Published:Updated:

எடை குறைப்பு... தலை கறுப்பு... வருகிறார் ஸ்டைலிஷ் அஜித் - விசுவாசம் Exclusive தகவல்கள்!

எடை குறைப்பு... தலை கறுப்பு... வருகிறார் ஸ்டைலிஷ் அஜித் - விசுவாசம் Exclusive தகவல்கள்!
பிரீமியம் ஸ்டோரி
எடை குறைப்பு... தலை கறுப்பு... வருகிறார் ஸ்டைலிஷ் அஜித் - விசுவாசம் Exclusive தகவல்கள்!

ம.கா.செந்தில்குமார்

எடை குறைப்பு... தலை கறுப்பு... வருகிறார் ஸ்டைலிஷ் அஜித் - விசுவாசம் Exclusive தகவல்கள்!

ம.கா.செந்தில்குமார்

Published:Updated:
எடை குறைப்பு... தலை கறுப்பு... வருகிறார் ஸ்டைலிஷ் அஜித் - விசுவாசம் Exclusive தகவல்கள்!
பிரீமியம் ஸ்டோரி
எடை குறைப்பு... தலை கறுப்பு... வருகிறார் ஸ்டைலிஷ் அஜித் - விசுவாசம் Exclusive தகவல்கள்!

 `விவேகம்’ டீமோடு `விசுவாசம்’ என கிளம்பிவிட்டார் அஜித். சத்யஜோதி நிறுவனம் தயாரிக்க, `வி’ ஃபார் புகழ் சிவாவின் இயக்கத்தில் `விசுவாசம்.’ 2018 பிப்ரவரியில் படப்பிடிப்பு, தீபாவளி ரிலீஸ். இதுதான் இப்போதைய ஆக்‌ஷன் பிளான்.

`விசுவாசம்’ படம் மற்றும் அஜித்தின் பர்சனல் பக்கங்களைத் தெரிந்துகொள்ள அஜித்தின் நண்பர்கள் மற்றும் படக்குழுவினர் சிலரிடம் பேசினோம். 


*
அஜித் பேச்சின் இடையே அடிக்கடி உச்சரிக்கும் வார்த்தை விசுவாசம்.  ‘என் ரசிகர்கள் என்னிடம் விசுவாசமாக இருக்கிறார்கள். நானும் அவர்களுக்கு விசுவாசமாக இருக்க வேண்டும் என்று’ எப்போதும் சொல்வாராம் அஜித். `வி’ வரிசையில் தலைப்பைத் தேடி அலைந்தவர்கள் அஜித் உடனான சந்திப்பின்போது இந்த விசுவாசத்தைப் பிடித்துவிட்டார்கள்.

படத்தின் ஒன்லைனை மட்டுமே அஜித்திடம் சொல்லி ஓகே வாங்கியுள்ள சிவா, ஸ்கிரிப்ட்டை முழுமையாக்கும் வேலைகளில் பிஸி. சென்னையைச் சுற்றி நடக்கும் கதைதான் `விசுவாசம்’. முழு நீளக் கதையை அஜித்திடம் ஜனவரியில் சொல்பவர், பிப்ரவரியில் ஷூட்டிங் தொடங்குகிறார்.

ஸ்டைலிஷ், ஸ்லிம் அஜித்தை `விசுவாசம்’ படத்தில் பார்க்கலாம் என்கிறார்கள். `சால்ட் அண்ட் பெப்பர் லுக்’ விசுவாசம் படத்தில் இல்லை. படத்தில் அஜித்தின் ஹீரோயின்  அனுஷ்கா.

விசுவாசம் படத்துக்கு இசையமைக்கிறார்  யுவன் ஷங்கர் ராஜா.

படத்துக்குப் பொருத்தமாக இருப்பார்கள் என்று தமிழ் தாண்டிய அந்நிய முகங்கள் ‘விவேகம்’ படத்தில் அதிகமாக இருந்தார்கள். ஆனால், ‘விசுவாசம்’ சென்னைக் கதை என்பதால் இதில் வருபவர்கள் அனைவருமே நமக்கு நன்கு அறிமுகமான முகங்களாக இருப்பார்கள் என்கிறார்கள்.

எடை குறைப்பு... தலை கறுப்பு... வருகிறார் ஸ்டைலிஷ் அஜித் - விசுவாசம் Exclusive தகவல்கள்!

*   ‘விவேகம்’ படப்பிடிப்பின் பாதியிலேயே, ‘அடுத்த படமும் சேர்ந்து பண்ணுவோம்’ என்று சத்யஜோதியை கமிட் செய்தார் அஜித். அதேப்போல் சிவாவிடம் அடுத்தப் படமும் உங்களுக்குத்தான் என்று சொல்லிவிட்டார். ``இப்படிப்பட்ட கமிட்மென்ட்டுகள் நஷ்டத்தால் வருவது இல்லை. உறவால் வருவதுதான். தயாரிப்பாளர் ஏ.எம்.ரத்னத்துடன் ‘ஆரம்பம்’, ‘என்னை அறிந்தால்’ படங்களும் இப்படிப் பண்ணியவையே’’ என்கிறது அஜித் தரப்பு.

* ‘விவேகம்’ படத்துக்கான விமர்சனங்களை  அஜித் படித்தாரா என்று கேட்டால், `இல்லை’ என்கிறார்கள் அஜித்தின் நண்பர்கள். ``நல்லதோ கெட்டதோ விமர்சனங்கள் அவரைப் பாதிக்காது. ஏனெனில் அவர் எந்த விமர்சனங்களையும் படிப்பதே இல்லை. ‘நமக்குத் தயாரிப்பாளர் என்ன சொல்கிறார் என்பதுதான் முக்கியம். இவ்வளவு பட்ஜெட், இவ்வளவு கலெக்ஷன் என்று அவர்கள் சொல்லும் கணக்குகள்தான் இவரின் வேதவாக்கு. மற்றபடி தன் ரசிகர்களைத் திருப்திப்படுத்தும் படங்களே அஜித்தின் சாய்ஸ்’’ என்கிறார்கள்.

* தொடர்ந்து சுயசரிதை புத்தகங்களை வாசித்துக்கொண்டிருக்கிறார் அஜித். 90களில் ரேஸில் ஆர்வம் கொண்டவராக இருந்தபோது முன்னோடி ரேஸர்கள் பற்றிய சுயசரிதைகளைப் படித்தார். அதேபோல சீனியர் சினிமா பிரபலங்களைப் பற்றிய வாழ்க்கை வரலாறுகளையும் அவர்கள் கடந்து வந்த பாதையையும் அறிந்துகொள்வதில் ஆர்வம் கொண்டு படித்தார். ஆனால், பயோபிக் படங்களில் நடிப்பதில் ஆர்வம் இல்லை என்கிறார்கள். 

* சீனியர் நடிகர்கள் பலரும் அரசியல் கருத்துக்களைச் சொல்லிக்கொண்டு இருக்கும்போது அஜித் வழக்கம்போல் அமைதி காக்கிறார். ``அஜித்துக்கு அரசியலுக்கு வரும் எண்ணங்கள் உண்டா?’’ என்றால் ``அரசியல் நிகழ்வுகளில் அப்டேட்டாக இருப்பார். ஆனால், அரசியலுக்கு வரும் எண்ணம் தற்போதைக்கு இருப்பதாகத் தெரியவில்லை. அதை நோக்கிப் போவதாகவும் எங்களுக்குத் தோன்றவில்லை. ‘அஜித் நிச்சயம் அரசியலுக்கு வருவார்’ என்பது போன்ற செய்திகளைக்கூட அவர் வாசிப்பதில்லை. அதுபோன்றவற்றை ஊக்கப்படுத்துவதும் இல்லை’’ என்கிறார்கள்.

ஒட்டுமொத்த விகடனுக்கும் ஒரே ஷார்ட்கட்!