பிட்ஸ் பிரேக்

இந்த வார வரவான ‘நா பேரு சூர்யா... நா இல்லு இந்தியா’ படத்தில் அல்லு அர்ஜூனின்  ‘ஷூ ஸ்டெப்’ டான்ஸுக்கு  சில்லறையைச் சிதறவிட்டுக்கொண்டிருக்கிறார்கள் ஆந்திராவாலாக்கள். தமிழிலும் தனக்கான மார்க்கெட்டை உருவாக்குவதில் தீவிரமாக இருக்கிறார் அல்லு. தமிழில் தன் முதல் படத்தை இயக்க, அல்லுவின் விஷ் லிஸ்டில் முதலாமிடத்தில் இருப்பவர் அட்லி.

யோகா, புத்தக வாசிப்பு என்று முழுக்க பாசிட்டிவ் மோடில் இருக்கிறார் அமலா பால். அவரது ‘அதோ அந்தப் பறவை போல’ படம் முழுக்க முழுக்க காட்டிலேயே படமாக்கப்படுகிறது. “இயற்கையோடு இணைந்திருத்தல் எப்பவுமே பெஸ்ட்” என்கிறார் அமலா பால்!

அனுராக் காஷ்யப் மூலம் பாலிவுட்டில் அறிமுகப்படுத்தப்பட்டவர் ஹூமா குரேஷி. ‘பில்லா-2’-விலேயே தமிழில் அறிமுகமாகியிருக்க வேண்டியவர். படப்பிடிப்பு தாமதமானதால் அதிலிருந்து விலகிவிட்டார். “அதுவும் நல்லதுக்குத்தான். இப்ப ‘காலா’ மூலம் கிராண்ட் என்ட்ரி!” என்கிறார் ஹூமா.