பல வகை போட்டோ ஃப்ரேம்!

ஹாய் சுட்டீஸ்...

உங்களை அப்பாவும் அம்மாவும் விதவிதமாக போட்டோ எடுத்திருப்பாங்களே. அவற்றை வைக்க அழகான போட்டோ ஃப்ரேம் செய்யலாமா? சொல்லித் தருகிறார், ‘சாய் கிரியேஷன்' உரிமையாளர், ஷோபனா.

தேவையானவை:

கார்டு போர்டு - 1, பர் கிளாத் - 1 ஷீட்

பொம்மையில் வைக்கும் கண் - 2, ஃபெவிக்கால்

கத்தரிக்கோல், பென்சில், போட்டோ

செய்முறை:

ஸ்டெப் 1: கார்டு போர்டில் தவளையின் உருவத்தை பென்சிலால் வரைந்துகொள்ளவும்.

ஸ்டெப் 2: வரைந்த உருவத்தை கத்தரிக்கோல் பயன்படுத்தி தனியே வெட்டி எடுக்கவும்.

ஸ்டெப் 3: வெட்டி எடுத்த தவளையின் உருவத்தை பர் கிளாத் மீது வைத்து, அதே அளவுக்குத் தவளையின் உருவத்தை வரையவும்.

ஸ்டெப் 4: பர் கிளாத்தில் வரைந்த உருவத்தை தனியே வெட்டி எடுக்கவும்.

ஸ்டெப் 5: போட்டோ ஃப்ரேமுக்கான  பேஸ் தயார்.

ஸ்டெப் 6: கார்டு போர்டில் ஃபெவிக்கால் தடவி, அதன் மீது பர் கிளாத்தை படத்தில் காட்டியபடி ஒட்டவும்.

ஸ்டெப் 7: கார்டு போர்டினை செவ்வகமாகக் கத்தரித்து, போட்டோ ஃப்ரேமின் பின்புறம் ஸ்டாண்டு போன்று ஒட்டவும்.

ஸ்டெப் 8: பர் கிளாத்தின் மீது பொம்மையின் கண்களை படத்தில் காட்டியபடி ஒட்டவும்.

ஸ்டெப் 9: பர் கிளாத்தின் மீது படத்தில் காட்டியபடி புகைப்படத்தை ஒட்டவும்.

ஸ்டெப் 10: அழகிய போட்டோ ஃப்ரேம் ரெடி.

பூ, சூரியன், மினியான் என நீங்கள் விரும்பும் டிசைன்களில் போட்டோ ஃப்ரேம் செய்து, உங்கள் நண்பர்களுக்குப் பரிசளியுங்கள்!

-சு.சூர்யா கோமதி

படங்கள்: வீ.நாகமணி