீயிலதான் ஆரம்பிக்குது. இந்த நோட்டு எல்லாம் நாளைக்கே செல்லாமப்போகலாம் என, சீஸனுக்கு ஏற்றதுபோல் சீனுக்கு நான்கு டயலாக்குகளால் சிரிக்கவைத்துவிடுகிறார். ஆனால் கதை என்ன என சுதாரிப்பதற்குள், அடுத்த காமெடி வெடிகளைப் போட்டுவிடுகிறார்.

கோடிட்ட இடங்களை நிரப்புக - சினிமா விமர்சனம்

`புதூப்' பரிமாணத்தில் என, சாந்தனுவுக்கு எக்ஸ்ட்ரா `ஊ' போடுகிறார்கள். அவர் வேலையைக் கச்சிதமாகச் செய்தாலும், அந்தப் `புதூ... எதூ' என்பதுதான் புரியவில்லை. பேய் வந்து ஒரு பாட்டே பாடிய பிறகும், கண்ணீர் அஞ்சலி போஸ்டரில் இருந்தவர் உயிரோடு வந்த பிறகும் சாந்தனுவுக்குப் பயம் வரவில்லை. வீட்டில் இருப்பது பேய்தான் என நம்பும் தம்பிராமையா, அதன் பிறகும் பார்த்திபன் வீட்டுக்கு வருவதை மட்டும் நிறுத்தவே இல்லை. இவ்வளவு சீரியசான ரோலில் அவரைப் பார்ப்பது புதுசு.

மோகினிப் பேயாக, மலையாளச் சேச்சியாக, கவர்ந்திழுக்கும் அழகியாக பார்வதி நாயர் பக்கா. சிம்ரன் வீட்டுக்கே போய், நான்கு காட்சிகள் ஷூட் செய்திருக்கிறார்கள். படத்தில் அவருக்கு என்ன வேலை என்றே தெரியவில்லை.

கோடிட்ட இடங்களை நிரப்புக - சினிமா விமர்சனம்

கையில் தாலி இருக்கிறது எனத் திருமணம் செய்ய நினைப்பதைப்போல ஒரே ஒரு ட்விஸ்ட்டை நம்பி இறங்கியிருக்கிறார் பார்த்திபன். `கதையே இல்லாமல் ஒரு படம்' என முந்தைய படத்துக்குச் செய்த விளம்பரத்தை, இந்தப் படத்துக்குச் செய்திருக்கலாம். ஒரு மெல்லிய ட்விஸ்ட். அதற்கு `வல்லிய’ திரைக்கதை. கொஞ்சம் பிசகினாலும் காலைக் காட்சிப் படமாக மாறிவிடும் அபாயம் இருக்கும் இந்தக் கதையை ஏன் தேர்வுசெய்தார் பார்த்திபன்?

அந்த வீட்டின் பிரமாண்டத்தையும் அழகையும் எல்லா கோணங்களிலும் பதிவுசெய்கிறது அர்ஜுன் ஜனாவின் ஒளிப்பதிவு. சுதர்சனின் படத்தொகுப்பு, முக்கிய ட்விஸ்டை அவிழ்க்காமல் முடிந்த அளவுக்கு உதவியிருக்கிறது. பின்னணி இசையும் பாடல்களும்தான் ஏமாற்றம்.

எந்த வார்த்தைகளைக்கொண்டு நிரப்பினாலும் முழுமையான அர்த்தம் தராமல் ஏதோ தொக்கி நிற்கிறது இந்தக் கோடிட்ட இடம்.

- விகடன் விமர்சனக் குழு

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு