ஜோக்ஸ் - 5

``தலைவரை ஏன் கைதுபண்றாங்க?’’

``எல்லோரும் உண்மையான சாமி சிலையைத் திருடிட்டு, போலி சிலையை வெச்சாங்க. தலைவர் உண்மையான சிலையைத் திருடிட்டு, தன்னையே சாமி சிலை மாதிரி செய்யச் சொல்லி வெச்சிருக்காரு!’’

- மகிழினி மணி.எம்

``இன்டர்வியூல என்ன கேட்டாங்க?’’

 `` `வேலையும் பார்த்துக்கிட்டு, மேனேஜரோட ஃபேஸ்புக்ல அப்பப்ப லைக்ஸும் போட முடியுமா?’ன்னு கேட்டாங்க!’’

- அம்பை தேவா

``உன்னைத்தானே ஊரை விட்டு ஓடிவரச் சொன்னேன். உங்க அக்காவை எதுக்குக் கூட்டிட்டு வந்தே?’’

``அக்காவுக்குத்தான் நீங்க மெசேஜ் அனுப்பியிருக்கீங்க. அவ எனக்கு ஃபார்வர்ட் பண்ணினா!’’

- சி.சாமிநாதன்

``எதுக்காக இந்தத் தெருவை விவசாய நிலம்னு சொல்றீங்க?``

``அப்பத்தானே வந்து தார்ரோடு போடுவாங்க!’’

- அஜித்