Published:Updated:

"வசந்தபாலன் ஒரு பேய்!"

சா.வடிவரசுபடம் : எஸ்.அனுசத்யா

##~##

'அரவான்’ படத்துக்காகப் பாதி குறைந்திருந்த ஆதி, இப்போது ஜம்மென்று இருக்கிறார்.

''எப்படி வந்திருக்கு 'அரவான்’?''

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

''பில்டப் கொடுக்கிறதுக்காகச் சொல்லலை. நிச்சயம் 'அரவான்’ தமிழ் சினிமாவுக்குப் புதுசா இருக்கும். பசி, தூக்கம் மறந்து படத்தோட ஒவ்வொரு ஃப்ரேமுக்கும் உயிர் கொடுக்க வசந்தபாலன் உழைச்சிருக்கார். ஸ்பாட்டுக்கு வந்துட்டா வசந்தபாலன் சார் ஒரு பேய். விரட்டி மிரட்டி வேலை வாங்கிடுவார்!

நான் நடிச்ச 'வரிப்புலி’ கேரக்டருக்கு எந்த ரெஃபரன்ஸும் கிடையாது. புத்தகத்துல படிச்சதை மட்டுமே வெச்சு நடிச்சேன். வரிப்புலி காட்ல வாழ்றவன். கூலி வேலை செய்றவங்க, மரம் வெட்டுறவங்களுக்கு உடம்பு இறுகி தானா சிக்ஸ்பேக் வந்திருக்கும். அதனால, நான் தண்டால், கர்லா கட்டைனு வொர்க்-அவுட் பண்ணி, இயற்கையான முறையில சிக்ஸ் பேக் வெச்சேன். ரொம்ப கஷ்டப்பட்டு இருக்கேன் நண்பா!''

"வசந்தபாலன் ஒரு பேய்!"

'' 'மிருகம்’ ஆதி, 'அரவான்’ ஆதி... என்ன வித்தியாசம்?''

'' 'மிருகம்’ ஆதி கெட்டவன். ஆனால், அரவான் பிறந்ததில் இருந்தே நல்லவன்!''

''இப்போதைய ஹீரோக்களில் யார் உங்களுக்குப் போட்டி?''

''எனக்கு யாரும் போட்டி கிடையாது. நான் ஜெயிக்க வேண்டிய அவசியமும் கிடையாது!''

''ஹீரோக்கள் பாட, பாட்டெழுத ஆரம்பிச்சுட்டாங்க! நீங்களும் 'ஒய் திஸ் கொல வெறி’ மாதிரிலாம் பாட்டு எழுதுவீங்களா?''

''அது சூப்பர் பாட்டு. தெளிவா ப்ளான் பண்ணி கில்லியா அடிச்சிருக்காங்க. நானும் பாட்டுலாம் எழுதுவேன். வாய்ப்பு கிடைச்சா கண்டிப்பா பாடுவேன். தமிழ்நாட்டு ரசிகர்கள் மேல எனக்கும் கொல வெறி பாசம் இருக்குல்ல!''