ருத்ராட்சம், அஜீத் வாழ்விலும் விளையாட வருகிறது. 'அசல்' படத்தில் இருக்கு அந்த இமாலய மேஜிக் என்கிறார்கள்.
இந்திய மண்ணிலேயே கால் பதிக்காமல் மலேசியா, லண்டன், துருக்கி எனப் பறந்து பறந்து படம் பிடிக்கிறார்கள். செலவைப் பற்றிக் கவலைப் படாமல் தயாரிப்பு வேலைகள் களைகட்டுவதால் 'எந்திரனு'க்கு அடுத்து 'அசல்'தான் பெரிய படமாக இருக்கும் என்கிறார்கள். 'பில்லா' ஸ்டைலையே அடித்துச் சாய்க்க வேண்டும் என்று பில்டப்கள் பின்னியெடுக்கிற படப்பிடிப்பாம்! மிதமான குளிர், இதமான மழை என கிளைமேட்டே அல்டி மேட்டாக இருந்த நாளில் அஜீத்துடன் சந்திப்பு.
கொஞ்சம் நரை உள்ள தாடியிலேயே அசல் அழகு. கலக்கலான கலரிங் ஹேர் ஸ்டைல். ''சினிமா என் தொழில். ஆனா, அதையும் தாண்டி ஒரு மனுஷனா பேசுறதுக்கும், ரசிக்கிறதுக்கும், என்னோட லட்சியமா நினைக்கிறதுக்கும் நிறைய இருக்கு!'' என அவர் தொடங்க... நட்பின் புள்ளியில் ஆரம்பிக்கிறது குளிர்ப் பேச்சு.
''நல்ல வாழ்க்கை வாழறோம். தொழிலுக்கு வேண்டிய மரியாதை குடுக்குறோம். அதே சமயம் டென்ஷன்ல இருந்து தப்பிக்க நமக்குன்னு சில பொழுதுபோக்குகள் வேணும். நான் ரொம்பப் பிரியப்பட்டுத் தேர்ந்தெடுத்தது ஏரோ-மாடலிங். சொந்தமா அச்சு அசல் ஒரு மினி ஹெலிகாப்டர். கம்ப்யூட்டர் கொஞ்சம் தெரிஞ்சுக்கிட்டு கொஞ்சம் கிரியேட்டிவிட்டி, கொஞ்சம் டெக்னிக்கலா, ஜாலியா ரிமோட்ல விளையாடலாம். நிறைய நேரம் சினிமாவில் இருக்கோம். அதுக்காக, அல்லும் பகலும் சினிமாவே போதும்னு இருந்திட முடியாது. கேமராமேன் அரவிந்தன்தான் இந்த ஹெலிகாப்டர் விளையாட்டை எனக்கு அறிமுகப்படுத்தினார். சடார்னு பொறி தட்டி இதைப் பிடிச்சுக்கிட்டேன். இப்ப நானும், என் நண்பர்களும் சேர்ந்து ரேடியோ கன்ட்ரோல் பைலட்ஸ் அசோசியேஷன்னு ஆரம்பிச்சிருக்கோம். என் நண்பர் டாக்டர் அருள்மொழிவர்மன் மேல்மருவத்தூரில் எங்களுக்காக 5 ஏக்கர் | 
