''நடிக்கணும்னு ஆசை. ஹீரோயினாத்தான் நடிக்கணும்னு முடிவு பண்ணியாச்சு. சும்மா உக் காந்துட்டு இருந்தா வேலைக்கு ஆகுமா?அதான்தடா லடியா வெயிட் குறைச்சு ஸ்லிம் ஆகிட்டேன். 'சமுத்திரம்'ல பார்த்த சிந்துவுக்கும் 'ஈரம்'ல பார்த்த சிந்துவுக்கும் வித்தியாசம் தெரியுதா?'' என்று கண்க ளில் ஆர்வம் தேக்கிக் கேட்கிறார் அழகாக! பக் கத்து வீட்டுப் பெண் போல இயல்பான முகம் மட்டுமல்ல; பழக்கவழக்கங்களும்! வாசல் வந்து வரவேற்றது போலவே, வழியனுப்பவும் செய்கிறார்.
''நீங்க 'சமுத்திரம்' படத்துல நடிச்ச சிந்துவா... நம்பவே முடியலை. ஏன் இத்தனை வருஷ இடைவெளி?''
'' 'சமுத்திரம்', 'கடல்பூக்கள்', 'யூத்'னு நடிச்சபிறகு தமிழ்ல 'ஈரம்' என்னோட நாலாவது படம். இதுக்குஎல்லாம் முன்னாடியே கன்னடம், தெலுங்கு, மலையாளம்னு பல படங்கள்ல நடிச்சுட்டேன். தமிழ்ல எனக்கு சரியான கேரக்டர்கள் கிடைக்கலை. அத னால மற்ற மொழிப் படங்கள்ல தீவிரக் கவனம் செலுத்த ஆரம்பிச்சுட்டேன். ஆனால், இப்போ 'ஈரம்' கிட்டத்தட்ட எனக்கு ஓர் அறிமுக வெளிச்சம் கொடுத்திருக்கு. அதை அப்படியே பிடிச்சுட்டு தமிழ்ல ஒரு நல்ல இடத்தைப் பிடிக்கணும்கிறதுதான் இப்ப என் அடுத்த ஐந்தாண்டுத் திட்டம்!''
''அது எப்படிங்க 'சமுத்திர'த்தைக் காட்டிலும் இப்ப இளமை அதிகரிச்சு வந்திருக்கீங்க. கமல் சார்கிட்ட டியூஷன் எதுவும் போனீங்களா?''
''நீங்க நம்பினாலும் நம்பாவிட்டாலும் கமல் சார்தான் எனக்கு ரோல் மாடல். இன்னொரு விஷயத்தையும் நீங்க நம்பியே ஆகணும். 'சமுத்திரம்' படத்துல நடிக்கும்போது எனக்கு வயது 16தான். இப்ப 25. அப்ப நான் கொஞ்சம் குண்டாகவும் இருப்பேன். புடவை கட்டிட்டு நடிச்சதால பெரிய பொண்ணு மாதிரி | 
