ஜோக்ஸ் - 1

"என் மனைவிக்குக் கோபம் வந்தா அவ அம்மா வீட்டுக்குப் போயிடுவா!"

"நீங்க என்ன பண்ணுவீங்க?" "கோபம் வர்ற மாதிரி ஏதாவது பண்ணிகிட்டே இருப்பேன்!"

- அஜித்

. "கட்சித் தலைமையில கொடுத்த புதுவருட காலண்டரைப் பார்த்த தலைவர் டென்ஷனாயிட்டாரா, ஏன்...?"

"சிபிஐ சோதனையைச் சந்தித்த நாள், சுவர் ஏறிக்குதித்துத் தப்பிய தினம்னு அவரைக் கடுப்பேத்தற மாதிரி போட்டிருக்காங்களாம்..."

- வி.வெங்கட்ராமன்

. "நாயகன், நாயகிக்குப் பிடிச்சிருக்கும் பேயை ஓட்டுறான். இதுதான் கதை சார்!"

"இதெல்லாம் பழசு. புதுசா டிஜிடல்ல ஏதாவது சொல்லுங்க!" "நாயகன், நாயகியின் நெகட்டிவ் எனர்ஜியை டிஸ்சார்ஜ் பண்றான்!"

- கி.ரவிக்குமார்

. "புதுப் படம் பார்த்தேன்!

நாலே பேர்தான் இருந்தோம்!"

"தியேட்டர்லயா?"

"இல்லை, வீட்ல!"

- கி.ரவிக்குமார்