Published:Updated:

மலேசியா வாசுதேவன் பயோபிக்கில் விஜய்சேதுபதி!

மலேசியா வாசுதேவன், விஜய்சேதுபதி
பிரீமியம் ஸ்டோரி
மலேசியா வாசுதேவன், விஜய்சேதுபதி

படங்கள்: ஸ்டில்ஸ் ரவி

மலேசியா வாசுதேவன் பயோபிக்கில் விஜய்சேதுபதி!

படங்கள்: ஸ்டில்ஸ் ரவி

Published:Updated:
மலேசியா வாசுதேவன், விஜய்சேதுபதி
பிரீமியம் ஸ்டோரி
மலேசியா வாசுதேவன், விஜய்சேதுபதி

‘ஆட்டுக்குட்டி முட்டையிட்டு’, ‘ஆசை நூறுவகை’, ‘பூங்காற்று திரும்புமா’ என்று மலேசியா வாசுதேவனின் மந்திரக் குரலைச் சொல்ல பலநூறு பாடல்கள் உண்டு. ஒரு நடிகராகவும் தன்னை நிரூபித்த மலேசியா வாசுதேவன் மறைந்துவிட்டாலும் இன்னமும் அவர் குரலை உயிர்ப்புடன் காற்று நம்மிடம் சமர்ப்பித்துக்கொண்டுதான் இருக்கிறது. இப்போது இருந்திருந்தால் அவருக்கு 75 வயது. தந்தையின் நினைவலைகளைப் பகிர்ந்துகொள்கிறார் மலேசியா வாசுதேவனின் மகன், நடிகர் யுகேந்திரன்.

மலேசியா வாசுதேவன் பயோபிக்கில் விஜய்சேதுபதி!

‘அப்பாவோட 75வது பிறந்தநாளை பெரிய நிகழ்ச்சியா பண்ணலாம்ன்றது பல மாதத் திட்டம். அவர் பிறந்த மலேசியாவில் அதன் ஏற்பாடுகளை ஜனவரியில் ஆரம்பிச்சேன். 5,000 பேர் வரக்கூடிய இடத்தை முடிவு பண்ணி, வேலைகளை ஆரம்பிக்கறப்பதான் கொரோனா வந்திடுச்சு. அப்புறம் ஆன்லைன்ல நடத்தலாமேன்னு மூணு வாரங்களுக்கு முன்னாடியே ஒரு ஹேன்டேக் கிரியேட் பண்ணி அப்பாவோட பாடல்களை நானே பாடி வீடியோ போட்டேன். அப்பாவோட ரசிகர்கள் தொடங்கி ரஜினி சார், கமல் சார், இளையராஜா சார், ஏ.ஆர்.ரஹ்மான் சார், எஸ்.பி.பி அங்கிள்னு பல பேர்கிட்ட வீடியோஸ் கேட்டேன். ரஜினி சார் ஆடியோவா பேசி அனுப்பிட்டார். ஜூன் 15-ம் தேதி யூடியூப்ல லைவ் வீடியோ பண்ணி அந்த வீடியோ, அப்பாவுக்குத் தெரிஞ்சவங்க, ரசிகர்கள்னு பல பேரைப் பேச வெச்சேன். மனசுக்கு நெருக்கமான நிகழ்ச்சியா அது அமைஞ்சது.’’

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer
மலேசியா வாசுதேவன், விஜய்சேதுபதி
மலேசியா வாசுதேவன், விஜய்சேதுபதி

‘`உங்க அப்பா ரஜினியின் படங்களுக்கு அதிகமாகப் பாடியிருக்கார். ரஜினி - மலேசியா நட்பு பத்திச் சொல்லுங்களேன்.”

‘`மாஸ் ஓப்பனிங் பாடல்கள் ஆரம்பிச்சதே ரஜினி சார் படங்களில்தான். ‘எஜமான்’ படத்துக்குப் பிறகு திடீர்னு ஒரு இடைவெளி வந்திடுச்சு. ஒரு நாள் தேவா சார் ஆபீஸ்ல இருந்து அப்பாவுக்கு போன் வந்து, ரெக்கார்ட்டிங் கிளம்பிப் போனார். வந்ததும், `சிங்கம் ஒன்று புறப்பட்டதே’ன்னு ஒரு பாட்டு பாடினேன். `படத்துல அவர் அரசியல்ல நிக்கிற மாதிரி இருக்கும் போல’ன்னு சொன்னார். எனக்கு உடம்பெல்லாம் சிலிர்த்துப்போச்சு. அப்பா சொல்லி முடிக்க, ஒரு போன் வந்துச்சு. நான்தான் எடுத்தேன். ‘நான் ரஜினி பேசுறேன்; வாசு சார் இருக்காரா’ன்னு கேட்டார். அப்பாகிட்ட, ‘ரொம்ப நாள் கழிச்சு என் படத்துல பாடியிருக்கீங்க. ரொம்ப சந்தோஷம் சார். இந்தப் பாட்டு எனக்கு ரொம்ப முக்கியம்’னு சொன்னார். அப்பா மேல ரஜினி சாருக்கு எப்போதுமே ஒரு தனி மரியாதை.’’

‘`ஏ.ஆர்.ரஹ்மானுக்கு உங்கள் அப்பாதான் வாய்ப்பு வாங்கிக்கொடுத்தார்னு ஒரு பேச்சு இருக்கே?’’

``அவர் கீபோர்டு ஆர்ட்டிஸ்ட்டா இருந்தப்போ, அப்பாதான் ஆல்பம் வாய்ப்பு வாங்கிக் கொடுத்திருக்கார். அதுக்கப்புறம்தான் அவர் வெளியில தெரிய ஆரம்பிச்சதா, ரஹ்மான் சாரே பல இடங்களில் சொல்லியிருக்கிறார். எப்போ ரஹ்மான் ரெக்கார்டிங் போயிட்டு வந்தாலும் ‘அந்தப் பையன் யூஸ் பண்ற சவுண்ட் எல்லாமே வித்தியாசமா இருக்குப்பா’ன்னு சொல்லிட்டே இருப்பார். `மின்சார கனவு’ படத்துல ‘பூப்பூக்கும் ஓசை’ பாட்டுல `தில்கோரே... தில்கோரே’னு ஒரு ஹம்மிங் வரும். அந்தப் படம் தமிழ், தெலுங்கு, மலையாளம், இந்தின்னு நான்கு மொழிகளிலும் வெளியாச்சு. அதனால நான்கு முறை சம்பளம் கொடுத்தார் ரஹ்மான் சார்.”

மலேசியா வாசுதேவனின்
மலேசியா வாசுதேவனின்

‘‘ `அலெக்ஸ் இன் வொண்டர்லேண்ட்’ நிகழ்ச்சியில் உங்க அப்பா பற்றி அலெக்ஸாண்டர் பாபு பேசியிருப்பார், பார்த்தீங்களா..?’’

``அலெக்ஸை எனக்கு ரொம்ப வருஷமாவே தெரியும். நான் விஜய் டிவியில `இசைக்குடும்பம்’னு ஒரு ஷோ ஆங்கர் பண்ணினேன். அதுல அலெக்ஸும் ஒரு போட்டியாளர். நியூசிலாந்துக்கு ஷோ பண்ண வந்தப்போ அவரை மீட் பண்ணினேன். `அலெக்ஸ் இன் வொண்டர்லேண்ட்’ ஷோல, ‘கூப்பிட்டதும் ஆட்டோ ஏறிடுவார்’னு லைட்டா அப்பாவைக் கலாய்ச்சிருப்பார். அது ஒரு காமெடி நிகழ்ச்சிங்கிறதால பரவாயில்லை. அப்பாவை மறுபடியும் யங்ஸ்டர்களுக்கு ஞாபகப்படுத்தினார். அந்த வகையில் அது எனக்கு ரொம்ப சந்தோஷமான விஷயம்தான்.’’

‘`மலேசியா வாசுதேவன், எஸ்.பி.பி, கங்கை அமரன்னு மூணு பேரும் நல்ல நண்பர்களா இருந்த மாதிரி, அவங்க பசங்களான நீங்களும் நல்ல நண்பர்கள்னு கேள்விப்பட்டோமே?’’

``ஆமா. நாங்க எல்லாரும் சேர்ந்து `நெக்ஸ்ட் ஜெனரேஷன்’னு ஒரு இசைக்குழு வெச்சிருந்தோம். எங்க குரூப்லேயே எனக்கு மட்டும்தான் நடிகனாகணும்னு ஆசை. ஆனால், வெங்கட் பிரபுவும் `பூஞ்சோலை’ன்னு ஒரு படத்தில் ஹீரோவா நடிச்சான். படம் ரிலீஸாகலை. அப்புறம் நான், வெங்கட், சரண் மூணு பேரும் சேர்ந்து ‘காதல் சாம்ராஜ்ஜியம்’னு ஒரு படத்தில் நடிச்சோம். அதுவும் ரிலீஸாகலை. ‘சென்னை-28’ ஆடிஷன் பண்ணுனது நாங்கதான். ஜெய்யையும் நிதின் சத்யாவையும் நான்தான் படத்துக்குள்ள கொண்டு வந்தேன். ஆனால், ஷூட்டிங் ஆரம்பிக்கிறதுக்கு முன்னாடி வேவ் லென்த் மிஸ்ஸானதால நான் நடிக்க முடியாமல் போச்சு. இப்போ `மாநாடு’ படத்துலகூட எனக்கு ஒரு கேரக்டர் இருந்துச்சு. அதுவும் கடைசி நேரத்தில் மாறிடுச்சு.’’

“வில்லன் கதாபாத்திரத்தில் அதிகம் நடிக்க என்ன காரணம்?’’

``நான் நடிக்க வந்தப்போ என் வயசு ஹீரோக்களுக்கு ஏற்ற வில்லன் நடிகர்கள் கம்மி. அதனாலதான் ‘பூவெல்லாம் உன் வாசம்’ அஜித்துக்கும், ‘யூத்’ விஜய்க்கும் வில்லனா நடிச்சேன். ஒரு நடிகர் ஒரு கேரக்டர்ல நடிச்சு வொர்க் அவுட் ஆகிடுச்சுன்னா, தொடர்ந்து அதே மாதிரியான கேரக்டர்தான் வரும். ‘திருப்பாச்சி’ படத்துல போலீஸ் கேரக்டரில் நடிச்சதுக்கு அப்புறம் வரிசையா பல போலீஸ் கேரக்டர் வந்துச்சு. நண்பர்களுக்காக சில படங்கள்ல நடிச்சேன். மத்தப்படி, வித்தியாசமான கேரக்டர்களில்தான் நடிக்க ஆசைப்படுறேன். இப்போ இருக்கிற கார்த்திக் சுப்புராஜ், விக்னேஷ் சிவன் மாதிரியான இளம் இயக்குநர்கள் படங்களில் நடிக்கணும்னு ஆசை.’’

‘`பாடகரா உங்களோட அனுபவம் சொல்லுங்க?’’

‘’நான் எந்தப் படத்துக்காக பாடிட்டு வந்தாலும் யார்கிட்டயும் சொல்ல மாட்டேன். ஏன்னா, அது எப்போ வேணும்னாலும் மாறும்கிற நிலைமைதான் இருந்துச்சு. அப்பாகூட கேட்பார். அப்போ ‘உங்க காலம் மாதிரி இல்லப்பா. ஒரு பாடகர் பாடிட்டு வந்ததும் இன்னொரு பாடகரை வெச்சு அதே பாட்டை ரெக்கார்ட் பண்றாங்க. யாரோட வாய்ஸை செலக்ட் பண்ணுறாங்க’ன்னு யாருக்கும் தெரியாது. வெளியில சொல்லி அப்புறம் நம்ம வாய்ஸ் வரலைன்னா சீன் ஆகிரும்’னு சொல்லுவேன். அப்படி நான் பாடி என் வாய்ஸ்ல வந்து எனக்கு நல்ல ரெஸ்பான்ஸ் கொடுத்த பாட்டுன்னா, ‘பார்த்தேன் ரசித்தேன்’ படத்தோட பார்த்தேன் பார்த்தேன்’ பாட்டுதான். அதுக்கப்புறம் `பாண்டவர் பூமி’ படத்தோட `தோழா... தோழா’, `ஆட்டோகிராப்’ படத்தோட ‘கிழக்கே பார்த்தேன்’, `லேசா லேசா’ படத்தோட `முதல் முதலாய்’ எல்லாமே நல்ல ஹிட்.’’

‘`உங்க அப்பாவோட பயோபிக் எடுக்குற ஐடியா இருக்கா?’’

``எங்க அப்பாவுக்குப் பின்னாடி ஒரு பெரிய ட்ராவல் இருக்கு. அவர் மலேசியா ரப்பர் தோட்டத்துல வேலை பார்த்தது, சினிமாவுக்கு வந்ததுன்னு ஒரு கதை இருக்கு. ஏற்கெனவே இதை வெச்சு நான் ஒரு டாக்குமென்ட்டரி பண்ணியிருக்கேன். இதைப் படமா பண்ணலாம்னு ஐடியாவும் இருக்கு. எல்லாம் சரியா நடந்தால் என்னோட அந்த ஆசையும் நிறைவேறும். அப்படி எடுத்தால், அதில் நடிக்க விஜய் சேதுபதி ரொம்பப் பொருத்தமா இருப்பார்னு தோணுது. எனக்கு அவர் நடிப்பு ரொம்பப் பிடிக்கும். அப்பாவோட பாடி லாங்குவேஜை அவரால அப்படியே பண்ண முடியும்னு நினைக்கிறேன்.’’