கேன்ஸ் திரைப்பட விழாவில் தீபிகா படுகோனின் 'வாவ்' காஸ்ட்டியூம்ஸ்! #Cannes2018

கேன்ஸ் திரைப்பட விழாவில் தீபிகா படுகோனின் வாவ் உடைகள்

கேன்ஸ் திரைப்பட விழாவில் தீபிகா படுகோனின் 'வாவ்' காஸ்ட்டியூம்ஸ்! #Cannes2018

'மே' மாதத்தின் மிகப்பெரிய உலக சினிமா விருது விழா என்றால் அது, 'கேன்ஸ் ஃபிலிம் ஃபெஸ்டிவல்'தான். கடந்த ஏழு தசாப்தங்களாக நடந்துவரும் இந்த விருது விழா தற்போது ஃபிரான்சில் நடைபெற்று வருகிறது. 71-வது கேன்ஸ் ஃபிலிம் ஃபெஸ்டிவலில் ஐஸ்வர்யா ராய், ஹீமா குரேஷி, தீபிகா படுகோன், கங்கனா ரனாவத், சோனம் கபூர் போன்ற பலர் கலந்துகொண்டனர். மே 19-ம் தேதி வரை நடைபெறவிருக்கும் இந்த விழாவில், ஒவ்வொருவரின் ரெட் கார்பெட் காஸ்டியூம்கள் லேட்டஸ்ட் டிரெண்டிங். குறிப்பாக, தீபிகா படுகோன் தனது தினசரி காஸ்ட்டியூம்களை ட்விட்டர் பக்கத்தில் பகிர்ந்து வருகிறார். இரண்டு நாள்களில் கிட்டத்தட்ட ஆறு காஸ்ட்டியூம்களை தேர்வுசெய்து அணிந்துவந்த தீபிகாவின் 'வாவ்' காஸ்ட்யூம்கள் இதோ...

நீல நிற கெளபாய் காஸ்ட்டியூமில் ஃபிரான்சில் தரையிறங்கிய தீபிகாவின் கொள்கை, "கேன்ஸ் ஃபிலிம் பெஸ்டிவலில் ஸ்கின் கலருக்குத் தகுந்தமாதிரி டார்க் மேக்அப் போடுவதுதான்" என்று குறிப்பிட்டிருந்தார். அதற்குத் தகுந்தாற்போல் வெளிர் நிற உடைகளையே தேர்வுசெய்து அணிந்து வந்தார்.  

தீபிகா

பாரம்பர்யமிக்க ராணி உடைகளிலிருந்து ஹாட் பிகினி காஸ்ட்டியூம்கள் வரை... தனக்குக் கொடுக்கப்படும் உடைகளுக்கு ஏற்றார்போல், லுக் அண்ட் ஸ்டைலை மாற்றிக்கொள்பவர், தீபிகா. இவ்விழாவில் தனது முதல் நாளில் ஃபேப்ரிக் க்ரேப் (Fabric Crepe) எனப்படும் மெல்லிய துணியில் டிசைன் செய்யப்பட்ட உடையை (Gown) அணிந்திருந்தார். இதற்கு மேட்சிங்காக சுஹானி பரேக் என்பவர் டிசைன் செய்திருந்த பிங்க் நிற காதணியை அணிந்திருந்தார். 

Cannes2018

குறைந்த அளவு மேக்கப் அணிய வேண்டும் என்று முடிவு செய்திருந்த தீபிகாவின் அடுத்த சாய்ஸ், வெளிர் நீல நிற பேன்ட் மற்றும் வெள்ளை நிற ஸ்லீவ் லெஸ் டாப். அதற்குமேல் டெனிம் ஓவர் கோட். ஃபேஷன் நிறங்களில் 'தி பெஸ்ட்' எனப்படும் நீல - வெள்ளை நிற உடைக்குத் தகுந்தபடி ஸ்கின் கலர் ஃஹை ஹீல்ஸ் அணிந்திருந்தார் தீபிகா. 

Deepika

முதல் நாளின் தொடக்கத்தில் நெட் மற்றும் லேஸ் கொண்டு வடிவமைக்கப்பட்ட கிரீம் நிற ப்ரைடல் உடையைத் தேர்வு செய்திருந்தார். இதற்கு மேட்சிங்காக வைரத் தோடுகள் மற்றும் சில்வர் நிற ஷூ அணிந்திருந்தார். முடியை ஸ்ட்ரெயிட்னிங் செய்து தீபிகாவின் எவர் க்ரீன் ஹேர் ஸ்டைலில் வந்திருந்தார். 

Cannes2018

அடுத்ததாக, லோரியல் பாரிஸை (Loreal Paris) பிரதிநிதித்துவப் படுத்தும் முறையில், அந்த நிறுவனத்தின் காஸ்ட்டியூமை அணிந்து வந்திருந்தார் தீபிகா. பர்பிள் நிற கோட் - சூட்டுக்கு மேட்ச்சாக அடர் நிற காஜல் அணிந்திருந்தார். வெஸ்டர்ன் உடைகளுக்கான சிறந்த ஹேர் ஸ்டைல் என்று கூறப்படும் ஸ்ட்ரெயிட்னிங் ஸ்டைலில், முழுக்க லோரியல் மேக்அப் பொருள்களை வைத்துத் தன்னை அலங்கரித்திருந்தார், தீபீகா.

தீபிகா

இரண்டாவது நாளின் தொடக்கத்தில், மென்மையான உலோகத்தால் தயாரிக்கப்பட்டிருந்த சில்வர்-கிரீன் நிற உடையை அணிந்திருந்தார் தீபிகா. இத்தாலிய ஸ்டைலில் இந்த உடையை வடிவமைத்திருந்தார், காஸ்ட்டியூமர் ஆல்பெர்ட்டா ஃபேரெட்டி.  

Deepika Padukone

இரண்டாவது நாளின் இறுதியில் தீபிகா படுகோன் அணிந்திருந்த உடைதான் இணையத்தில் டாப் டிரெண்ட். பிங்க் நிற மல்டி லேயர் உடை எனப்படும் இதை 'அஷி ஸ்டுடியோ கோச்சர்' எனும் ஃபேஷன் நிறுவனம் தயாரித்திருக்கிறது. இந்த உடைக்குப் பொருத்தமாக பவளக் காதணி மற்றும் பிங்க் நிறக் காலணிகளை அணிந்திருந்தார்.  

Deepika Cannes RedCarpet

Do you like the story?

Please Appreciate the Author by clapping!