Published:Updated:

சினிமா விமர்சனம் : ராவணன்

சினிமா விமர்சனம் : ராவணன்


சினிமா விமர்சனம்
சினிமா விமர்சனம் : ராவணன்
சினிமா விமர்சனம் : ராவணன்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
சினிமா விமர்சனம் : ராவணன்
.
& விகடன் விமர்சனக் குழு
சினிமா விமர்சனம் : ராவணன்
சினிமா விமர்சனம் : ராவணன்

ணிரத்னத்தின் மாடர்ன் ராமாயணம்! காட்டு வாழ் மக்களின் தலைவன் விக்ரம்(ராவணன்). அவரது தங்கச்சி ப்ரியா மணி (சூர்ப்பனகை). என்கவுன்ட்டர் ஸ்பெஷலிஸ்ட் எஸ்.பி. பிருத்விராஜ் (ராமன்). அவரது மனைவி ஐஸ்வர்யா ராய் (சீதை).

அரசாங்கத்தைப் பொறுத்தவரையில் விக்ரம்... குற்றவாளி. அவரைப் போட்டுத்தள்ள அலைகிறார் எஸ்.பி. பிருத்விராஜ். போலீஸின் தேடுதல் வேட்டையில் சிக்கி குதறப்படுகிறார் ப்ரியாமணி. கொதித்துக் கொந்தளிக்கிற விக்ரம், ஐஸ்வர்யாவைக் காட்டுக்குக் கடத்துகிறார். அங்கே, பழி வெறியைத் தாண்டி ஐஸ் மேல் விக்ரமுக்கு வேறுவிதமான காதல் முளைக்கிறது. இவர் காதலில் குழைய, பிருத்வி வேட்டை வெறியில் அலைய... மெகா மோதலுக்குப் பிறகு நடப்பது அதிரடி க்ளைமாக்ஸ்!

கிடுகிடு மலை மேல் திடுதிடுவென விக்ரம் நிற்கிற ஆரம்பக் காட்சியே ஐஸ் கத்தி. காட்டு நதியில் விழுந்து நீந்தி, படகில் ஐஸ்வர்யாவை அவர் கடத்துகிற துவக்கக் காட்சியிலேயே துள்ளி நிமிர்கிறது தியேட்டர். அங்கே இருந்து, தொங்கு பாலத்தில் நடக்கிற க்ளைமாக்ஸ் மோதல் வரை நிச்சயமாக இது விஷ§வல் விருந்து. மலை உச்சியில் கொண்டுவந்து ஐஸ்வர்யாவை விக்ரம் சுடப் போக, 'என் முடிவு உன் கையில இல்லை' என்றபடி திகீரென ஐஸ் மலையில் இருந்து குதிக்கிற காட்சி... அற்புதம். அதேபோல் மழை, சகதி, மலைக் குகை, நதிகள் எனக் கடந்து போகிற பல காட்சிகளில் இன்ச் இன்ச்சாக மிளிர்கிறது தொழில்நுட்ப உழைப்பு.

ஆனால், அதன் பிறகு வரிசை கட்டி வருகிற பெரும்பாலான காட்சிகளில் உணர்ச்சிகளும் இல்லை... கதைக்கான நியாயங்களும் இல்லை. ஐஸைப் பார்த்ததுமே 'உசுரே போகுது...' என உடனடியாக உருகுகிறார் விக்ரம். ஆவேசமான காட்டு மனிதனுக்குள், தலைவனுக்குள் இவ்வளவு அவசரமாகவா காதல் பூத்துவிடும்? அங்கேயே அந்தப் பாத்திரத்தின் சூடு குறைந்து விடுகிறதே? ப்ரியாமணி ஃப்ளாஷ்பேக் தவிர, ஐஸ்வர்யாவுக்கு விக்ரம் மேல் ஈரமோ, நியாயமோ தோன்றுகிற ஒரு தருணம்கூடப் படத்தில் இல்லை. இன்னொரு பக்கம் பிருத்விராஜின் தேடல் வேட்டையிலும் சுவாரஸ்யமான ஐடியாக்கள் இல்லை.

சினிமா விமர்சனம் : ராவணன்

படத்தின் மைய கேரக்டரான விக்ரம் யார்? நக்சலைட்டா? வீரப்பன் மாதிரி கடத்தல் மன்னனா? மக்கள் தலைவனா? எதற்காகத் துரத்துகிறது போலீஸ்? எதற்குமே படத்தில் பதில் இல்லை. விக்ரம் கேரக்டருக்கு எந்த அரசியல் பின்புலத்தையும் சொல்லவில்லை மணிரத்னம். காட்டுவாசி மக்களின் பிரச்னையை எங்காவது அழுத்திச் சொல்லிஇருக்கலாம். இது போதாதென்று காட்டுக்குள் அழகான அரண்மனைகள், பிரமாண்ட சாமி சிலைகள் என ஓவர் ஃபேன்டஸி வேறு. தொங்கு பாலச் சண்டையும் ஒரு திருப்பத்துடன் நடக்கிற க்ளைமாக்ஸ§ம் மட்டும் அதிரவைக்கிற ஆறுதல்!

'வீரா'வாக விக்ரம்... விறைப்பும் முறைப்புமாக இன்னொரு முறை தன்னை நிரூபித்திருக்கிறார். 'கடவுள்னா பெரிய ஆள்தான். பொறாமையா இருக்கு' என ஏக்கத்தையும் கிண்டலாகச் சொல்வதில் இருந்து, உறுமித் திரிவது வரை அசத்தல். 'பக்பக்பக்', 'டண்டண்டண்' போன்ற மேனரிஸங்கள்தான் திருஷ்டி. கோபம், தவிப்பு, பயம் எனப் படம் நெடுகக் கல்லிலும் முள்ளிலும் தவித்துத் திரியும் ஐஸ்வர்யா ராயின் உழைப்பு ஆச்சர்யம். கிண் உடம்பு, கச்சிதமான பேச்சு, கத்திப் பார்வை என பிருத்விராஜுக்கும் இது அடுத்த கட்டம். அனுமாராக வரும் கார்த்திக், கும்பகர்ணனாக(!?) எப்போதும் பழைய சாதம் வெங்காயத்தோடு அலையும் பிரபு... நீங்களும் இந்தப் படத்துல இருக்கீய!

'ராவணனின்' அசுர பலம், சந்தோஷ் சிவன்-மணிகண்டன். மலைவெளி முழுவதும் நதியாய் - பறவையாய் அலைந்து திரியும் கேமராவின் உழைப்புக்கு முதல் சல்யூட். பாடல்களில் மிரட்டி எடுக்கிறது ரஹ்மானின் அசத்தல் தரம். பின்னணி இசையில் நிறையச் சத்தம். கலை இயக்குநர் சமீர் சந்தா, கம்ப்யூட்டர் தொழில்நுட்பக் கலைஞர்களின் பணியும் பக்கா. சுஹாசினியின் வசனங்களில் நிறைய அந்நியத்தன்மை!

மணிரத்னத்தின் ராவணனில் இரண்டு இல்லை... நிறைவான திரைக்கதை, தெளிவான அரசியல் பார்வை!

சினிமா விமர்சனம் : ராவணன்
சினிமா விமர்சனம் : ராவணன்