பிட்ஸ் பிரேக்

‘இன்று நேற்று நாளை’  ரவிக்குமார் இயக்கத்தில் சிவகார்த்திகேயன் நடிக்கும் படத்தின் நாயகி ரகுல்ப்ரீத்சிங் என்பது உறுதியாகிவிட்டது. ஏ.ஆர்.ரஹ்மான் இசையமைக்கும் இந்தப் படத்திற்கு ஒளிப்பதிவு செய்யவிருப்பவர் நிரவ் ஷா! மே முதல் `ஆக்‌ஷன்... கட்’ ஆரம்பம்!

பேய்க்கதைகளின் ரசிகன் கார்த்தி. யார் சொன்னாலும் உட்கார்ந்து மணிக்கணக்கில் கேட்பவர். தானும் சொல்வதில் வல்லவர். ‘காஷ்மோரா’ போலவே இன்னும் ஒரு பேய்க்கதையில் நடிக்க கார்த்தி தயார். இளம் இயக்குநர்களே, நோட் பண்ணிக்குங்கப்பா!

`எனை நோக்கி பாயும் தோட்டா’ நாயகி மேகா ஆகாஷின் அம்மா மலையாளி, அப்பா தெலுங்கர். அதனாலேயே மேகா தமிழில் ரொம்ப வீக். ஆனால் ஆங்கிலத்தில் பட்டையைக் கிளப்புவார். ஆங்கில இலக்கியம் என்றால் ராப்பகலாகத் தூக்கமின்றி வாசிப்பார். ஆங்கிலத்தில் நிறைய கவிதைகள், கதைகள் எழுதுகிற எழுத்தாளரும்கூட!  தினமும் ரெண்டு மணிநேரமாவது ஜிம்மில் உடற்பயிற்சி செய்வதும் மேகாவுக்கு வல்லிய இஷ்டம். இதுபோக சென்னையின் சந்துபொந்தெல்லாம் நண்பர்களோடு ஊர்சுற்றுவதுதான் மேகாவின் முக்கியமான பொழுதுபோக்கு!

ஸ்குவாஷ் என்றால் ஹன்சிகாவுக்கு ரொம்பவே பிடிக்கும். எந்த அளவுக்கு என்றால், பிரத்யேகப் பயிற்சியாளர் வைத்துக்கொண்டு தீவிரமாகக் கற்றுக்கொள்கிற அளவுக்கு! ஸ்குவாஷ் மட்டுமல்ல தினமும் யோகா செய்வதையும் வழக்கமாக வைத்திருக்கிறார் ஹன்ஸ். அவருக்கு பிடித்த இன்னொரு பொழுதுபோக்கு ஓவியம். வரைய உட்கார்ந்துவிட்டால் ஓவியத்தை முடிக்காமல் தூரிகையை கீழே வைக்கமாட்டாரம்!