Published:Updated:

இப்புடித்தான் டெவலப் பண்ணணும்!

இப்புடித்தான் டெவலப் பண்ணணும்!

இப்புடித்தான் டெவலப் பண்ணணும்!

இப்புடித்தான் டெவலப் பண்ணணும்!

Published:Updated:

ருக்க இருக்க டாஸ்மாக் ஊழியர்களுக்கான விற்பனை டார்கெட் எகிறிக்கொண்டே போகிறது. அந்தக் குறிக்கோளை எளிதில் அடைவதற்கு என்னவெல்லாம் செய்யலாம்?

குவார்ட்டர் பாட்டில்களில் 'மது வீட்டுக்கும் நாட்டுக்கும் கெடுதல்’ என்று இருப்பதோடு, 'ஆனால், அரசாங்கத்துக்கு நல்லது’ என்ற வரியைச் சேர்க்கலாம்!

டார்கெட்டை அச்சீவ் பண்ணுவதோடு கூடுதலாகவும் சரக்கு விற்று 'அடடே’ என்று ஆச்சர்யப்படவைக்கும் டாஸ்மாக் ஊழியர்களுக்குக் கண்டிப்பாக அடுத்த தேர்தலில் சீட் உண்டு என்று அதிரடியாக அறிவிக்கலாம்!

ஒட்டுமொத்த விகடனுக்கும் ஒரே ஷார்ட்கட்!

இப்புடித்தான் டெவலப் பண்ணணும்!

'அதிகமாக டாஸ்மாக் காட்சிகள் இடம்பெறும் திரைப்படங்களுக்கே வரிச்சலுகை’ என்று அறிவித்து தயாரிப்பளர்கள் வயிற்றில் பீர் வார்க்கலாம்!

பெண்களின் பங்களிப்பு இல்லாத எந்த ஒரு திட்டமும் முழு வெற்றியைப் பெறாது என்பதால், பெண்களுக்கு என்று சிறப்புச் சலுகையாக 'மகளிர் சுய குடி உதவிக் குழுக்கள்' அமைத்து மானிய விலையில் சரக்கை விற்கலாம்!

இப்புடித்தான் டெவலப் பண்ணணும்!

புது வீடு குடிபோகும்போது பசு மாட்டுக்குப் பதில், ஏரியாவில் இருக் கும் டாஸ்மாக் கடை நிர்வாகியை ஒரு கேஸ் முழுக்க பீர் எடுத்துவரச் செய்து, பீர் காய்ச்சிக் குடிபுகலாம்!

பாலைக் காயவைத்த பிறகு, தயிராக உறையவைக்கச் சிறிதளவு சேர்க்கப்படும் உறைமோருக்குப் பதில், கொஞ்சம் சரக்கைச் சேர்த்து தயிராக உறையவைக்கும் புதிய கண்டுபிடிப்புகளுக்குத் தங்கப் பதக்கம் அளிக்கலாம்!

குடித்துவிட்டு வண்டி ஓட்டுபவர்களுக்குப் போக்குவரத்துப் போலீஸாரால் அபராதம் விதிக்கப்படுவதைத் தவிர்க்கும் பொருட்டு, ஒவ்வொரு குடிகாரரின் வண்டியிலும் 'டாஸ்மாக் எலைட் உறுப்பினர்' என்ற ஸ்டிக்கர் ஒட்டி குடிகாரர்களுக்குத் தெம்பூட்டலாம்!

ரேசன் கடைகளில் மண்ணெண்ணெய் பாமாயிலுக்குப் பதில் மானியமே தேவைப்படாத விலையில் சரக்கு விற்கலாம். ஒரு கிலோ அரிசிக்குக் கட்டாயம் ஒரு குவார்ட்டர் வாங்க வேண்டும் என்ற அறிவிப்பை வெளியிடலாம். தொடர்ச்சியாக வாங்கும் வாடிக்கையாளர்களுக்கு ரேஷன் அட்டையின் முகப்புப் பகுதியில் 'டா' என்று சிறப்பு முத்திரை குத்தி, அந்த வாடிக்கையாளர்களுக்கு ரேசன் பொருட்களை முன்னுரிமை அடிப்படையில் வழங்கலாம்!

குடி குடியைக் கெடுத்து, இறுதியாகச் சங்கு ஊதப்படும்போது சிறந்த குடிகாரர்களுக்கு அரசு மரியாதையுடன் இறுதி ஊர்வலம் நடத்தலாம்!

- சீலன்