``கூட்டணில நமக்கு எத்தனை சீட் ஒதுக்கியிருக்காங்க தலைவரே?’’

``கூட்டணியிலிருந்து நம்மை ஒதுக்கியிருக்காங்க!’’

- அம்பை தேவா

``தலைவர் ரொம்ப டென்ஷனா இருக்காரே, என்ன  நடந்துச்சு..?’’ 

``பழைய பேப்பர்  வாங்கப்படும்னு கூவிக்கிட்டு வந்தவன், இவர் வீடு வந்ததும் பழைய குற்றப்பத்திரிகை வாங்கப்படும்னு சவுண்டு விட்ருக்கான்...’’

- அதிரை யூசுப்

``இங்கே கூடியிருக்கும் கூட்டத்தைப் பார்க்கும்போது எனக்கு என்ன தெரிகிறது என்றால்...’’

``உங்களுக்குக் கண்ணு தெரியலைன்னு தெரியுது. எதிர்ல ஒருத்தர்கூட இல்லை.’’

- க.சரவணகுமார்

``கூட்டணியில் இருக்கும் கட்சியினர் என்னைக் கேவலமாகத் திட்டுவதற்கெல்லாம், கூட்டணி முறிந்த பிறகு மொத்தமாகத் திருப்பித் திட்டுவேன் என்பதை இத்தருணத்தில் சொல்லக் கடமைப்பட்டிருக்கிறேன்!’’

- அஜித்