ஐடியா அய்யனாரு!

‘ச ரி, இன்னிக்கு அவரோட கன்டென்ட் வேர்ல்ட் கப் போல’ என சாமானியனும் கடந்துசென்றுவிட்டான். ஆனால், நிஜமாகவே நம் அரசியல்வாதிகள் இந்திய அணியில் இந்த உலகக்கோப்பைத் தொடருக்காக ஆடியிருந்தால் எப்படி இருந்திருக்கும்?

செந்தில் பாலாஜி: எதிர்முகாமிலிருந்து ஒரு மீன் தப்பிக்கப் பார்த்தாலும் அதை லபக்கெனப் பிடித்துத் தன் பக்கம் இழுத்து வந்துவிடுகிறார் செந்தில் பாலாஜி. இப்படிப்பட்ட திறமையான ஃபீல்டர் இந்திய அணியில் இருந்தால் இவரைத் தாண்டி பந்து போகவே போகாதே! எனவே, இந்திய அணியில் தரமிக்க இந்த ஃபீல்டரை விளையாடச் செய்திருக்கலாம்.

. எடப்பாடி பழனிசாமி: எதிரணியில் எவ்வளவு கேம் பிளான்கள் போட்டாலும், மதியம் புல் மீல்ஸ் சாப்பிட்டுவிட்டு கண்ணசரும் தோரணையில் இருந்தபடியே எல்லாவற்றையும் மெயின்டெயின் செய்கிறார். இப்படி ஒருத்தர் இந்திய அணியில் இருந்தால், நியூசிலாந்து என்ன... பண்டோரா கிரகத்து அணியைக்கூட பந்தாடிவிடலாம்.

. ஹெச்.ராஜா: ஆஸ்திரேலியக் காரர்களுக்கு மட்டுமே வாய்வந்த கலையான ஸ்லெட்ஜிங்கை இந்திய அணியில் ரிசப் பன்ட் மட்டுமே போராடி செய்கிறார். ஸ்லெட்ஜிங்னா என்ன? வாய்ச்சவடால் பேசியே மற்றவர்களை டென்ஷனாக்குவது. அதைச் செய்ய அகண்ட பாரதத்திலேயும் அண்ணனை விட சிறந்த ஆள் கிடையாதே! ஸோ, அணியில் எடுக்கலாம்.

. சுதீஷ்: பதற்றமான சமயங்களில் இரு அணி வீரர்களுக்குள்ளும் வாக்குவாதம் முற்றும். சில சமயம் கைகலப்பும் நடப்பதுண்டு. இதை டீல் செய்ய இரண்டு அணியிலும் சிறப்பான முறையில் டீலிங்... ஸாரி சமாதானம் பேச ஒரு பொறுமையான பிளேயர் அவசியம். அந்த வேலையைச் செய்ய தகுதியான ஒரே ஆள், தே.மு.தி.க-வின் தூண் சுதீஷ் அண்ணன்தான்.

ஓ.பி.ரவீந்திரநாத்: கவாஸ்கர் பல சாதனைகளைச் செய்த ஒரே காரணத்துக்காக அவரின் மகன் ரோஹன் கவாஸ்கரை அணியில் எடுத்தார்கள். 83 உலகக்கோப்பையில் அதிக விக்கெட்கள் எடுத்தார் ரோஜர் பின்னி என்பதற்காக அவரின் மகன் ஸ்டூவர்ட் பின்னியை கடந்த உலகக் கோப்பையில் ஆடவைத்தார்கள். இப்படி அப்பாவுக்காக அணியில் இடம்பெறுபவர்கள் வரிசையில் ஓ.பி.ஆரையும் சேர்த்துக்கொள்ளலாம்!