கூல் பேபி... யூ ஆர் வெரி லக்கி!

ம.கா.செந்தில்குமார் படங்கள்:ஜி.வெங்கட்ராம் . கிராமத்துக் கதையோ, சிட்டி சப்ஜெக்ட்டோ, தேவதை போல ஒரு ஹீரோயின்

வேணும்னு டைரக்டர்ஸ் நினைப்பாங்க. ஆனா, தேவதைகள் தமிழ்நாட்டுக்கு வெளியேதான் இருப்பாங்கன்னு அவங்க நம்புறதுதான் வேடிக்கை!" - தைரியமாக, நிதானமாகப் பேசுகிறார் விஜயலட்சுமி.

ஜி.வெங்கட்ராமின் புதிய போட்டோ ஷூட் படங்கள் வசீகரிக்கின்றன. 'கொஞ்சம் கிளாமரா இருக்கோ?' என்று வெட்கப்பட்டுச் சிரிக்கிறார் 'சுல்தான்' நாயகி!

"எப்போதான் கண்ணுல காட்டுவீங்க 'சுல்தான் தி வாரியர்' படத்தை. ரஜினி ஹீரோயின்னதும், அப்படியே அமைதியாகிட்டீங்களே?"

"சிம்ப்ளி சூப்பர்ப். 70 சதவிகிதம் படம் முடிஞ்சிடுச்சு. சுல்தான் ஒரு அனிமேஷன் படம்னு எல்லாருக்கும் தெரியும். ஆனா, ரஜினி சார் 'எந்திரன்' முடிச்சு, ரிலாக்ஸ் ஆயிட்டதால், இப்போ அவரோட லைவ் போர்ஷனும் படத்தில் இருக்குன்னு சொல்றாங்க. மீதி போர்ஷனை கே.எஸ்.ரவிக்குமார் சார் டைரக்ட் பண்ணப்போறதா ஒரு பேச்சு இருக்கு. பார்க்கலாம்!"

. மேலும் படங்களுக்கு...

"ரஜினி சார் என்ன சொல்றார்?"

"நானும் ரஜினி சாரோட ரசிகைதான். 'சுல்தான்' வாய்ப்பு கிடைச்ச சந்தோஷம் ஒரு பக்கம்னா... ரஜினி சார் என்ன சொல்வாரோங்கிற படபடப்பு இன்னொரு பக்கம். முதல் நாள் ஷூட்டிங். பயங்கர படபடப்புடன் அவர் முன்னால் போய் நின்னேன். 'கூல் பேபி. யூ ஆர் வெரி லக்கி'ன்னு சிரிச்சுட்டே கை கொடுத்தார். ரொம்ப நாள் பழகிய ஃப்ரெண்ட் மாதிரி அவ்ளோ அன்பாப் பேசினார். தெலுங்குப் படங்கள்லேயும் கான்சன்ட்ரேட் பண்ணுங்கன்னு அட்வைஸ் பண்ணார். செட்ல அப்பப்ப சில கரெக்ஷன்ஸ் சொல்லுவார். அதுவே க்யூட்டா இருக்கும். இது எல்லாத்தையும்விட, ரஜினி சாரை அவங்க மகள் சௌந்தர்யா டைரக்ட் பண்ற ஸ்டைலே ரொம்ப அழகா இருக்கும். ஓ.கே-ப்பா, ஸ்டார்ட்பா, கேமராப்பா, ஆக்ஷன்ப்பா என வார்த்தைக்கு வார்த்தை அப்பா சேர்த்து சௌந்தர்யா பேசுவதைக் கேட்கும்போதே அவ்வளவு எனர்ஜெட்டிக்கா இருக்கும்!"

. " 'சென்னை 28', 'அஞ்சாதே'வுக்குப் பிறகு உங்களுக்கு நல்ல படங்கள் அமையலையே... ஏன்?"

"உண்மையிலேயே நான் சினிமாவுக்கு வந்ததே ஆக்ஸிடென்ட்தான். 'சென்னை 28' முடிச்சுட்டு, சினிமாவில் இருந்து கழண்டுக்கலாம்னுதான் நினைச்சேன். ஆனா, அந்தப் படம் ஹிட். அடுத்து வந்த 'அஞ்சாதே'வும் சூப்பர் ஹிட். அப்புறம் சினிமாவை விட எனக்கும் மனசு இல்லை. நான் அடுத்துப் பண்ணின ஒரு படம் ஏதோ ஒரு வகையில் தப்பு பண்ண... சூப்பர் டூப்பர் ஃப்ளாப். அதனால், என்ன மாதிரியான படங்கள் பண்ணணும்னு தெளிவாகிட்டேன். நிறைய படங்கள்ல நடிச்சு கெட்ட பேர் எடுக்கிறதைவிட, அழகான படங்கள் செய்து நல்ல பேர் சம்பாதிச்சாப் போதும்!"

"கல்யாணம்னா, கண்டிப்பா லவ் மேரேஜ்தான்னு சொன்னீங்க. அதுல ஏதாவது

. டெவலப்மென்ட் இருக்கா?"

"ஆஹா... என்னைவிட நீங்கதான் அந்த விஷயத்துல ஆர்வமா இருக்கீங்கன்னு நினைக்கிறேன். அன்னிக்கு சொன்னதுதான் இன்னிக்கும் சொல்றேன்... எனக்குக் காதல் திருமணம்தான் நடக்கும். ஆனா, அதுக்கு இன்னும் ரொம்ப நாள் இருக்கு!"

"அப்பா, அத்தான்னு வீட்டுலயே ரெண்டு இயக்குநர்கள் இருக்காங்க. உங்க நடிப்பைப்பத்தி என்ன சொல்றாங்க?"

"தியேட்டர்ல படம் பார்க்கும்போது 'குட்'னு ஒரு வார்த்தைல விமர்சனம் பண்ணுவாங்க. ஆனா, கார்ல திரும்பி வீட்டுக்கு வரும்போது, 'அங்க அப்படிப் பண்ணி இருக்கலாம், இங்க இப்படிப் பண்ணி இருக்கலாம்'னு விலாவாரியா விமர்சனம் பண்ணுவாங்க. அதுவும் அக்காதான் நிறைய கமென்ட் அடிப்பா. அக்காவோட ஒன்றரை வயசுக் குழந்தை தியாதான் இப்போ என்னோட செல்ல ரசிகை. என் விளையாட்டுப் பொம்மையே அவதான்!"

.

விகடன் லேட்டஸ்ட்

கூல் பேபி... யூ ஆர் வெரி லக்கி!

Vikatan Correspondent