பிட்ஸ் பிரேக்

ஃபிட்னெஸ்மீது அதீத ஆர்வம் கொண்ட ரகுல் ப்ரீத் சிங் ஒருநாளைக்கு 3 மணிநேரம் ஜிம்மில் ஒர்க்-அவுட் செய்கிறார். தேசிய அளவிலான கோல்ஃப் போட்டிகளில் பதக்கங்கள் வாங்கியுள்ள ரகுலுக்கு, சாய்னா நேவால் விளையாடும் பேட்மின்டன் போட்டிகளை நேரில் சென்று பார்க்கவேண்டும் என்று ஆசை. ஆனால், ஷூட்டிங்கில் பிஸியாக இருப்பதனால், ஆசை நிறைவேறாமல் தள்ளிக்கொண்டே போகிறதாம்.

சாய்பாபாவின் தீவிர பக்தையான நிவேதா பெத்துராஜ், ஷூட்டிங் நாள்களில்கூடக் கோயிலுக்குப் போவதை வழக்கமாக வைத்திருக்கிறார். உலகின் பல்வேறு இடங்களுக்குச் செல்லும்போது, அவற்றின் நினைவாக ஃபிளைட் டிக்கெட்களைச் சேகரிக்கிறார். கூடிய விரைவில் சொந்தமாக ஸ்கிரிப்ட் எழுதிப் படம் இயக்க வேண்டும் என்பது இவரது எதிர்காலத் திட்டம். அதனால் ஓய்வு கிடைக்கும்போது நிறைய புத்தகங்களைப் படிப்பதையும் தகவல்கள் சேகரிப்பதையும் பொழுதுபோக்காக வைத்திருக்கிறார்.