Published:Updated:

பிஜேபி கணவர் ஆர்த்தியிடம் மறைத்த ரகசியம்...

பிஜேபி கணவர் ஆர்த்தியிடம் மறைத்த ரகசியம்
பிரீமியம் ஸ்டோரி
News
பிஜேபி கணவர் ஆர்த்தியிடம் மறைத்த ரகசியம்

அஞ்சுல ரெண்டுக்காச்சும் பதில் சொல்லிற மாட்டேனா... பார்க்கலாம்” என்றபடி ரெடியானார் வி.ஜே. மகேஸ்வரி.

“அரசியல்வாதிகளைப் பத்திக் கேட்பீங்க, நான் ஏதாச்சும் எடக்குமடக்காச் சொல்லிடாம இருக்கணும்...’’ என்று தொடங்கினார் எழுத்தாளர் இமயம்.

“சம்பந்தமில்லாத கேள்விகளால்ல கேட்பீங்க..’ சரி பரவால்ல, பேசலாம்” எனத் தயாரானார் நாஞ்சில் சம்பத்.

“அஞ்சுல ரெண்டுக்காச்சும் பதில் சொல்லிற மாட்டேனா... பார்க்கலாம்” என்றபடி ரெடியானார் வி.ஜே. மகேஸ்வரி.

“வச்சு செய்யணும்னு நினைச்சு வர்றீங்க, ஆனா நான் சுலபமாச் சிக்க மாட்டேன்’’ என்றபடி களமிறங்கினார் ஆர்த்தி கணேஷ்கர்.

பிஜேபி கணவர் ஆர்த்தியிடம் மறைத்த ரகசியம்...

“மத்திய அரசின் வேளாண்மை மசோதாவைக் கண்டித்து ராஜினாமா செய்த மத்திய அமைச்சர் யார்?”

சரியான பதில்: ஹர்சிம்ரத் கவுர் பாதல்

இமயம்: “முழுப்பேரு தெரியல. கவுர்னு வரும். பஞ்சாப்க்காரங்க. பெண் அமைச்சர்.”

நாஞ்சில் சம்பத்: “பஞ்சாப் மாநிலத்தைச் சேர்ந்தவங்க. அகாலிதளம் கட்சின்னு நினைக்கிறேன். ‘வேளாண் மசோதா விவசாயிகளுக்கெதிரானதா இருக்கு’ன்னு சொன்னாங்க. அவங்கதானே? ஹர்சிம்ரத் கவுர்.

மகேஸ்வரி: “ஒண்ணும் தெரியாத விஜே’ன்னு ஊருக்குக் காட்டிக்கொடுக்கணும்னு முடிவு பண்ணீட்டிங்க, நடத்திட்டுப் போங்க.”

ஆர்த்தி கணேஷ்கர்: “என்னாது மத்திய அமைச்சரே ராஜினாமா செஞ்சிருக்காங்களா? பாஜகவுல இருக்கிற என் வூட்டுக்கார் இதுபத்திச் சொல்லவே இல்லயே. இந்த மாதிரி விஷயம்னா கமுக்கமா மறைச்சிடுவார். வரட்டும், இன்னைக்கு வச்சுக்கறேன்.”

பிஜேபி கணவர் ஆர்த்தியிடம் மறைத்த ரகசியம்...

“2019 சாகித்ய அகாடமி விருது பெற்ற தமிழ் எழுத்தாளர் யார்? எந்த நாவலுக்காக விருது பெற்றார்?”

சரியான பதில்: சோ.தர்மன், நாவல் - சூல்

இமயம்: “சோ.தர்மனுக்குக் கிடைச்சது. பேரு பட்டுனு வாயில வரமாட்டேங்குது. திராவிட மூவ்மெண்டுக்கு எதிரான நாவல். பி.ஜே.பி.க்கு ஆதரவான நாவல். அதுக்குத்தான் கொடுத்தாங்கன்னு வேணா சொல்வேன்.”

நாஞ்சில் சம்பத்: “ராமகிருஷ்ணனுக்கு ‘சஞ்சாரம்’ நூலுக்குக் கிடைச்சது.”

மகேஸ்வரி: “எழுத்தாளர், புத்தகம்லாம் எனக்கு ரொம்ப தூரம்.”

ஆர்த்தி கணேஷ்கர்: “டெல்லியில தர்ற விருதுன்னு தெரியும். யாருக்கு எந்த நாவலுக்குக் கிடைச்சதுன்னு தெரியலை.”

பிஜேபி கணவர் ஆர்த்தியிடம் மறைத்த ரகசியம்...

“நடிகர் கார்த்திக் நடத்தி வரும் அரசியல் கட்சியின் பெயர் என்ன?”

சரியான பதில்: மனித உரிமை காக்கும் கட்சி.

இமயம்: “மூணு கட்சி வச்சிருந்தாரே, எந்தக் கட்சிப் பேரைக் கேக்கறீங்கன்னு தெரியலையே.”

நாஞ்சில் சம்பத்: “மக்கள் முன்னேற்றக் கழகம்.”

மகேஸ்வரி: “கார்த்திக் சார் பொலிட்டிகல் பார்ட்டி நடத்திட்டு வர்றார்னு தெரியும். பார்ட்டி பேரு தெரியலை. ஆப்ஷன் தந்தீங்கன்னா கரெக்டா சொல்லிடுவேன்னு நினைக்கிறேன்.”

ஆர்த்தி கணேஷ்கர்: “நாடாளும் மக்கள் கட்சின்னு வச்சிருந்தார்.”

பிஜேபி கணவர் ஆர்த்தியிடம் மறைத்த ரகசியம்...

“இதுவரை ஐ.பி.எல் கோப்பை வெல்லாத மூன்று அணிகள் எவை?”

சரியான பதில்: டெல்லி, பெங்களூரு, பஞ்சாப்

இமயம்: “பஞ்சாப் வாங்கல. டெல்லி, பெங்களூரு அணிகளும்கூட வாங்கினதா தெரியலை.”

நாஞ்சில் சம்பத்: “தம்பி, நான் கிரிக்கெட்டே பார்க்கறதில்ல.”

மகேஸ்வரி: “ஜெயிச்ச அணிகளோட பேருதான் நினைவுல இருக்கு. கப் வாங்காத அணிகளோட பேரை எதுக்குங்க கேக்கறீங்க?”

ஆர்த்தி கணேஷ்கர்: “பஞ்சாப், டெல்லி, பெங்களூரு அணிகள் கப் வாங்கலை.”

“ரஜினி சினிமாவுக்கு வந்து எத்தனை ஆண்டுகள் ஆகின்றன?”

சரியான பதில்: 45 ஆண்டுகள்

இமயம்: “நாற்பது வருஷத்துக்கு மேல ஆகியிருக்கும்.”

நாஞ்சில் சம்பத்: “40 ஆண்டுகள் இருக்குமா?”

மகேஸ்வரி: “50 வருஷம் ஆகுது. சரியா?”

ஆர்த்தி கணேஷ்கர்: “தலைவர்கூட இருக்கிற போட்டோதான் டிபியிலேயே இருக்கு. இது தெரியாம இருப்பேனா? 45 வருஷம்.”