Published:Updated:

மன்மதன் கமல்தானா? சஸ்பென்ஸ் சர்ப்ரைஸ்!

மன்மதன் கமல்தானா? சஸ்பென்ஸ் சர்ப்ரைஸ்!

மன்மதன் கமல்தானா? சஸ்பென்ஸ் சர்ப்ரைஸ்!
மன்மதன் கமல்தானா? சஸ்பென்ஸ் சர்ப்ரைஸ்!
மன்மதன் கமல்தானா? சஸ்பென்ஸ் சர்ப்ரைஸ்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ம.கா.செந்தில்குமார்
மன்மதன் கமல்தானா? சஸ்பென்ஸ் சர்ப்ரைஸ்!

"நான் தயாரிப்பாளர் ஆனதுமே, கமல் சாரோடு வேலை பார்க்க ஆசைப்பட்டேன்.

அவரும் அப்பப்போ பேசிட்டே இருந்தார். திடீர்னு ஒருநாள் கமல் சார் கூப்பிட்டார். ஒரு கப்பல் ஸ்க்ரிப்ட் சொன்னார். அட்டகாசமா இருந்தது. இயக்குநர் யார் என்பதில் எங்கள் இருவருக்குமே ஒரே சாய்ஸ்தான் தோணுச்சு. அது கே.எஸ்.ரவிக்குமார். 'மன்மதன் அம்பு'வில் பிரமாண்டம், த்ரில், லவ், காமெடி எல்லாமே சரியான காம்பினேஷனில் அமைஞ்சு இருக்கு. டார்கெட்ல அம்பு ஹிட்டாகும்!"-ஆர்வமாகப் பேசுகிறார் உதயநிதி ஸ்டாலின்.

" 'மன்மதன் அம்பு' என்ன மாதிரியான படம்?"

"டைட்டில் கார்டில் இருந்து க்ளைமாக்ஸ் வரைக்கும் காமெடி. த்ரிஷா... கமலுக்கு ஜோடியா, இல்லை மாதவனுக்கு ஜோடியாங்கிறதுதான் படத்தோட ஒன் லைன். நிஜ மன்மதன் யாருங்கிறது சஸ்பென்ஸ்!"

மன்மதன் கமல்தானா? சஸ்பென்ஸ் சர்ப்ரைஸ்!

"கப்பலில் ஷூட்டிங் நடத்தியது எப்படி இருந்தது?"

மன்மதன் கமல்தானா? சஸ்பென்ஸ் சர்ப்ரைஸ்!

"கப்பல் ஸ்க்ரிப்ட்னு முடிவானதும், உலகத்தில் உள்ள பெரிய கப்பல்களைத் தேடினோம். 'எம்.எஸ்.சி' வகையறா கப்பல்களில் ஒரு வகை 'ஸ்பிளெண்டிடா'. 20 மாடி, 1,600 பணியாளர்கள், 50 ஆயிரம் பயணிகள்னு அது ஒரு மிதக்கும் நகரம். கப்பலில் 10 ரெஸ்டாரன்ட்டுகள், கேசினோக்கள், நீச்சல் குளங்கள் இருக்கு. இந்தக் கப்பல் தினம் ஒரு நகரமாக ஐரோப்பாவின் முக்கிய நகரங்களைத் தொட்டுச் செல்கிறது. நாம் விரும்பினால் இறங்கிச் சென்று அந்த நகரத்தைச் சுற்றிப் பார்த்துவிட்டு வரலாம். புதிய அனுபவம் என்பதால், படப்பிடிப்புக்கு வரும் அனைவரையும் குடும்பத்தோடு வரச் சொன்னோம். கமல் சார், கவுதமி மேடம், கே.எஸ்.ரவிக்குமார் சார் குடும்பம், த்ரிஷா, அவங்க அம்மா, மாதவன், அவர் மனைவி, சங்கீதா, கிரிஷ், நான், கிருத்திகா என்று 70 பேர் போய் இறங்கினோம். நாங்கள் உணர்ந்த அதன் பிரமாண்டத்தை அப்படியே படத்தில் கொண்டுவந்து இருக்கிறோம்."

மன்மதன் கமல்தானா? சஸ்பென்ஸ் சர்ப்ரைஸ்!

" 'கமல், தன் பரிசோதனை முயற்சிகளைத் தயாரிப்பாளர் செலவில் செய்து பார்ப்பார்' என்பார்கள். 'மன்மதன் அம்பு'வில் அதுபோன்ற சோதனை முயற்சிகள் உண்டா?"

"கப்பலில் படப்பிடிப்பு என்பதுதான் இதில் புது முயற்சி. பெரிய கப்பல், பார்த்திராத இடங்கள் என்று நான்தான் லொகேஷன் தேடத் தொடங்கினேன். அதற்கே, 'உதய், சிங்கப்பூரிலேயே சின்னதா ஒரு கப்பலைவெச்சு முடிக்கலாம்' என்று கமல் சார் செலவைக் குறைக்க வழி சொன்னார். நான்தான் விடாப்பிடியாக, 'இருக்கட்டும் சார்... உங்களுடைய ஸ்க்ரிப்ட்டுக்கு ஸ்பிளெண்டிடாதான் கரெக்டா இருக்கும்' என்று அவரைச் சம்மதிக்க வைத்தேன். ஹெலிகாப்டர் ஒன்றை வாடகைக்கு அமர்த்தி, டாப் ஆங்கிளில் கப்பலில் படம்பிடித்த காட்சிகள் அனைத்துமே அவ்வளவு அழகா வந்து இருக்கு. மற்றபடி ரெட் ஒன் கேமரா, லைவ்சவுண்ட், லைவ் எடிட்டிங் என கமல் சாரின் ஃபேவரைட் டெக்னிக்கல் அம்சங்கள் அனைத்தும் 'மன்மதன் அம்பு'வில் உண்டு!"

மன்மதன் கமல்தானா? சஸ்பென்ஸ் சர்ப்ரைஸ்!

"நீங்க எப்பதான் நடிக்கப் போறீங்க?"

"ஆமாங்க. எல்லாரும் கேக்குறாங்க. விகடன்ல படத் தலைப்பு 'ஒரு கல் ஒரு கண்ணாடி'ன்னு போட்டுட்டீங்க. அப்பா அதைப் பார்த்துட்டு, 'டைட்டிலை என்னைத் தவிர எல்லார்கிட்டேயும் சொல்லிட்டியா?'ன்னு விசாரிச்சார். அடுத்த மாசம் ஷூட்டிங் போறோம். இப்போ நான் ஹீரோ ஆகுறதுக்கான ஹோம் வொர்க்கில் இருக்குறேன். ஜிம்ல வொர்க்-அவுட் பண்றேன். மாஸ்டர் ஷோபியிடம் டான்ஸ் கிளாஸ் போயிட்டு இருக்கேன். காலையில், 'பிரதர் என்ன இன்னும் தூக்கம்? கிளாஸுக்குக் கிளம்புங்க'ன்னு ஆர்யா தினம் மெசேஜ் தட்டுவார். அதேபோல் கமல் சார், விஜய், சூர்யா மூணு பேரும் நிறைய டிப்ஸ் தர்றாங்க. அடுத்த வருஷம் கண்டிப்பா என் படம் ரிலீஸ் ஆகிரும்!"

மன்மதன் கமல்தானா? சஸ்பென்ஸ் சர்ப்ரைஸ்!

" 'தமிழ் சினிமாவை கலைஞர் குடும்பம் வளைத்துவிட்டது. சிறிய படங்கள் வெளியிட தியேட்டர்களே கிடைப்பது இல்லை' என் கிறார்களே?"

"இதில் உண்மை இல்லை. 'களவாணி' படத்தை நாங்கள் வாங்க வில்லை. ஆனால்,

மன்மதன் கமல்தானா? சஸ்பென்ஸ் சர்ப்ரைஸ்!

அதற்கு தியேட்டர் கிடைத்தது. மிகப் பெரிய வெற்றியும் கிடைத்ததே! எங்களைப்பற்றி பேசுபவர்களிடம், பொறாமை இருக்கும் அளவுக்கு சினிமா வளர வேண்டும் என்ற பொது நோக்கு இல்லை. இப்போது, 'மைனா' என்ற சிறிய பட்ஜெட் படத்தை நான் வாங்கி, தீபாவளிக்கு வெளியிடுகிறேன். ஆனால், அந்தப் படத்தின் சேட்டி லைட் ரைட்ஸை விஜய் டி.வி. வாங்கி இருக்கிறது. எங்களுக்குள் எந்தப் பிரச்னையும் இல்லையே. படம் பார்த்த கமல் சார், இயக்குநர் பாலா உட்பட அனைவரும் 'மிகச் சிறப்பான படம். இதுபோன்ற நிறைய நல்ல சின்ன பட்ஜெட் படங்களையும் வாங்கி வெளியிடுங்கள்' என்கிறார்கள். குற்றம் சொல்பவர்களுக்கு இதுதான் என் பதில்!"

மன்மதன் கமல்தானா? சஸ்பென்ஸ் சர்ப்ரைஸ்!
மன்மதன் கமல்தானா? சஸ்பென்ஸ் சர்ப்ரைஸ்!