Published:Updated:

இந்தப் படத்தைப் பார்க்காமல் இருக்க முடியுமா?

ஆ.அலெக்ஸ் பாண்டியன்

இந்தப் படத்தைப் பார்க்காமல் இருக்க முடியுமா?

ஆ.அலெக்ஸ் பாண்டியன்

Published:Updated:
##~##

 ந்திய சினிமாவின் '100 கோடி வசூல்’ பட்டியலில் இருக்கும் ஹீரோ, வில்லனாக நடித்திருக்கும் படத்தில் ஹீரோ யார் என்பதில் வம்பு கிளம்பும், அமீர்கான், அபிஷேக் பச்சன், காத்ரீனா கைஃப் என 'மில்லியன் டாலர் ஸ்டார்’கள் நடித்திருக்கும், ரிலீஸுக்கு முன்னரே 'படம் ஹிட்’ என்று மீடியா எதிர்பார்ப்பு ஏற்றும்... 'தூம்-3’ இந்திப் படத்தின் தியேட்டர் வசூல் இலக்கு மட்டும் 1,000 கோடி ரூபாய்!

''11 கோடி செலவில் உருவான தூம் முதல் பாகத்தின் வசூல் 72 கோடி. 35 கோடிகளை விழுங்கிய இரண்டாம் பாகத்தின் வசூல் 150 கோடி. ஆக, 150 கோடிகளைக் கொட்டி தயாரித்த மூன்றாம் பாகம் 1,000 கோடிகளைக்கூட குவிக்காவிட்டால் எப்படி?'' என்று கேட்கிறார் படத்தின் தயாரிப்பாளர் ஆதித்யா சோப்ரா.

ஒட்டுமொத்த விகடனுக்கும் ஒரே ஷார்ட்கட்!

அவர் கணக்கு ஒன்றும் மனக்கணக்கு அல்ல! படம் வெளியாவதற்கு முன்னரே அதன் சாட்டிலைட் உரிமை 75 கோடிகளுக்கு விற்கப்பட்டுவிட்டது. தூம்-3 அமீர்கான், காத்ரீனா கைஃப் மாடல் பொம்மைகளின் ஆரம்ப விலை 1,700 ரூபாயாக விற்கப்பட்டாலும், விற்பனை பின்னியெடுக்கிறது. அமீர் 'கர்ச்சீப்’, 'தூம்-3 தொப்பி’ என சில்லறை வியாபாரமும் செம கல்லா. படத்தின் விளம்பரத் தூதுவர்களாக இந்தியா முழுக்க 183 வணிக நிறுவனங்கள் ஒப்பந்தம் செய்யப்பட்டுள்ளன!

இந்தப் படத்தைப் பார்க்காமல் இருக்க முடியுமா?

இந்தப் படத்துக்கு ஏன் இத்தனை எதிர்பார்ப்பு? முதல் இரண்டு பாகங்களின் அதிக வலுவில்லாத திரைக்கதை, விமர்சனங்களைக் குவித்தன. ஆனால், மூன்றாம் பாகத்தில் அமீர்கான் இருப்பதால், விறுவிறு திரைக்கதைக்கென தூம் டீம் மிகவும் மெனக்கெட்டு உழைத்ததாம். அமீரும் பாலே நடனம், ஏரோபாடிக்ஸ் பயிற்சி, சுவருக்கு சுவர் தாவும் 'பார்க்கர்’ ஃப்ரெஞ்சுக் கலை எனக் கடின ஹோம்வொர்க் செய்திருக்கிறார். அதனால், ஃபுல் மீல்ஸ் விருந்து எதிர்பார்ப்பு உண்டாகிவிட்டது!

டீஸர், டிரைலர்கள் ஹிட்ஸ்களை அள்ள, 'ஏ’ கிளாஸ் டீஸர் நடனம் மூலம் சகட்டுமேனி கவன ஈர்ப்பை அள்ளிவிட்டது காத்ரீனா கைஃபின் வளைவு நெளிவுகள்!

இந்தப் படத்தைப் பார்க்காமல் இருக்க முடியுமா?

இந்த பப்ளிசிட்டி புரமோஷன்களில் படத்தின் 'ஹீரோ’வான(?) அபிஷேக் பச்சன் கண்டுகொள்ளப்படாமலே போக, பொங்கிவிட்டார் மனிதர். ''ஹலோ... இதற்கு முன் வெளியான 'தூம்’ படத்தின் இரண்டு பாகங்களுக்கும் நான்தான் ஹீரோ. அதே போல இந்தப் படத்திலும் நான்தான் ஹீரோ. என்னுடைய கேரக்டரை எடுத்துவிட்டால், முதல் பாகமே ஃபிளாப் ஆகியிருக்கும்!'' என்று ஆவேச வாய்ஸ் விட்டிருக்கிறார் அபிஷேக். 'அட, இதுவும் பப்ளிசிட்டி ஸ்டன்ட்ல ஒரு ட்ரிக்’ என்று அதைப் பற்றியும் விவாதிக்கத் தொடங்கிவிட்டார்கள்.

இந்தி இல்லாமல், தமிழ், தெலுங்கு, அரபி மொழிகளிலும்கூட டப் செய்யப்பட்டிருக்கும் 'தூம்-3’ படத்தை, 'இதுக்கா இவ்வளவு பில்டப்?’ என்று நீங்கள் திட்டவேண்டுமானாலும், படத்தை தியேட்டரில் பார்க்க வேண்டும். அதுதான் அவர்களின் திட்டமும்கூட!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism