"மன்னா என் பாட்டில் சொற்குற்றமா, பொருட்குற்றமா?"

"நீங்க பாடணும்-னு நெனச்சதே குற்றம்தான்!"

- ப்ரணா

``மன்னர் அரண்மனை வைத்தியருக்கு சம்பளம் போக தனியா வேற கவனிக்கிறாரே ஏன்?’’

``போர் வரும்போதெல்லாம் மன்னருக்கு குடல்புண், வயிற்று வலி, காய்ச்சல்னு பொய் மெடிக்கல் சர்ட்டிபிகேட் கொடுத்து மன்னரை போருக்குச் செல்லாமல் காப்பாத்துறாரே!’’

- எஸ்.முகம்மது யூசுப்

"சிசிடிவி கேமராவை வீட்டு மொட்டை மாடியில வெச்சிருக்கீங்களே எதுக்கு..?"

"அங்கேதானே சின்டெக்ஸ் டேங்க் இருக்கு..!’’

- வேம்பார் மு.க.இப்ராஹிம்

"உங்க மனைவி அத்தனை பாத்திரத்தையும் உங்க மேல விட்டெறிஞ்சப்போ நீங்க ஏன் சமையல் அறையை விட்டு ஓடல...?"

"இது பவர் பிளே... இந்த எல்லைக்கு உள்ளே தான் நிக்கணும்னு கண்டிஷன் போட்டுட்டா."

- அதிரை யூசுப்