Published:Updated:

மீசைய முறுக்கு - சினிமா விமர்சனம்

மீசைய முறுக்கு - சினிமா விமர்சனம்
பிரீமியம் ஸ்டோரி
மீசைய முறுக்கு - சினிமா விமர்சனம்

மீசைய முறுக்கு - சினிமா விமர்சனம்

மீசைய முறுக்கு - சினிமா விமர்சனம்

மீசைய முறுக்கு - சினிமா விமர்சனம்

Published:Updated:
மீசைய முறுக்கு - சினிமா விமர்சனம்
பிரீமியம் ஸ்டோரி
மீசைய முறுக்கு - சினிமா விமர்சனம்

ளைஞர்கள், சினிமாவுக்கே உண்டான கோடம்பாக்கத்து அடையாளங்கள் ஏதும் இல்லாத பாசிட்டிவான பளிச் படம்.

கதைக்குக் கஷ்டப்படாமல், தன்னுடைய சுயசரிதையிலிருந்தே திரைக்கதை பண்ணி மீசையை முறுக்கியிருக்கிறார் இயக்குநர்  `ஹிப் ஹாப்’ ஆதி.

மிடில்கிளாஸ் குடும்பத்தில் பிறந்து, அப்பாவுக்காக இன்ஜினீயரிங் படிக்கிறார் ஆதி. ஆனால், அவருக்கு ஆர்வமெல்லாம் இசைக்கலைஞன் ஆவதே. காதல், கலாட்டா எனக் கல்லூரிப்படிப்பு கலகலப்பாக முடிய... வீட்டில் மேல்படிப்பு படிக்கச் சொல்கிறார்கள். ஆதியோ, இசையில் சாதிக்க வேண்டும் எனச் சென்னைக்கு பஸ் ஏறுகிறார். காதல் வாழ்க்கை ஒரு புறம்,  லட்சியங்களை அடையும்  தீராத வேட்கை இன்னொரு புறம். இரண்டிலும் ஜெயித்து மீசையை முறுக்குகிறாரா நாயகன் என்பது படம்.

மீசைய முறுக்கு - சினிமா விமர்சனம்

நடிப்பு, கதை, திரைக்கதை, வசனம், பாடல்கள், இசை, இயக்கம் என ஆல்ரவுண்டராக அடித்து ஆடியிருக்கிறார் ஆதி. தன்னம்பிக்கை தரும் பாசக்காரத் தந்தையாக விவேக் தெறிக்க விடுகிறார். படம் முழுக்க யூடியூப் பிரபலங்களைப் பயன்படுத்தி இருப்பது புதுசு. அவர்களையெல்லாம் சும்மா தொட்டுக்கொள்ள என்றில்லாமல் முக்கியக் கதாபாத்திரங்களாகக் கொடுத்திருப்பது சிறப்பு. காமெடியில் கலகலக்க வைத்திருக்கும் விக்னேஷ் காந்த், சாரா இருவருக்குமே லைக்ஸ் பல!

மீசைய முறுக்கு - சினிமா விமர்சனம்

படத்தின் ஒவ்வொரு காட்சியும் ஒரு ட்ரைலர் போல துண்டு துண்டாக இருப்பது, திரைக்கதைக்கு பெரிய மைனஸ். கதை ஒரே நேர்கோட்டில் பெரிய திருப்பங்கள் இல்லாமல் பயணிப்பது பல இடங்களில் அலுப்புத் தட்டவைக்கிறது. தனக்கு நடந்த அனைத்தையும் பதிவு செய்யும் ஆதி, அதை ஓர் உணர்ச்சிகரமான ட்ராமாவாக மாற்றத் தவறி யிருக்கிறார். இயக்குநர் ஆதி சறுக்கிய இடம் இதுதான்.

ஒளிப்பதிவு செய்திருக்கும் செந்தில்குமார் மற்றும் கிருதி வாசன், படத்தொகுப்பு செய்திருக்கும் ஃபென்னி ஆலிவர் மூவரும் படத்துக்குத் தேவையான உணர்வுகளைக் கடத்தியிருக்கிறார்கள்.

ஆடியன்ஸ் க்ளாப்ஸுக்காக, `க்ளப்புல மப்புல’, `வாடி புள்ள வாடி’ என ஏற்கெனவே தன் ஆல்பத்தில் போட்ட பாடல்களைப் படத்திலும் பயன்படுத்தியிருக்கிறார். வெரைட்டியாகப் பாடல்கள் கொடுத்திருக்கலாமே ஆதி​?

அரும்பு மீசையை இன்னும் வளரவிட்டிருக்கலாம்! 

- விகடன் விமர்சனக் குழு