Published:Updated:

“நான் நன்றி மறக்கமாட்டேன்!”

ஒட்டுமொத்த விகடனுக்கும் ஒரே ஷார்ட்கட்

Use App
“நான் நன்றி மறக்கமாட்டேன்!”
“நான் நன்றி மறக்கமாட்டேன்!”

பா.ஜான்ஸன், படம்: சொ.பாலசுப்பிரமணியன்

பிரீமியம் ஸ்டோரி

``அப்போ எல்லாம் ஷூட்டிங்கை வேடிக்கை பார்க்கப் போவேன். படத்தின் அசிஸ்டென்ட் டைரக்டர்ஸ் கூப்பிட்டு கும்பலோட சேர்ந்து நடங்கனு சொல்வாங்க, நடப்பேன். என் ஆரம்ப நாள்கள் இப்படித்தான்.  கொஞ்சம் பெரிய ரோல்ல நடிச்சதில்  ‘அர்ஜுனன் காதலி’தான் என் முதல் படம். ஜெய் நண்பனா நடிச்சிருப்பேன். அது இன்னும் ரிலீஸ் ஆகலை. ஆனா, இப்போ நானா, நீயானு போட்டி போட்டுகிட்டு அடுத்தடுத்து வரிசையா படங்கள் ரிலீஸுக்குக் காத்திருக்கு. இருந்தாலும், எதுவுமே இல்லாம துவங்கின ஆரம்ப நாள்கள் இருக்குல்ல... அப்போ சந்திச்ச நபர்கள், நடந்த விஷயங்கள் எதையும், எப்பவும் மறக்கவே மாட்டேன். அதுதான் நிரந்தரமும்கூட.” நெகிழ்வுடன் பேசத்துவங்குகிறார் கலையரசன். ‘எய்தவன்’ ரிலீஸைத் தொடர்ந்து ‘காலக்கூத்து’, ‘சைனா’, ‘பட்டினப்பாக்கம்’ என அடுத்தடுத்து படங்கள் நடித்து முடித்து, ரிலீஸுக்குக் காத்திருக்கிறார் கலை.

“நான் நன்றி மறக்கமாட்டேன்!”

‘`எந்த வாய்ப்பும் இல்லாம சுத்திகிட்டிருந்த காலங்கள்ல, ‘என் படத்தில் உனக்கு ஒரு கேரக்டர் தர்றேன்’னு பேசிப் பழகுனவங்கதான் எல்லோரும். ‘மெட்ராஸு’க்குப் பிறகு, நிறைய வாய்ப்புகள் வந்தது. ஆனா,
நான் எதுவுமே பண்ணாத காலத்துலேய என்மேல நம்பிக்கை வெச்சு, எனக்கு வாய்ப்பு தர்றேன்னு சொன்னவங்க படங்களில் எல்லாம் நடிச்சு முடிச்சிருக்கேன். ‘உறுமீன்’ இயக்குநர் சக்திவேல், ‘முகமூடி’ படம் நடிச்ச சமயத்தில் ஒரு கதையைச் சொல்லி, ‘நீதான் லீட் ரோல் பண்ணனும்’னு சொன்னார். பிறகு ‘உறுமீன்’ எடுக்கும்போது, ‘வில்லனா பண்றியா’னு கேட்டார். அதுக்கும் ‘சரி’னு சொன்னேன். ஏன்னா, அவரும் என்னை பெரிய கேரக்டர்ல நடிக்க வைக்கிறதுக்குக் கதை சொன்னவராச்சே! அந்த நன்றியை மறக்கக்கூடாது. ‘காலக்கூத்து’ மதுரை ஏரியாவைச் சேர்ந்த ரெண்டு நண்பர்கள் பற்றிய கதை. ‘உரு’ சைக்கலாஜிகல் த்ரில்லர். ‘சைனா’ பர்மா பஜார் கடைகளின் பின்னணியில் நடக்கும் கதை.”

“நான் நன்றி மறக்கமாட்டேன்!”

‘`ஹீரோவா பண்றீங்க, டபுள் ஹீரோ சப்ஜெக்ட்டும் பண்றீங்க, சின்னச் சின்ன கேரக்டர் கிடைச்சாலும் விடுறதில்லை. என்னங்க சார் உங்க திட்டம்?’’

‘`நல்ல நடிகரா இருக்கணும். அதான் ஒரே திட்டம்.  முன்னாடி எல்லாம்,  ஹீரோ ஃப்ரெண்டா நடிச்சா, அதுக்கே ஃபிக்ஸ் பண்ணி வெச்சுடுவாங்கனு பேச்சு இருந்தது. இப்போ அப்படியெல்லாம் எதுவும் இல்லை. நமக்குக் கிடைக்கிற இடத்தை சரியாப் பயன்படுத்தினா, அதுக்கான பலன் கண்டிப்பா கிடைக்கும். நல்ல நடிகர்னு எப்பவும் நிரூபிக்கணும்னுதான் ஓடிக்கிட்டே இருக்கேன்.”

“நான் நன்றி மறக்கமாட்டேன்!”

‘`ரஜினி - ரஞ்சித் கூட்டணி மறுபடியும் இணைகிறது. நீங்களும் இருக்கீங்களா?’’

‘`அதில் நான் நடிக்கலை. ஆனா, ‘இந்தக் கேரக்டரை கலையரசன் பண்ணா நல்லா இருக்கும்’னு ரஞ்சித் அண்ணனுக்குத் தோணுச்சுனா, அவரே கூப்பிடுவார். வாழ்க்கையில திரும்பக் கிடைக்குமானு ஏங்க வைக்கிற அனுபவம் ‘கபாலி’. நேர்ல ஒருதடவை பார்த்துடமாட்டோமானு கனவு கண்டவரோட ‘கபாலி’யில நடிக்க வெச்சதுக்காக ரஞ்சித் அண்ணனுக்கு நன்றி சொல்லிக்கிட்டே இருக்கலாம்!’’

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு