"அவர் நடிகர்களை ரொம்ப நல்லாப் பார்த்துக்குவார். `உனக்கு இந்த டயலாக் வரல, இன்னொரு முறை பேசு'ன்னுகூட சொல்லமாட்டார். `இதுதான் சூழல். இந்த இடத்துல உங்க கேரக்டர் இந்த எமோஷனை வெளிப்படுத்தணும். உங்களுக்கு என்ன வருதோ, பேசுங்க'ன்னு சொல்வார். நடிப்புல சின்ன சின்ன கரெக்‌ஷன் பண்ணி, அதை சூப்பரான காட்சியா மாத்திடுவார். அவருடைய `விசாரணை' படம் பார்த்து அசந்திருக்கேன். எனக்கு செல்வராகவன் சார்மேல ஒரு பயம் இருக்கும். காரணம், அவர் மனசுக்குள்ளே இருக்கிற விஷயம் நம்மகிட்ட இருந்து வர்றவரை நம்மளை விடவேமாட்டார். இவரும் அப்படித்தானோன்னு நினைச்சு வந்தேன். ஆனா, வெற்றி மாறன் சார் ஸ்டைல் வேற!"

"நடிக்கும்போது எனக்கு அது தெரியல. படம் பார்த்துட்டு, `கர்மா இஸ் பூமராங்'னு மக்கள் சோஷியல் மீடியாவுல சொல்லும்போதுதான், `அட ஆமாம்!'னு நினைச்சேன். அப்போ, அவர் என் தங்கச்சிக்குத் தாலி கட்டி எனக்கு எதிரா இருப்பார். இதுல, அவர் கல்யாணம் பண்ணிக்கப்போற பொண்ணை அடிச்சு அவருக்கு எதிரா நான் இருக்கேன். அதேபோல, அபிராமியை நான் உதைக்கிற காட்சிக்குத் தியேட்டர்ல எல்லோரும் டென்ஷனாகிட்டாங்க. `நீ உதைக்கிறதுல அந்தப் பொண்ணு கீழே விழணும். ஆனா, கவனம்'னு சொன்னார் வெற்றி மாறன் சார். எனக்குக் கொஞ்சம் பயமா இருந்தது. ஆனா, அந்தப் பொண்ணு செம ஜாலியா `நீங்க உதைங்க சார். நான் விழுந்திடுறேன்'னு சொல்லிடுச்சு. டேக் ஓகே ஆகலைன்னா, மறுபடியும் உதைக்கணுமேனு பயந்து, ஒரே டேக்ல நல்லா உதைச்சுட்டேன். வெற்றி மாறன் சாரும் டேக் ௐகே சொல்லிட்டார்."

"என் சொந்த ஊர் மதுரை. எங்க குடும்பமே போலீஸ் குடும்பம்தான். அப்பாவும், ரெண்டு தம்பிகளும் போலீஸா இருக்காங்க. நான் டிகிரி முடிச்சதும் சப்-இன்ஸ்பெக்டர் ஆகணும்னு நினைச்சேன். ஆனா, என்னை சினிமாவுக்குக் கூட்டிக்கிட்டு வந்தது `வல்லரசு' இயக்குநர் மகாதேவன் சார். அந்தப் படத்துல நடிக்க வைக்கிறதா சொன்னார். ஆனா, நடக்கல. சும்மா இருக்க வேண்டாம்னு கூத்துப் பட்டறையில் சேர்ந்தேன். விஜய் சேதுபதி, நான் எல்லோரும் ஒரே டீம். சுனாமி வந்த சமயம் அது. நாங்க அப்போ சுனாமி பாதிப்பை நாடகமா போட்டதைப் பார்த்த செல்வராகவன் சார், தனுஷ்கூட `புதுப்பேட்டை'யில நடிக்க வெச்சார்."

" 'வெண்ணிலா கபடிக்குழு' படத்துல கபடி டீம் கேப்டனா நடிச்சிருந்தேன். இந்தப் படத்துக்குப் பிறகு, எல்லோரும் `அடுத்து ஹீரோவா'ன்னு கேட்க ஆரம்பிச்சுட்டாங்க. அதுக்குத் தகுந்தமாதிரி எனக்கும் நாலு படங்கள்ல ஹீரோவா நடிக்கிற வாய்ப்பு வந்தது. நானும் ரெண்டு வருடம் சின்ன சின்ன கேரக்டர்களையெல்லாம் தவிர்த்துட்டு, ஹீரோவா நடிக்க தயாராகிட்டு இருந்தேன். ஆனா, நாலு படத்துல ஒரு படம்கூட ஆரம்பிக்கல. இடையில் கல்யாணம், குழந்தைன்னு ஆகிடுச்சு. ஹீரோ ஆசையில நாலு வருடத்தை இழந்துட்டேன். பிறகு, மறுபடியும் சின்ன சின்ன கேரக்டர்ல நடிக்க ஆரம்பிச்சேன். ஒருமுறை விஜய் சேதுபதி என்கிட்ட `மச்சான், நாமெல்லாம் நடிகர்கள்டா. நடிச்சுக்கிட்டே இருப்போம். நமக்கான இடத்தை மக்கள் முடிவு பண்ணுவாங்க'னு சொன்னார். அது ரொம்ப ரொம்ப உண்மை. அதனால, ஹீரோ, வில்லன்னு எதையும் பார்க்காம, எந்தக் கேரக்டரா இருந்தாலும் அதுல என்னை நிரூபிக்கணும்னு நடிச்சுக்கிட்டிருக்கேன்."

"என் நண்பன் விஜய் சேதுபதிக்கு நண்பனா நடிக்கிறேன். ஜனநாதன் சார் படங்கள் எனக்கு ரொம்பப் பிடிக்கும். அவர் படத்துல நடிக்கணுங்கிற ஆசை `லாபம்' மூலமா நிறைவேறிடுச்சு. என் நண்பன் சேது இப்போ பெரிய மாஸ் ஹீரோ ஆகிட்டார். இப்போ அவர்கூட நடிக்கிறது சந்தோஷம். என்னதான் இவ்ளோ பெரிய இடத்துல இருந்தாலும், அப்போ இருந்த அதே நட்பு இப்போவும் அவர்கிட்ட இருக்கு. இன்னும் மாமா, மச்சான்னுதான் கூப்பிட்டுக்கிறோம். இந்தப் பண்புதான் சேதுவுக்கு இவ்வளவு ரசிகர்களைப் பெற்றுத் தந்திருக்கு. `அசுரன்'ல சூப்பரா நடிச்சிருக்கனு எல்லோரும் சொல்றாங்க மச்சி. நான் இன்னும் படம் பார்க்கல, பார்த்துட்டு சொல்றேன்"னு சொல்லிட்டு, எனக்கு ஒரு குடையைப் பரிசா கொடுத்தார்."