பயபுள்ளைக கவனத்துக்கு!

"ஸ்கூல் படிக்கிறப்பவே டி.வி-யில் முகம் காட்ட ஆரம்பிச்சுட்டேன். அப்பவே

பசங்கள்லாம் பந்தா பார்ட்டின்னு கலாய்ப்பாங்க. இதோ காலேஜும் சேர்ந்துட்டேன். ஷூட்டிங், செமஸ்டர், கல்ச்சுரல்னு மாத்தி மாத்தி நான் பரபரப்பா ஓடிட்டே இருக்குறதைப் பார்த்த சில லெக்சரர்ஸ், 'திமிர் பிடிச்ச பொண்ணு'னு என்னை நினைச்சுட்டாங்கபோல. நாம யாரு... விடுவோமா? எக்ஸாமுக்கு பக்காவ படிச்சு மார்க் வாங்கி 'நல்ல பிள்ளை' லிஸ்ட்ல சேர்ந்துட்டோம்ல.

இப்போலாம் 'சீரியல்ல நீ கட்டிட்டு வர்ற புடவை ரொம்ப அழகு... எங்கே கிடைக்கும்'னு விசாரிக்குற அளவுக்கு எல்லா லெக்சரர்ஸையும் 'நண்பேன்டா' ஆக்கிட்டோம்ல!" பட்டாம்பூச்சி கண்களால் படபடக்கிறார் ஐஸ்வர்யா. சீரியல் நடிப்பு, காம்பியரிங் சிரிப்பு, பரதநாட்டிய துடிப்பு, துறுதுறு படிப்பு... மீட் மிஸ் ஐஸ்வர்யா, விஸ்காம் செகண்ட் இயர்.

"எப்படிக் கிடைச்சது இந்த சின்னத்திரை வாய்ப்பு?"

"அதுக்கு நான் என் அண்ணா சந்தோஷ§க்குத்தான் தேங்க்ஸ் சொல்லணும். ஆனா, இந்த உலகத்துல நான் வில்லனா நினைக்குற ஒரே ஆளும் அவன்தான். 'அண்ணா'ங்ற அதிகாரத்தை வெச்சிட்டு, என்னை வீட்டுல ஆட்டிப் படைப்பான். இன்ஜினீயரிங் முடிச்சிட்டு வீட்டுல சும்மா இருந்தவன், காம்பியரிங் பண்ண ஆசைப்பட்டு விஜய் டி.வி. நடத்திய 'டி.வி. ஸ்டார்ஸ்' போட்டியில் கலந்துக்கிட்டான். செமி ஃபைனல்ஸ் வரை தப்பிச்சு வந்துட் டான். நான் அப்ப ப்ளஸ் ஒன் படிச்சிட்டு இருந்தேன். 'சரி, செமி ஃபைனல்ஸ்ல அவனை உற்சாகப் படுத்தலாம்'னு நானும் ஸ்டுடியோ போயிருந்தேன். அங்கே நான் கலாய்க்குறேன்னு வாயாடுனதைப் பார்த்துட்டு, என்னை நேரடியாவே செமி ஃபைனல்ஸ்ல கலந்துக்க வெச்சாங்க. ஜாக்பாட் வாய்ப்பு. அப்பவே அண்ணா காதுல புகை. அதுல பெரிய கொடுமை என்னன்னா, முதல் ரவுண்ட்ல இருந்து சின்சியரா முயற்சி பண்ணி, கொஞ் சம் கொஞ்சமா செமி ஃபைனல்ஸ் வரை முன்னேறிய அவன் அவுட். நடுவில் வந்த நான் டைட்டில் வின்னர்! எனக்குப் பரதநாட்டியமும் தெரியுமா... ஜோடி நம்பர் ஒன்லயும் கலந்து கலக்கிட்டேன். ஆனா, இன்னும் கொலை வெறி அடங்காம திரிஞ்சுட்டு இருக்கான் அந்த பாசக்காரப் பயபுள்ள!"

"அப்புறம் என்ன... அடுத்து சினிமாதானே?"

"ஆமாங்க... எனக்கும் அந்த ஆசை இருந்துச்சு. ஆனா, 'பிச்சு பிச்சு'ன்னு மிரட்டிட்டார் அப்பா. அதனால அவருக்கு ஐஸ்வெச்சு 'மகாலட்சுமி'ன்னு ஒரே ஒரு சீரியல் மட்டும் நடிக்க அனுமதி வாங்கிட் டேன். ஜெயா டி.வி-யில் நல்லா போயிட்டு இருக்கு சீரியல். அதில் எனக்கு ரொம்ப அமைதியான கேரக்டர். அதனால வெளியில் என்னைப் பார்க்குற எல்லோரும், 'இவ்வளவு அம்மாஞ்சியா இருக்காதேம்மா... அப்புறம் உன்னை இப்படியேதான் கொடுமைப்படுத்திட்டே இருப்பாங்க'ன்னு அட்வைஸ் மழை பொழியிறாங்க. 'அறுந்த வாலு'ன்னு நான் ஏரியாவில் பட்டப் பேர் வாங்கிஇருக்குறது பாவம், அவங்களுக்குத் தெரியாது!"

"ஓ.கே. அறுந்த வாலு... உங்க ஆளு யாரு?"

"இப்ப வரைக்கும் அப்படி என் மனசுக்குப் பிடிச்சவரை நான் பார்க்கவே இல்லையே... ப்ச்... ஸோ ஸாட்!"

பயபுள்ளைக கவனத்துக்கு!