லாரா மோதிரம்... பூபதியே காரணம்!

31 ஆண்டுகள் இடைவெளிக்குப் பின்னர் மீண்டும் சென்னையில்... டேவிஸ் கப்!

டென்னிஸில் லியாண்டர் பயஸின் 20-வது வருடம், மகேஷ் பூபதி - லாரா தத்தாவின் நிச்சயதார்த்தம், அதிரடியாக இந்திய அணி உலகச் சுற்றுக்குத் தகுதி என இம்முறை சென்னை டேவிஸ் கப் ரொம்பவே கலர்ஃபுல், பவர்ஃபுல்!

முதல்வர் கருணாநிதிதான், துவக்க விழாவின் சிறப்பு விருந்தினர். 'இது தெற்காசிய விளையாட்டுப் போட்டியின்போது, கட்டப்பட்ட ஸ்டேடியம். புதுப்பித் துத் தாருங்கள்!' என்ற தமிழக டென்னிஸ் சங்க கோரிக்கைக்கு முதல்வரிடம் இருந்து நோ ரெஸ்பான்ஸ். 'மர சேர்கள், களிமண் தரையில் டென்னிஸ் ஆடிக்கொண்டு இருந்த காலத்தில் இருந்து நாம் மிகவும் முன்னேறி வந்திருக்கிறோம்!' என்று ஆங்கிலத்தில் எழுதி எடுத்து வந்திருந்த செய்தியைப் படித்தார் முதல்வர்!

போட்டிகள் துவங்கும் ஐந்து நாட்களுக்கு முன்பே லியாண்டர் பயஸ், மகேஷ் பூபதி, சோம்தேவ் தேவ்வர்மன், ரோஹன் போபண்ணா ஆகியோர் சென்னை வந்து விட்டார்கள். காலை, மாலை பயிற்சிகளுக்குப் பின், ஜாலியாக சென்னையைச் சுற்றிப் பார்த்தார்கள். சோம்தேவும் போபண்ணாவும் சென்னை எக்ஸ்பிரஸ் அவென்யூவில் 'டபாங்க்' படம் பார்த்தார்கள்!

லியாண்டர் பயஸ் - மகேஷ் பூபதி ஜோடி, ஜூனியர் பிளேயர்களான விஷ்ணுவர்தன் - வி.எம். ரஞ்சித் ஜோடியுடன் பயிற்சி ஆட்டத்தில் விளை யாடினார்கள். அதில் ஜூனியர்கள் நேர் செட்டில் தோற்க, ஆரம்பமானது சீனியர்களின் 'ராகிங்'. ஜூனியர்கள் இருவரையும் குனிந்து நிற்கவைத்த லியாண்டரும் மகேஷ§ம் அவர்களின் பின்புறத்தில் பந்தை அடித்து ஜாலி தண்டனை கொடுத்தார்கள்!

முதல் நாள் போட்டிகளில் சோம்தேவ், போபண்ணா ஆகிய இருவரும் பிரேசில் பிளேயர்களிடம் தோல்வியடைந்தனர். ஆனால், இரண்டா வது நாள் நடைபெற்ற இரட்டையர் பிரிவு போட்டி யில் பயஸ் - பூபதி இணை நேர் செட்டுகளில் பிரேசிலின் தாமஸ் பெலுச்சி, ரிகார்டோ மெலோ ஜோடியைத் தோற்கடித்தது. அந்த வெற்றி இந்திய அணிக்குள் புது ரத்தம் பாய்ச்ச, அடுத்த நாள் நடைபெற்ற இரண்டு ஆட்டங்களிலும் சோம்தேவ், போபண்ணா இருவருமே ஆக்ரோஷ மாக விளையாடி வென்றனர். இதனால், இந்தியா 3-2 என்கிற கணக்கில் வெற்றிபெற்று அடுத்த சுற்றுக்குத் தகுதி பெற்றது!

இரண்டாவது ஆட்டத்தில் வெற்றிபெற்றதும் சென்னை வெயி லுக்கு நன்றி சொன்னார் சோம்தேவ். இவரை எதிர்த்து ஆடிய தாமஸ் பெலுச்சி வெயிலில் விளையாட முடியாமல் ஆட்டத்தின் பாதியி லேயே விலகிக்கொண்டார் என்பது தான் நன்றிக்குக் காரணம்!

ஐந்தாவது ஆட்டத்தில் போபண்ணா முன்னணியில் வர, விசில் அடித்து உற்சாகப்படுத் தினார் சோம்தேவ். போபண்ணா வென்றதும், அவரைத் தோளில் தூக்கிவைத்துக்கொண்டு வலம் வந்தார் லியாண்டர் பயஸ்!

ஈகோ பிரச்னையால் பிரிந்து இருந்த பயஸும், மகேஷ் பூபதியும் எப்படிச் சேர்ந்தார்கள் என்று தெரியவில்லை. போட்டியில் வெற்றிபெற்றதும், கைகோத்து நின்றார்கள். கட்டிக்கொண்டார்கள். ஸ்வீட் சர்ப்ரைஸ்!

டேவிஸ் கோப்பையில் விளையாடி இந்த ஆண்டுடன் 20 ஆண்டுகளை நிறைவு செய்கிறார் லியாண்டர் பயஸ். அதற்கான பாராட்டு விழாவுக்கு மனைவி ரியா பிள்ளை, மகள் அயன்னா, அப்பா, அம்மா என ஒட்டுமொத்தக் குடும்பத்துடன் வந்திருந்தார் லியாண்டர். 'சச்சின் டெண்டுல்கர், விஸ்வநாதன் ஆனந்த், லியாண்டர் பயஸ் -

மூவரும்தான் இந்திய வரலாற்றிலேயே மிகச் சிறந்த விளையாட்டு வீரர்கள்!' என முன்னாள் டென்னிஸ் வீரர் ரமேஷ் கிருஷ்ணன் பாராட்ட, லியாண்டர் கண்களில் ஆனந்தக் கண்ணீர்!

விழாவில் ஜோடியாகக் கலந்துகொண்டு ஆச்சர்யப்படவைத்தார்கள் மகேஷ் பூபதி - லாரா தத்தா. பெரிய வைரக் கல் பதித்த வைர மோதிரத்தை அணிந்து விழாவுக்கு வந்திருந்தார் லாரா தத்தா. 'மோதிரம் புதிதாக இருக்கிறதே' என்று நிருபர்கள் கேட்க, சிரித்துக்கொண்டே இடத்தைக் காலி செய்தார் லாரா. ஆனால், அடுத்த நாள் 'எனக்கும் லாராவுக்கும் நியூயார்க்கில் நிச்சயதார்த்தம் முடிந்துவிட்டது!' என ட்வீட் செய்து, தங்கள் திருமணச் செய்தியை உலகுக்கு அறிவித்தார் மகேஷ் பூபதி. லாரா தத்தா அணிந்திருந்த வைர மோதிரம் மகேஷ் பூபதியே டிஸைன் செய்ததாம்!