Published:Updated:

சிங்கா... சிங்கி..!

சிங்கா... சிங்கி..!

சிங்கா... சிங்கி..!

சிங்கா... சிங்கி..!

Published:Updated:

17-06-09
சிங்கா... சிங்கி..!
சிங்கா... சிங்கி..!
சிங்கா... சிங்கி..!

ஒட்டுமொத்த விகடனுக்கும் ஒரே ஷார்ட்கட்!

 
ம.கா.செந்தில்குமார், படங்கள்: வி.செந்தில்குமார்
சிங்கா... சிங்கி..!
சிங்கா... சிங்கி..!

''பாலிவுட் நட்சத்திரங்கள் தங்கள் பட புரமோஷன்களுக்கு ஃபேஷன் ஷோ நடத்துவார்கள். அதே போல இசையருவியின் இசை விருதுகள் அறிமுகத்துக்காக தமிழ் சினிமாவின் பின்னணிப் பாடகர், பாடகிகள் பங்கேற்கும் ஃபேஷன் ஷோ நடத்த முடிவு செய்தோம். அநேகமாக பாடகர், பாடகிகள் இத்தனை புரஃபஷனலாகக் கலந்துகொள்ளும் ஃபேஷன் ஷோ இதுவாகத்தான் இருக்கும்!'' - அறிவிப்பைத் தொடர்ந்து, அரங்கம் அதிரத் துவங்கியது. மீரா, சோஷியல் மீடியா நிறுவனங்கள் இசையருவி சேனலுடன் இணைந்து 'தமிழ் இசை விருதுகள்' வழங்கும் நிகழ்ச்சிக்கான முன்னோட்டம் இது. இரண்டாம் ஆண்டின் இசை விருதுகளுக்கு முந்தைய ஹைலைட் இந்த ஃபேஷன் ஷோ!

சிங்கா... சிங்கி..!

தொப்பி, சோடாபுட்டி கண்ணாடி, வாக்கிங் ஸ்டிக் சகிதம் மூன்று அழகிகளுடன் கேட்வாக்கி ஆட்டத்துக்குத் திரி கிள்ளினார் பென்னி தயாள். தொடர்ந்து ராகுல் நம்பியார், ரஞ்சித், விஜய் யேசுதாஸ், நரேஷ் அய்யர், கிரிஷ், கார்த்திக் என்று பின்னணிப் பாடகர்கள் அட்டகாச அழகுடன் வர ஆரம்பித்தார்கள். மீசையையும் கிருதாவையும் இணைத்து 'அசல்' அஜீத் கெட்டப்பில் விஜய் யேசுதாஸ் கிட்டத்தட்ட மிரட்டல்!

கிரிஷ் மேடையில் எட்டிப்பார்க் கும்போது எல்லாம் கைத்தட்டிக் குவித்துவிட்டார் அவரது டார்லிங் சங்கீதா. முள்ளம்பன்றி முடியுடன் வாக்கிங் வந்த ரஞ்சித்துக்கு... ஆச்சர்யமாகப் பெண்கள் பக்கம்தான் எக்கச்சக்க மரியாதை.

அடுத்ததாக பாடகிகள் ரவுண்ட். சட்டை அணியாத ஆண் மாடல் களுடன் வந்து ஃபேஷன் ஷோவை அடுத்த உயரத்துக்கு எடுத்துச் சென்றனர். சுஜாதாவின் மகளும் பாடகியுமான ஸ்வேதா முதலில் மேடைக்கு வர, அவரைத் தொடர்ந்து சுமங்கலி, மதுமிதா, சாருலதாமணி, ஸ்ரீலேகா பார்த்தசாரதி, சுசித்ரா, மஹதி என அடுத்தடுத்து பளிச் புடவையில் பாலீஷ் பளபளப்பு காட்டினார்கள் குயில் குரல் லேடீஸ்.

''அப்பாவி கணக்கா லுக்கைப் போட்டாலும் இந்தப் பசங்கநாங்க மேக்கப் போடுறப்ப கலாய்ச்சுட்டாங்க. நான் அப்பதான் பக்காவா சேலை கட்டி நடந்து பழகுறேன். மனச்சாட்சியே இல்லாம, 'நடையா... இது நடையா?'ன்னு கிண்டல்!'' என்கிறார் சாருலதாமணி. ''நாங்க சும்மாவிடுவோமா? அவங்க ரிகர்சல் பண்றப்ப 'இது இசையருவிக்கு மாதிரி தெரியலையே. 'சிரிப்பொலி' சேனலுக்கு மாதிரி இல்ல தெரியுது'ன்னு வாரிட்டோம்ல!'' என்று சிரிக்கிறார் மஹதி.

சிங்கா... சிங்கி..!

''மொத்தம் 24 பிரிவுகளுக்கு விருது. அதில் 8 பிரிவுகளுக்கான வெற்றியாளர்கள் மக்கள் சாய்ஸ். மீதி 16 தொழில்நுட்பப் பிரிவுகளுக் குத் தனி கமிட்டி அமைச்சிருக் கோம். ஜூலை 11-ம் தேதி, நேருஉள் விளையாட்டரங்கில் பிரமாண்ட ஷோ. அதில் இன்னும் புதுசான, பல தினுசான நிகழ்ச்சிகளுக்கு ஐடியா வெச்சிருக்கோம்!'' என்று சஸ்பென்ஸ் வைக்கிறார் சோஷியல் மீடியா இயக்குநர் சுஜித்குமார்.

ம்... நடத்துங்க!

 
சிங்கா... சிங்கி..!
-
சிங்கா... சிங்கி..!
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism