என்பதைக் கண்டுபிடிக்க முயற்சிக்கிறாள் மகள். தன் திருமண நிச்சயதார்த்தத்துக்கு 'அம்மா காதலர்களுக்கும்' அழைப்பு அனுப்புகிறாள். ஆடல் பாடல்களுக்கு நடுவே அப்பாவைக் கண்டுபிடித்து அம்மாவோடு சேர்ப்பதே கதை! ('அங்கேயும் உக்காந்து யோசிப்பாய்ங்க போல!')
ஆங்காங்கே டயலாக் காமெடி, குபீர் குரூப் டான்ஸ் என நாடகம் மொத்தமும் கலர்ஃபுல் கலாட்டாதான். சென்னை மம்மா மியாவின் தயாரிப்பாளரான வரலட்சுமிக்கு, நாடகத்தில் கெஸ்ட் ரோல். நாடகத்தின் இடையிடையே வரும் பாடல்களுக்குத் தலைகாட்டி டான்ஸ் ஆடிவிட்டுப் போனார். நாடகத்தின் முடிவில் விருப்பப்படும் பார்வையாளர்களை மேடைக்கு அழைத்து ஆடவைத்து மகிழ்ந்தார்கள்.
ஷோவை வெற்றிகரமாக முடித்த மகிழ்ச்சியில் வியர்வை மின்னச் சிரித்துக்கொண்டு இருந்த வரலட்சுமியிடம் பேசினேன். ''இசை, நாடகம் ரெண்டுமே என் கனவு. பணம் சம்பாதிக்கிறதுக்காக இந்த ஷோ பண்ணலை. வித்தியாசமா ஏதாவது பண்ணனும்னு சாய்ஸ் தேடினப்போ சிக்கினதுதான் மம்மா மியா. சென்னை ரசிகர்களின் வரவேற்பு எங்களுக்கு செமத்தியான எனர்ஜி டானிக். அடுத்து பெங்களூரு, ஐதராபாத், டெல்லி, புனேவில் மம்மா மியாவை அரங்கேற்றம் பண்ணப் போறோம். அப்புறம் துபாய், மலேசியாவில் சினிமா ஸ்டார்களோடு சேர்ந்து மம்மா மியா ஷோ பண்ண ஐடியா. அப்போதானே போட்ட பணத்தை எடுக்க முடியும்?'' - கணக்காகச் சிரிக்கிறார் தயாரிப்பாளர் வரலட்சுமி!
| 
