Published:Updated:

சத்ரியன் - சினிமா விமர்சனம்

விகடன் விமர்சனக்குழு

சத்ரியன் - சினிமா விமர்சனம்

பிரீமியம் ஸ்டோரி

த்தி பிடித்தவனுக்குக் காதல் பிடித்தால் என்ன ஆகும் என்பதைச் சொல்லும் தமிழ் சினிமாவின் 5458-வது படம் ‘சத்ரியன்.’

திருச்சியைக் கட்டி ஆளும் இரண்டு தாதாக்கள் சரத்தும் அருள்தாஸும். விக்ரம்பிரபுவும் கதிரும் நண்பர்கள். விக்ரம்பிரபு சரத்திடமும், கதிர் அருள்தாஸிடமும் வேலைக்குச் சேர்கிறார்கள். சரத்தின் மகள் மஞ்சிமா மோகனுக்கு,  விக்ரம்பிரபு மீது காதல் வர... தாதாக்களுக்கு இடையில் மோதல் வர...வழக்கமாக என்னென்ன நடக்குமோ, அத்தனையும் நடக்கிறது.

சத்ரியன் - சினிமா விமர்சனம்

விக்ரம் பிரபுவின் அண்டர்ப்ளே நடிப்பு கொஞ்சம் கவர்கிறது. தாதாவின் வலதுகரமாக விறைப்பு காட்டும்போது ஓகே. ஆனால்  மஞ்சிமாவுடன் காதல் வராதபோதும், வந்த பிறகும் காட்டுகிற ஒரே டைப் முகபாவம்... இன்னும் கொஞ்சம் நடிக்கணும் ப்ரோ!  மஞ்சிமா எண்பதுகளின் நாயகிகள்போல டவுன் பஸ்ஸில் போகிறார். கோயிலுக்குள் உட்கார்ந்து அம்மாவுடன் பேசுகிறார். அவ்வளவுதான்.

இரண்டு தாதாக்களில் ஒரளவு கெத்து காட்டுபவர் அருள்தாஸ் மட்டுமே. யோகிபாபு இரண்டே காட்சிகளில் வந்து சிரிக்கவைக்கிறார்.

தலைப்புக்குப் பெருமை சேர்க்கும் வகையிலாவது கதையில், காட்சிகளில், வசனத்தில் எனப் புது விஷயங்கள் சேர்ந்திருக் கலாம். திரைக்கதையை வலுவாக அமைத்திருக்கலாம். என்னாச்சு இயக்குநர் எஸ்.ஆர்.பிரபாகரனுக்கு?

காட்சியில் இல்லாத சுவாரஸ்யத்தையும் விறுவிறுப்பையும் யுவனின் இசை சமன் செய்கிறது. விக்ரம் பிரபு சந்துபொந்தெல்லாம் ஓடுவதைத் துரத்தித் துரத்திப் பதிவு செய்திருக்கிறது சிவக்குமார் விஜயனின் கேமரா. வெறும் டிஷ்யூம்களாக இல்லாமல், ரியலாக எண்ணவைக்கும் அன்பறிவின் சண்டைக்காட்சிகள் எனப் படத்தில் சில பாசிட்டிவ்களும் உண்டு.

சத்ரியன் - சினிமா விமர்சனம்



மஞ்சிமாவுக்கு விக்ரம் பிரபு மேல் வரும் காதலுக்கான காரணம், அதை வீட்டில் எதிர்ப்பதற்கான காரணம், மினிஸ்டர் சரத்தைக் கொலை செய்வதற்காகச் சொல்லும் காரணம் என நிறைய காரணங்களில் லாஜிக் ஓட்டைகள்.  மஞ்சிமாவின் அம்மாவாக நடித்திருக்கும் தாராவிற்கு எதற்காக இந்தி உச்சரிப்புடனான டப்பிங்? அப்பாவின் கொலைக்கே அமைதி காக்கும் சௌந்தர், தங்கையின் காதலுக்கு அத்தனை வீராப்பாக எதிர்ப்பு காட்டுவது ஏன்?

இந்த ஏன்களுக்கெல்லாம் பதிலும் சொல்லி இருந்தால், பழைய பன்னீர்செல்வமாக மிரட்டி இருப்பான் இந்த சத்ரியன்.

- விகடன் விமர்சனக் குழு

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு