Published:Updated:

திருவிளையாடல் ஆரம்பம்!

திருவிளையாடல் ஆரம்பம்!

திருவிளையாடல் ஆரம்பம்!

திருவிளையாடல் ஆரம்பம்!

Published:Updated:

திருவிளையாடல் ஞானப்பழம் கதையாகி இருக்கிறது தி.மு.க. தலைவர் பதவிக்கான போட்டி. ஆமாம், முருகன், விநாயகன் இரண்டு பேருக்கும் தர, சிவபெருமானிடம் இருந்ததோ ஒரே ஒரு ஞானப்பழம். அதேபோல் தன்னிடம் இருக்கும் ஒரே ஒரு தலைவர் பதவியை, மகன்களில் இருவரில் ஒருவருக்குத்தான் தர முடியும் என்ற இக்கட்டான சூழ்நிலை கருணாநிதிக்கு. இந்த மேட்டர் போதாதா, இதைத் திருவிளையாடல் ரீமேக் ஆக்க!

இந்தப் பிரச்னைக்கு ஒரு முடிவுகட்ட, பொன்னான யோசனை தந்தார் பொதுச் செயலாளர் அன்பழகன். யார் கட்சியை அகில இந்திய அளவில் பிரபலமாக்குகிறார்களோ, அவர்களுக்கே கட்சித் தலைவர் பதவி என்பதுதான் யோசனை.

திருவிளையாடல் ஆரம்பம்!

தன் கட்டுப்பாட்டில் இருக்கும் மாவட்டச் செயலாளர்களைத் தொடர்புகொள்ளும் ஸ்டாலின், உடனடியாக ஒவ்வொரு ஊரிலும் பொதுக்கூட்டங்கள் நடத்த ஏற்பாடு செய்கிறார். போகிற ஊர்களில் எல்லாம் முதியோர் ஓய்வூதியம் வாங்கும் கட்சி உறுப்பினர்களை இளைஞர் அணியின்

திருவிளையாடல் ஆரம்பம்!

நேர்காணலுக்கு வரவழைத்துக் கட்சி 'வளர்க்கிறார்’. நடுநடுவே ஆளுங்கட்சியை எதிர்த்துக் குரல் கொடுக்கிறார். அவ்வப்போது அழகிரியின் கட்டுப்பாட்டில் இருக்கும் தென் மாவட்டச் செயலாளர்களையும் தன் வலையில் வீழ்த்துகிறார். ஸ்டாலினின் கிடுகிடு வளர்ச்சி குறித்து கருணாநிதிக்கு ரொம்பவே பெருமிதம்.

தன்னுடைய பவரைக் காட்டுவதற்காக தமிழ்நாடு முழுக்க ஃப்ளெக்ஸ் வைக்கிறார் அழகிரி. துரை தயாநிதியும் அழகிரியும் அட்டகாசமாக சிரிக்கும் ஃப்ளெக்ஸ்கள் தமிழ்நாடு முழுக்க ஒட்டப்பட்டால் பிரபலமாகிவிடலாம் என்பது, அழகிரிக்கு இருக்கும் நம்பிக்கை. போஸ்டர்கள் ஒட்டப்படும்போதே, துரை தயாநிதியை போலீஸ் கைது செய்ய முயற்சிக்கிறது. போலீஸாரின் கண்ணில் முன் ஜாமினை விட்டு ஆட்டிவிட்டு எஸ்கேப் ஆகிறார் துரை தயாநிதி. மகனைக் காப்பாற்ற அலைகிற நேரத்தில், போட்டியை மறந்துவிடுகிறார் அழகிரி.

இந்த நேரத்தில் ஸ்டாலின் தமிழ்நாட்டில் பாதி ஊர்களைச் சுற்றி முடிக்கிறார். கடைசியாகப் போட்டி முடியும் நாள் நெருங்கும்போது, கட்சியில், தான் புதிதாகச் சேர்த்தவர்களின் உறுப்பினர் படிவத்தை இரண்டு, மூன்று கார்களில் கொண்டுவருகிறார் ஸ்டாலின். பிரபலமாகிவிட்டதற்கு ஆதாரமாக, தான் அடித்த லட்சக்கணக்கான போஸ்டர்களை லாரி லாரியாக அறிவாலய வாசலில் இறக்கிவிட்டு பதவி வாங்குவதற்காக உள்ளே ஓடுகிறார் அழகிரி. உள்ளே சென்ற அழகிரிக்கு செம ஷாக். கோபமாக வெளியேறுகிறார். அதைப் பார்த்து சிரித்த முகத்துடன் உள்ளே போகும் ஸ்டாலினுக்கும் செம செம ஷாக். கடுங்கோபமாக வெளியேறுகிறார். ஏன்... ஏன்... ஏன்?

உள்ளே கருணாநிதியும் அன்பழகனும் அடுத்தடுத்து அமர்ந்திருக்க, கனிமொழி நடுநாயகமாகத் தலைவராக அமர்ந்திருக்கிறார். ''அழகிரி தென் மாவட்டத்தில் மட்டுமே பிரபலம், ஸ்டாலின் தமிழ்நாட்டில் மட்டுமே பிரபலம், ஆனால், 2ஜி விவகாரத்தில் கனிமொழி இந்தியா முழுக்கவே பிரபலம். ஆகவே, நானும் பேராசிரியரும் கலந்துபேசி இந்த முடிவை எடுத்தோம். ஸ்டாலினுக்கும் அழகிரிக்கும் நாற்காலியில் இடம் இல்லை. அதற்குப் பதிலாக, வழக்கம்போல என் இதயத்தில் இடம் தருகிறேன்'' என்கிறார் கருணாநிதி.

ட்விஸ்ட் எப்பூடி...?

- சேசு குணசீலன்