Published:Updated:

கவுக்கப் போவது யாரு?

கவுக்கப் போவது யாரு?

கவுக்கப் போவது யாரு?

கவுக்கப் போவது யாரு?

Published:Updated:

விதவிதமாய் சர்தார்ஜி ஜோக் கேள்விப்பட்டிருக்கோம். ஆனால், இப்போது எல்லாம் 'மன்மோகன்தான் இந்தியாவின் பிரதமர்’ என்று சொன்னால், அதைவிட சிறந்த சர்தார்ஜி ஜோக் இருக்கிறதா என்ன?இதோ மன்மோகன் ஸ்பெஷல் சர்தார்ஜி ஜோக் ஒன்று...

ஹெலிகாப்டர் ஊழல், 2ஜி ஊழல்,  நிலக்கரி ஊழல் என்று பல ஊழல்கள் நாட்டை உலுக்கும் நிலையில், கொஞ்ச நாள் வெளி நாட்டுக்கு 'எஸ்' ஆயிடுங்க என்று சோனியா சொன்னதன் பேரில், உகாண்டாவில் உளுந்து வடை செய்வது பற்றிய சர்வதேச சமையல் போட்டிக்கு ஜட்ஜாகப் போய்ச் சேர்ந்தார் நம்ம மன்மோகன் சிங். இதற்கிடையில் பாகிஸ்தான்காரன், ஐ.நா. சபையில் காஷ்மீர் பற்றி ஏதோ கொளுத்திப்போட, உடனே அங்கே வரச் சொல்லி அழைப்பு.

கவுக்கப் போவது யாரு?

மூன்று மணி நேரம் மண்டை காய மீட்டிங் நடந்து முடிந்ததும் ஐ.நா. அதிகாரி "இன்னைக்கு ஈவினிங், டைம் பாஸுக்காக ஒரு ஜாலி க்விஸ் போட்டி நடக்கும்'’னு அறிவிச்சார். க்விஸ் மாஸ்டர் செக்கோஸ்லோவேகியா நாட்டுக்காரர். அவருக்கு மன்மோகன் யாரென்று தெரியாது.

அவர் மன்மோகனையே பார்த்து, ''இந்தியாவின் பிரதமர் யார்?''என்று கேட்க, இவர் ஏதோ உள்ளர்த்தத்துடன் கேட்கிறார் என்று பயந்துபோய் 'போன் எ ஃப்ரெண்ட்' ஆப்ஷன் உபயோகிப்பதாகக் கூறி, சோனியாவுக்கு போன் போட்டார்.

" இது நியாயமா மேடம்? ராமரைக் காட்டுக்கு அனுப்பிவிட்டு பரதனுக்குப் பதவி கொடுக்க கைகேயி முயற்சித்ததுபோல செய்யலாமா? ராகுலைப் பிரதமராக்கிட்டீங்க போல" என்று கேட்க, "வாட் நான்சென்ஸ்... நீங்க கிளம்பிப்போன பத்து நிமிஷத்துல இன்னும் ரெண்டு சூப்பர் மெகா ஊழல் கிளம்பிடுச்சு. இந்தச் சமயத்துல ராகுலை உங்க பதவிக்கு பலிகடா ஆக்க முடியுமா? க்விஸ் முடிஞ்சு அடுத்த ஃப்ளைட்டுல ஊர் வந்து சேருங்க. ஓவர்"னு சொல்லி போனை வெச்சுட்டாங்க.

நிம்மதிப் பெருமூச்சுடன் கேள்விக்குப் பதில் சொன்னார் மன்மோகன். ''நான்தாங்க இந்தியாவோட பிரதமர்!''

- ரகோத்தமன்