அரசியல் எண்ட்ரி... நமீதா ரெடி!

##~## . சி ல மாதங்களாகவே நமீ தரிசனம் நஹி!

. சினிமா - நகைக் கடை - துணிக் கடை திறப்பு விழாக்களில் எங்கேயும் காணோம். எங்கே நமீதா? ஒரு ஜாலி பேட்டி!

. ''இனி, அவார்டு படங்களில் மட்டும் நடிக்கிறதுன்னு முடிவு பண்ணி, ஒரியப் படங்களில் மட்டும் நடிக்கிறீங்களாமே?''

. ''அப்படின்னு நானா சொல்லுது! நிச்சயம் நான் 'அவார்டு ஃபிலிம்’ நடிக்குது. பட், இப்போ கொஞ்சம் வெயிட் ரோல் பண்ண வெயிட்டிங். தெலுங்குல பாலகிருஷ்ணா மாதிரி ஃபிலிம் முழுக்கப் பேசிட்டே இருக்குற ஸ்கோப் கேரக்டர். டான்ஸ், ஸ்விம்மிங் மட்டும் கிடையாது. தமிழ்லயும் அப்புடி கேரக்டர்ஸ் இருந்தா, யார் ஹீரோன்னாலும் நான் நடிக்குது. ஒன்லி கிளாமர்ல என்ன இருக்கு? போர் அடிக்கலை உங்களுக்கு!''

. ''அப்ப இனி நமீதான்னா ஜீரோ கிளாமரா?''

. ''அது அப்படி இல்லை. நமீன்னாலே கிளாமர்தானே. ஆனா, இனி அது மட்டுமே கடியாது. அல்லாம் இருக்கும் என் பெர்ஃபார்மன்ஸ்ல!''

. ''கலைஞர் டி.வி-யின் 'மானாட மயிலாட’ நிகழ்ச்சிக்குப் போட்டியா ஜெயா டி.வி-யில் ஒரு ஷோ பண்ணப் போறீங்களாமே?''

. ''நான் 'கலைஞர் டி.வி’-யில 'மானாட மயிலாட’ பண்ணக் கூப்பிட்டாலே, யோசிக்குது. பட், 'ஜெயா டி.வி’-யில 'ஜாக்பாட்’ பண்ணக் கூப்பிட்டுருக்குது. பேச்சு நடக்குது. அவ்ளோதான்!''

. ''சினிமா வாய்ப்புகள் குறைஞ்சிட்டதால், அ.தி.மு.க-வில் சேரப்போறீங்க... கொள்கை பரப்புச் செயலாளர் போஸ்ட் வெயிட்டிங்னுலாம் சொல்றாங்களே?''

. ''அரசியல் என்ட்ரி ஏஜ் எனக்கு இன்னும் ஆவலை. நான் சின்னப் பொண்ணு. அரசியல்ல நுழைய இன்னும் நிறைய காலம் இருக்கு. ஒரு டென், ட்வெல்வ் வர்ஷம் ஆகும்! அப்ப நான் எப்டி இருப்பேன், அப்போ சிச்சுவேஷன் என்னன்னு ஹூ நோ நவ்? சிச்சுவேஷன் இருந்தா அரசியலுக்கு வருது!''

. ''ராகுல் காந்தி பிரதமர் ஆகலாமா?''

. ''கண்டிப்பா. அவர் இளமையா இருக்குது. இளமையா யோசிக்குது. இந்தியாவுக்கு அவர் மாதிரி யூத் லீடர்ஸ் வேணும். இந்தியா முன்னேற ராகுல் மாதிரி நிறைய பெர்சன்ஸ் வரணும்!''

. ''ராகுலைப்பத்தி இவ்வளவு தெரிஞ்சு வெச்சிருக்கீங்க. அப்போ தங்கபாலு பத்தியும் உங்களுக்குத் தெரிஞ்சிருக்குமே?''

. ''ஓ... நல்லாத் தெரியும். குட் ஃபிலிம் டைரக்டர். ஏன் அவருக்கு என்ன ஆச்சு?''

. ''தங்கபாலு டைரக்டரா... என்ன சொல்றீங்க... உங்ககிட்ட எதுவும் படம் எடுக்கிறேன்னு பேசியிருக்காரா?''

. ''ஆ... ஸாரி... ஸாரி.. நான் சொன்னது தங்கர் பச்சான். இது எனக்குத் தெரியாது. ஹூ இஸ் தங்கபாலு?''

. ''விடுங்க... ஹி இஸ் எ நைஸ் பெர்சன். தமிழ்நாடு சப்ஆர்டினேட் டு ராகுல் காந்தி. புத்தகம்லாம் வாசிப்பீங்களா? உங்க மச்சான்ஸுக்கு ஏதாவது செய்தி சொல்லாம பேட்டி முடிக்க முடியாதே?''

. ''நிறைய புக்ஸ் வாசிப்பேன். இப்பக்கூட டாம் கிளான்ஸியோட 'டெட் ஆர் அலைவ்’ படிச்சுட்டு இருக்கேன். மச்சான்ஸுக்கு என்ன மெசேஜ்... ம்... கொஞ்சம் கூடத் தீர்மானிக்கவே முடியாதது வாழ்க்கை. ஸோ... என்ஜாய் இட் எவ்ரி டே!''

அரசியல் எண்ட்ரி... நமீதா ரெடி!

Vikatan Correspondent