மேலும் படங்களுக்கு...

'காதலுக்குத் தினம் ஏது... தினமும்!'னு ஒரு கவிதை உண்டு. ஒவ்வொரு நாளும் புதுசாப் பிறக்கிறோம். ஆனாலும், பிறந்த நாள் ஸ்பெஷல்தானே!

மழை சந்தோஷம். ஆலங்கட்டி மழை இன்னும் சந்தோஷம் இல்லையா? 'சிக்குபுக்கு'வில் இருக்கிற காதல் ஆலங்கட்டி மழை. வாழ்க்கையில உங்களுக்குப் பிடிச்ச நாட்கள் எதுன்னு யார்கிட்ட வேணும்னாலும் கேளுங்க. காதலித்த, காதலிக்கப்பட்ட நாட்கள்னு சொல்வாங்க. அந்தக் காதல் நாட்களை மட்டுமே எடுத்திருக்கோம்!"- காதல் தெறிக்கப் பேசுகிறார் மணிகண்டன். இயக்குநர் ஜீவாவின் சீடர். 'தாம்தூம்' படத்தைத் தொடர்ந்து அடுத்த அடி எடுத்துவைக்கிறார்.

"அதென்ன 'சிக்குபுக்கு'?"

"நர்சரி ரைம்ஸ் சொல்லி வளர்ந்தவங்கதானே நாம. ஆர்யா - ஸ்ரேயா காதல், முதல் சந்திப்பு, காதலில் விழுவது, உணர்வது, சொல்ல முற்படுவது எல்லாமே ரயில் பயணங்களில் நடக்கிறது. இதில் ரயிலும் ஒரு கேரக்டர். என் வாத்தியார் ஜீவாவின் அடிச்சுவட்டில்தான் என் பயணம். 'எதையும் சின்னதாகச் சிந்திக்காதே. பெரிசா... புதுசா சிந்தித்துப் பார்'னு சொல்வார் ஜீவா. அதைத்தான் செயல்படுத்தியிருக்கேன். லண்டனில் ஆரம்பிச்சு, காரைக்குடியில் வந்து முடியும் கதை.!"

"எப்படி இருக்கார் ஆர்யா?"

" 'நான் கடவுள்' படத் துக்குப் பிறகு ஆர்யா இன்னிக்குப் பண்பட்ட நடிகர். இதில் இரண் டாவது கருத்துக்கு இடம் இல்லை. ருத்ராட்ச மாலை யும் கோபமும் ஆவேசமுமாகத் திரிந்த அவர், இதில் நேர்மாறான ஆளா வர்றார். அழுக்காத் திரிஞ்சவர், இதில் செம ஸ்டைலான சாக்லேட் பையன். எல்லோருக்கும் பிடிக்கிற மாதிரி சில பசங்க இருப்பாங்கள்ல. அப்படி நொடிக்கு ஒரு குறும்பு பண்ணி, சின்னச் சின்னதாப் பொய் சொல்லி, எதிரில் வர்ற எல்லோரையும், சீண்டிப்பார்க்கிற ச்சோ ஸ்வீட் பையன் ஆர்யா.

லவ்லகூட ஃபீலிங் பார்ட்டி கிடையாது. காதலையும் லைட்டா காமெடியாவே பார்க்கிற பையன். போட்டோ செஷனில் பார்க்கணுமே, ஆர்யாவும் ஸ்ரேயாவும் கொஞ்சிக்கிட் டதை. அன்னிக்குப் பேச ஆரம்பிச்சவங்க இன்னிக்கு வரைக்கும் விடாம போன்ல பேசிட்டே இருக்காங்க. அப்படி என்னதான் இருக்குமோ சார்!"

"ஸ்ரேயா ரொம்ப நாள் கழிச்சு பளிச்சுனு இருக்காங்க?"

"ஆமா சார். ஊர் உலகமே சைட் அடிக்கிற பொண்ணு. இன்றுதான் வாழ்க்கையின் இறுதி நாள்னு நினைச்சு, அந்த நாளை அனுபவிக்கிறவர் ஆர்யா. எல்லாத்துக்கும் அர்த்தம், பொருத் தம் பார்த்து வாழ்கிறவர் ஸ்ரேயா. பொதுவா, ரொமான்டிக் படங்களுக்கு ஜோடிப் பொருத்தம் முழு முதல் தேவைன்னு சொல்வாங்க. அப்படி ஓர் அழகான தருணத்தில் ஆரம்பிக்கிறது இந்தப் படம்!"