|
இந்திய விடுதலை வெற்றி - மௌலானா அபுல்கலாம் ஆஸாத்
வெளியீடு: அடையாளம், 1205/1, கருப்பூர் சாலை, புத்தாநத்தம், திருச்சி-10.
பக்கம்: 332 விலை: ரூ.230
மௌலானா அபுல்கலாம் ஆஸாத் எழுதிய 'India Wins Freedom' என்ற பிரசித்திபெற்ற புத்தகத்தின் தமிழாக்கம். விடுதலைப் போராட்ட வரலாற்றுடன், காங்கிரஸ் கட்சியில் நிலவிய பல்வேறு போக்குகள் குறித்தும், இரண்டாம் உலகப் போர் குறித்தும், தேசத் தலைவர்களுக்குள் நிலவிய கருத்துவேறுபாடுகளின் பின்னணி குறித்தும், நுட்பமாக விவரிக்கப்பட்டுள்ளன. இந்தியா கடந்து வந்த பாதை குறித்து அறிந்துகொள்ள ஓர் ஆவணம்!
என்ன தகவல் தேவை இந்தத் திருநாட்டில்?
new.rightact2005.blogspot.com
தகவல் அறியும் உரிமைச் சட்டம் குறித்த அடிப்படைத் தகவல்கள் அடங்கிய வலைப்பூ. தமிழகம், புதுவையில் அமைந்துள்ள தகவல் ஆணையத்தின் இணையங்களுக்கான சுட்டிகள் அளிக்கப்பட்டுள்ளன. போபால் குற்றவாளி ஆண்டர்சன் தப்பிய விவகாரத்தில், சி.பி.ஐ. தகவல் அறியும் உரிமைச் சட்டத்தின் கீழ் விவரங்கள் அளிக்க மறுப்பு தெரிவிப்பது, குஜராத்தில் தகவல் அறியும் உரிமைச் சட்டப் போராளி அமித் ஜித்வா அரசியல்வாதிகளால் கொலை செய்யப்பட்டது, தகவல் அறியும் உரிமைச் சட்டத்தைப் பயன்படுத்தி வெற்றிகண்ட முக்கியமான வழக்கு விவரங்கள் எனப் பல கட்டுரைகள் குறிப்பிடத்தக்கவை!
| 
