Published:Updated:

''கதையை மீறி வேலை செய்யக் கூடாது!''

சமஸ்படம் : வி.செந்தில்குமார்

பிரீமியம் ஸ்டோரி
##~##
தி
லீப் சுப்பராயன்... தமிழ் சினிமாவின் ஃபயரிங் ஸ்டன்ட் மாஸ்டர். 'ஆரண்ய காண்டம்’ படத்தில் திலீப் அமைத்து இருந்த சண்டைக் காட்சிகளில் உண்மையிலேயே அனல் பறந்தது. சூப்பர் சுப்பராயனின் மகனான திலீப், 'ஆரண்ய காண்டம்’ படத்தின் உதவி இயக்குநரும் கூட. சிட்லபாக்கத்தில் 'போராளி’ ஷூட்டிங்கில் துவம்சம் செய்துகொண்டு இருந்தவரிடம் 'ஹாய்’ சொன்னேன்.

 ''ரொம்ப சந்தோஷமா இருக்கு. 'ஆரண்ய காண்டம்’ மூலமா எனக்கு சினிமாவில் புதுசா ஒரு ரூட் கிடைச்சிருக்கு. நான் சினிமாவில் வர்றதை அப்பா விரும்பலை. 'டைரக்டர் ஆகப்போறேன்’னு சொன்னதும் சம்மதிச்சார். புஷ்கர்-காயத்ரிகூட 'ஓரம் போ’ படத்தில் வேலை பண்ணினேன். அப்போ தான் 'ஆரண்ய காண்டம்’ டைரக்டர் தியாகராஜன் குமாரராஜா ஃப்ரெண்ட் ஆனார். 'என் படத்தில் நீதான் ஃபைட் மாஸ்டர்’னு அவர் நம்பிக்கையா சொன்னப்ப,  எனக்கு நம்பிக்கை இல்லை. ஆனா, அவர் நம்பிக்கை ஜெயிச்சிருக்கு!''

''கதையை மீறி வேலை செய்யக் கூடாது!''

''எல்லோரும் இப்படி நினைச்ச உடனே ஸ்டன்ட் மாஸ்டர் ஆக முடியுமா?''

''நான் சின்ன வயசில் இருந்தே கராத்தே கத்துட்டு இருக்கேன். நாலு வருஷம் சண்டைப் பயிற்சி எடுத்தேன். எல்லாத்தையும் தாண்டி சூப்பர் சுப்பராயன் மகன்கிறது பெரிய விசிட்டிங் கார்டு. என்னை அறியாமலேயே, இந்த வேலை என் ரத்தத்தில் ஊறி இருக்கு. அதனால்தான் 'ஆரண்ய காண்டம்’ ரிலீஸ் ஆகுறதுக்கு முன்னாடியே 'தமிழ்ப் படம்’, 'களவாணி’, 'பலே பாண்டியா’னு தைரியமா வேலை பார்க்க முடிஞ்சது!''

''கதையை மீறி வேலை செய்யக் கூடாது!''

''கரடுமுரடான ஆட்கள், பறந்து பறந்து அடிக்கிறதுனு இருக்குற தமிழ் சினிமாவின் சண்டைக் காட்சிகள் எப்போ மாறும்?''

''நாம எந்தக் கலாசாரத்துல இருக்கோமோ, அதைத்தான் காட்ட முடியும். என்னைப் பொறுத்த வரை கதையை மீறி வேலை செய்யக் கூடாதுங்கிறதுல தெளிவா இருக்கேன்!''  

''எவ்வளவு வசதிகள் வந்தாலும் இன்னமும் ஸ்டன்ட் ஆர்ட்டிஸ்ட்களோட வாழ்க்கை அபாயகரமாத்தானே இருக்கு?''

''சீக்கிரம் மாறும். நானே ஓர் உதாரணம். ஸ்டன்ட் ஸீன் வைக்கும் போது நான் பாதுகாப்புக்குத்தான் அதிக முக்கியத்துவம் கொடுப்பேன். மத்தவங்களோட உயிரைப் பணயம்வெச்சு, நான் கைதட்டல் வாங்க விரும்பலை!''

''சண்டைக் கலைஞர்களோட பொருளாதாரச் சூழல் எப்படி இருக்கு?''

''இப்போ பரவாயில்லை. ஒரு நாளைக்கு ஒரு ஸ்டன்ட் ஆர்ட்டிஸ்ட் 4,000 ரூபா வாங்குறார். ஒரு படத்தில் 15 நாள் வேலை இருக்கும். தொடர்ந்து படங்கள் கிடைக்கணும். அப்படியே கிடைச்சாலும், அடிபடாம ஆரோக்கியமா இருக்கணும். எல்லாமே நல்லபடியா இருந்தா, எந்தப் பிரச்னையும் இல்லை. ஒரு சின்ன விபத்து... இங்க வாழ்க்கையையே புரட்டிப் போட்டுடும். இந்தச் சூழலைத்தான் மாத்தணும்!''

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு