பிட்ஸ் பிரேக்

கால்பந்து உலகக் கோப்பைக்கு பிரேசில் ரெடி. இந்த முறை கோப்பை பிரேசிலுக்குதான் என எல்லோருமே எதிர்பார்க்கிறார்கள். ஆனால் அந்த அணியின் நட்சத்திர ஆட்டக்காரர் நெய்மார்தான் இன்னும் தயாராகவில்லை. சமீபத்தில் கால் எலும்பில் உண்டான காயத்தால் தொடர்ந்து அவதிப்பட்டு வந்தார் நெய்மார். இதனால் உலகக் கோப்பை போட்டிகளில் அவர் ஆடுவாரா மாட்டாரா என்கிற சஸ்பென்ஸ் நீடிக்கிறது. ‘‘அவர் தயார், காயம் குணமாகிவிட்டது, களத்தில் கலக்குவார்’’ என சகவீரர் பெர்னான்டினோ கூறியிருக்கிறார்.  வா தல!

`செம’ ஹீரோயின் அர்த்தனா பிளஸ் டூ படித்துக் கொண்டிருக்கும்போதே நடிக்க வந்துவிட்டார்.

இதனால் கல்லூரிப் படிப்பைத் தொடர முடியவில்லை. இந்த ஆண்டுதான் படிப்பதற்காகப் பல கல்லூரிகளில் விண்ணப்பித்துள்ளார். இப்போதைக்கு ‘நோ சீரியஸ் ரிலேஷன்ஷிப்’ என்ற கொள்கையைக் கடைப்பிடிக்கிறார்.

‘காதலின் வலி மிகக் கொடூரமானது. காதல் என்றாலே அது தோல்வியில்தான் முடியும்’ என்கிறாராம்.

சென்னையில் பிறந்து, பெங்களூரில் வளர்ந்த தமிழச்சி `காளி’ ஹீரோயின் அம்ரிதா. சினிமாவுக்கு முன் மாடலிங்கில் இருந்தவர். சிம்ரன், திரிஷா இருவரும்தான் ரோல்மாடல்கள். `காளி’க்குப் பிறகு அடுத்து `பேய்ப்பசி’யிலும், தெலுங்கில் ஒரு படத்திலும் நடிக்கிறார் அம்ரிதா. புத்தகங்கள் வாசிப்பது ரொம்ப பிடிக்குமாம். இதற்காக வீட்டிலேயே மினிலைப்ரரியே வைத்திருக்கிறாராம்!